Monday, June 24, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ରୁଦ୍ରାକ୍ଷ ଧାରଣ କରିବା ଦ୍ୱାରା ବଢିଥାଏ ସ୍ମରଣ ଶକ୍ତି, ନିୟନ୍ତ୍ରିତ ହୋଇଥାଏ ରକ୍ତଚାପ: ଜାଣନ୍ତୁ ଏହାର କିଛି ବିଶେଷ ଗୁଣ

ଭୁବନେଶ୍ୱର ୨୫/୫ : ଭାରତୀୟ ସଂସ୍କୃତିରେ ରୁଦ୍ରାକ୍ଷର ଅନେକ ମହତ୍ୱ ରହିଛି । ରୁଦ୍ରାକ୍ଷ ମନୁଷ୍ୟକୁ ସବୁ ପ୍ରକାର ହାନିକାରକ ଶକ୍ତିରୁ ରକ୍ଷା କରିଥାଏ ବୋଲି ବିଶ୍ୱାସ ରହିଛି । ରୁଦ୍ରାକ୍ଷ କେବଳ ତପସ୍ୱୀ ହିଁ ବ୍ୟବହାର କରନ୍ତିନି । ସାଂସାରିକ ଜୀବନରେ ମଧ୍ୟ ଲୋକେ ରୁଦ୍ରାକ୍ଷ ବ୍ୟବହାର କରନ୍ତି । ରୁଦ୍ରାକ୍ଷ ମାଳା ପିନ୍ଧିବା ଧାର୍ମିକ ମହତ୍ୱ ରଖିବା ସହ ବୈଜ୍ଞାନିକ ତଥ୍ୟ ଅନୁସାରେ ଲାଭପ୍ରଦ ହୋଇଥାଏ । ରୁଦ୍ରାକ୍ଷ ଧାରଣ କରିବା ଦ୍ୱାରା ଶରୀରରେ ସକାରାତ୍ମକ ପ୍ରଭାବ ପଡିଥାଏ ।

ରୁଦ୍ର ଅର୍ଥ ଶିବ ଏବଂ ଅକ୍ଷ ଅର୍ଥ ଆଖି କିମ୍ବା ଆତ୍ମା । ତ୍ରିପୁରାସୁରକୁ ପୋଡି ଭସ୍ମ କରିବା ପରେ ଭଗବାନ ରୁଦ୍ରଙ୍କ ହୃଦୟ ତରଳି ଯାଇଥିଲା । ଦୁଃଖରେ ମ୍ରିୟମାଣ ହୋଇ ସେ କାନ୍ଦି ପକାଇଥିଲେ । ଶିବଙ୍କ ଆଖିରୁ ଝରିଥିବା ଲୁହ ଯେଉଁ ସ୍ଥାନରେ ପଡିଥିଲା ସେଠାରେ ରୁଦ୍ରାକ୍ଷ ବୃକ୍ଷ ଉଠିଥିଲା । ହିନ୍ଦୁ ଧର୍ମରେ ରୁଦ୍ରାକ୍ଷକୁ ଅତ୍ୟନ୍ତ ପବିତ୍ର ବୋଲି ବିଶ୍ୱାସ କରାଯାଏ । ବିଶେଷକରି ଶିବ ଭକ୍ତ ଏହାକୁ ଅତ୍ୟନ୍ତ ପବିତ୍ର ବୋଲି ବିଶ୍ୱାସ କରନ୍ତି । ଉପନିଷଦରେ ରୁଦ୍ରାକ୍ଷକୁ ଭଗବାନ ଶିବଙ୍କ ନେତ୍ର ବୋଲି କୁହାଯାଇଛି । ରୁଦ୍ରାକ୍ଷ ଧାରଣ କରିବା ଦ୍ୱାରା ପାପ ନଷ୍ଟ ହୋଇଥାଏ ଏବଂ ପୁଣ୍ୟ ପ୍ରାପ୍ତି ହୋଇଥାଏ । ଏଥିରେ ହୃଦୟ ସମ୍ବନ୍ଧୀୟ ବିକାର ଦୂର କରିବା ଭଳି ଅଦ୍ଭୁତ ଶକ୍ତି ରହିଛି ।  

ବୈଜ୍ଞାନିକଙ୍କ ଅନୁଯାୟୀ, ରୁଦ୍ରାକ୍ଷରେ ଇଲେକ୍ଟ୍ରୋ ମ୍ୟାଗନେଟିକ ଗୁଣ ରହିଛି । ଯେଉଁଥିପାଇଁ ଏଥିରେ ଅଦ୍ଭୁତ ଶକ୍ତି ରହିଛି । ଏହାର ଔଷଧୀୟ କ୍ଷମତା ବିଦ୍ୟୁତ ଚୁମ୍ବକୀୟ ପ୍ରଭାବରୁ ଉତ୍ପନ୍ନ ହୋଇଥାଏ ।

ଇନ୍ଟରନ୍ୟାଶନାଲ ୟୁନିଭର୍ସିଟି ଫ୍ଲୋରିଡାର ବୈଜ୍ଞାନିକ ଡାକ୍ତର ଡେଭିଡ ଲିଙ୍କ ଅନୁସନ୍ଧାନରେ ଜଣାପଡିଛି ଯେ, ରୁଦ୍ରାକ୍ଷ ବିଦ୍ୟୁତ ଶକ୍ତିର ଆବେଗକୁ ସଂଚିତ କରିଥାଏ । ଯାହାଫଳରେ ଏଥିରେ ଚୁମ୍ବକୀୟ ଗୁଣ ବିକଶିତ ହୋଇଥାଏ ।

ରୁଦ୍ରାକ୍ଷ ବୌଦ୍ଧିକ କ୍ଷମତା ଏବଂ ସ୍ମରଣ ଶକ୍ତିକୁ ସୁଦୃଢ କରିବାରେ ସାହାଯ୍ୟ କରିଥାଏ । ରୁଦ୍ରାକ୍ଷ ଧାରଣ କରିବା ଦ୍ୱାରା ଚିନ୍ତା ଏବଂ ସମସ୍ୟା ଧିରେ ଧିରେ କମି ଯାଇଥାଏ । ମାନସିକ ସ୍ଥରରେ ମଣିଷ ଶାନ୍ତି ପାଇଥାଏ ଏବଂ  ଶକ୍ତି ବୃଦ୍ଧି ହୋଇଥାଏ । ରୁଦ୍ରାକ୍ଷ ଧାରଣ କରିବା ଦ୍ୱାରା ରକ୍ତ ସଂଚାଳନ ଭଲ ଭାବେ ହୋଇଥାଏ । ରୁଦ୍ରାକ୍ଷ ହୃଦୟ ରୋଗ, ରକ୍ତଚାପ ନିୟନ୍ତ୍ରଣ କରିବାରେ ପ୍ରଭାବଶାଳୀ ବୋଲି ବିଚାର କରାଯାଏ ।

143 Views

   ସମ୍ବନ୍ଧିତ ଖବର