ସୂର୍ଯ୍ୟ ଓ ମଙ୍ଗଳଙ୍କ ଯୋଗୁ ହେଉଥିବା ଅଙ୍ଗାରକ ଯୋଗ ଏବେ ମକର ରାଶିରେ ସୃଷ୍ଟି ହୋଇଛି। ଏହିରାଶିରେ ପୂର୍ବରୁ ବୁଧ ଓ ମଙ୍ଗଳ ଅବସ୍ଥାନ କରୁଥିବା ବେଳେ ଗତ ୧୭ ତାରିଖ ଦିନ ସୂର୍ଯ୍ୟ ପ୍ରବେଶ କରିଛନ୍ତି। ଫଳରେ ତ୍ରିଗ୍ରହୀ ଯୋଗ ସୃଷ୍ଟି ହୋଇଥିବା ବେଳେ ଏହି ଯୋଗ ସବୁ ରାଶିକୁ ଅଳ୍ପ ବହୁତେ ପ୍ରଭାବିତ କରିବ। ଏଭଳି ଗ୍ରହସ୍ଥିତି ଯୋଗୁ ବଡ ରୋଚକ ଓ ଅପ୍ରତ୍ୟାଶିତ ଘଟଣା ସବୁ ଘଟିଥାଏ। ତ୍ରିଗ୍ରହୀ ଯୋଗକୁ ଫଳିତ ଜ୍ୟୋତିଷରେ କାର୍ଯ୍ୟ ଓ ବ୍ୟାପାର ନିମନ୍ତେ ଅତ୍ୟନ୍ତ ସଫଳତାଦାୟକ କୁହାଯାଉଥିବା ବେଳେ ମାତ୍ର କିଛି ରାଶିଙ୍କୁ ଛାଡି ଦେଲେ ବାକି ରାଶିଙ୍କଲାଗି ବରଦାନ ଭଳି ହେବ। ଏଥିରେ ଜାଣନ୍ତୁ ଆପଣଙ୍କ ରାଶି ପାଇଁ କିଭଳି ରହିବ ଏହି ଯୋଗ।
{"id":135991}ସୂର୍ଯ୍ୟଙ୍କ ଯୋଗୁ ସୃଷ୍ଟି ହୋଇଥିବା ଏହି ଯୋଗ କାରଣରୁ ସେୟାର ବଜାରରେ ଟ୍ରେଡିଂ, ରିୟଲ ଇଷ୍ଟେଟ୍, ବ୍ୟାଙ୍କିଙ୍ଗ ସେକ୍ଟର, ପାୱାର, ମେଟାଲ, ବୀମା, ଆଇଟି,ଜ୍ୱଳନଶୀଳ ପଦାର୍ଥ ଓ ଇନଫ୍ରା କ୍ଷେତ୍ର ପାଇଁ ବରଦାନ ହେବ। ତେବେ ମେଷ, ଧନୁ ଓ ସିଂହରାଶିରେ ଜାତ ଲୋକଙ୍କ ପାଇଁ ସମୟକୁ ଜଗିରଖି ଚଳିବାକୁ ହେବ। ଅଗ୍ନି ତତ୍ୱ ରାଶି ସିଂହ ଓ ଧନୁ ନିମନ୍ତେ ସମୟ ଭ୍ରମ ସୃଷ୍ଟି କରିବା ଭଳି ହେବ। ତେବେ ସ୍ୱାସ୍ଥ୍ୟ ଓ ସ୍ୱଭାବ ଉପରେ ସେଭଳି ଅଶୁଭ ପ୍ରଭାବ ପଡୁନଥିବାରୁ ସେତେଟା ବିଚଳିତ ହେବାର କାରଣ ନାହିଁ।
{"id":135989}ତେବେ ବୃଷ, କନ୍ୟା ଓ ମକର ରାଶିଙ୍କ ପାଇଁ ସମୟ ଚିନ୍ତାକାରକ ହୋଇପାରେ। ଟଙ୍କା ପଇସା ଉଧାର କରଜ ଦେବା ଓ ନେବାରେ ସାବଧାନତା ଅବଲମ୍ବନ କରନ୍ତୁ। ମାନସିକ ଚିନ୍ତା ସାଙ୍ଗକୁ ଷଡଯନ୍ତ୍ର,ଦଉଡାଧାପଡା ଓ ଆର୍ଥିକ କ୍ଷତିର ସମୟ ହୋଇଥିବାରୁ ପ୍ରତ୍ୟେକ କ୍ଷେତ୍ରରେ ସତର୍କତା ଅବଲମ୍ବନ କରନ୍ତୁ। ଜଳତତ୍ୱ ରାଶି, କର୍କଟ, ବୃଶ୍ଚିକ ଓ ମୀନ ରାଶିଙ୍କ ପାଇଁ ସୂର୍ଯ୍ୟ ଓ ମଙ୍ଗଳଙ୍କ ଏହି ଯୋଗ ଭାଗ୍ୟକାରକ ହୋଇଥିଲେ ହେଁ ପରିବାରରେ ଦ୍ୱନ୍ଦ୍ୱ ଓ ଅଶାନ୍ତିର କାରଣ ହୋଇପାରେ। ମିଥୁନ, ତୁଳା ଓ କୁମ୍ଭ ରାଶି ଉପରେ ଏହି ଯୋଗର ମିଶ୍ର ପ୍ରଭାବ ରହିବ। ସବୁ ପ୍ରକାର ଲାଭ ସତ୍ତ୍ୱେ ଏହି ୩ ରାଶି ପାରିବାରିକ ମତଭେଦ, କଳହ ଆଦି ସମସ୍ୟା ଦେଇ ଗତି କରିବେ। ତେବେ କୋର୍ଟ କଚେରୀ ମାମଲାରେ ଯୋଗ ସଫଳତା ଦାୟକ ହେବ।