ନୂଆଦିଲ୍ଲୀ ୨୩।୪ : ଚଳିତ ସାଧାରଣ ନିର୍ବାଚନ ପାଇଁ ସମାଜବାଦୀ ପାର୍ଟି ସୋମବାର ସନ୍ଧ୍ୟାରେ ପ୍ରାର୍ଥୀ ଘୋଷଣା କରିଛି। ଏଥିରେ ଗୁରୁତ୍ବପୂର୍ଣ୍ଣ ବାରଣାସୀ ଆସନ ପାଇଁ ଶାଲିନୀ ଯାଦବଙ୍କୁ ପ୍ରାର୍ଥୀ କରିଛି ଦଳ। ଏହି ଆସନରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରତିଦ୍ବନ୍ଦ୍ବୀତା କରିଥାନ୍ତି । ତେବେ ଦିନକ ପୂର୍ବରୁ କଂଗ୍ରେସ ଛାଡି ସପାରେ ଯୋଗଦେଇଥିବା ଶାଲିନୀ ବାରଣାସୀରୁ ପ୍ରାର୍ଥୀ ହେବା ଏବେ ଚର୍ଚ୍ଚାର ବିଷୟ ପାଲଟିଛି।
{"id":106534,"width":583,"height":438}
କଂଗ୍ରେସର ପୂର୍ବତନ ସାଂସଦ ତଥା ରାଜ୍ୟସଭା ଉପାଧ୍ୟକ୍ଷ ଶ୍ୟାମଲାଲ ଯାଦବଙ୍କ ପୁତ୍ରବଧୂ ହେଉଛନ୍ତି ଶାଲିନୀ । ବାରଣାସୀ ଆସନ ପାଇଁ କଂଗ୍ରେସ ଏପର୍ଯ୍ୟନ୍ତ ପ୍ରାର୍ଥୀ ଚୂଡାନ୍ତ କରି ନାହିଁ । ତେବେ ଏହି ଆସନରେ ପ୍ରିୟଙ୍କା ଓ୍ବାଡ୍ରା ପ୍ରାର୍ଥୀ ହେବେ ବୋଲି ଚର୍ଚ୍ଚା ହେଉଛି । ଯଦି ବିଜେପିରୁ ଏଠାରେ ମୋଦି ପ୍ରତିଦ୍ବନ୍ଦ୍ବୀତା କରନ୍ତି ଓ ତାଙ୍କ ବିପକ୍ଷରେ ପ୍ରୀୟଙ୍କା ପ୍ରାର୍ଥୀ ହୁଅନ୍ତି ତେବେ ଏଠାରେ ମୁକାବିଲା ବେଶ ରୋଚକ ହେବା ନିଶ୍ଚିତ ।
{"id":106535}
ଶାଲିନୀ ପେସାରେ ଜଣେ ଫ୍ୟାସନ ଡିଜାଇନର ଓ କଂଗ୍ରେସ ସହ ତାଙ୍କ ପାରିବାରିକ ସମ୍ପର୍କ ବେଶ ପୂରୁଣା । ବିଏଚୟୁରୁ ଇଂରାଜୀରେ ସ୍ନାତକ ଉତୀର୍ଣ୍ଣ ହୋଇଥିବା ଶାଲିନୀ ବାରଣାସୀ ମେୟର ପଦବୀ ପାଇଁ ଅତୀତରେ ପ୍ରାର୍ଥୀ ହୋଇଥିଲେ। ବିଜେପିର ମୃଦୁଲା ଜୟସ୍ବାଲଙ୍କଠାରୁ ସେ ହାରିଥିଲେ ମଧ୍ୟ ୧ ଲକ୍ଷ ୧୪ ହଜାର ଭୋଟ ପାଇବାର ରେକର୍ଡ ରହିଛି। ପାରିବାରିକ ସମ୍ପର୍କ ଯୋଗୁ କଂଗ୍ରେସ ସହ ଶାଲିନୀଙ୍କ ସମ୍ପର୍କ ମଧ୍ୟ ବେଶ ନିବିଡ । ଗତ ଦିନରେ ପ୍ରିୟଙ୍କାଙ୍କ ପ୍ରୟାଗରାଜ ଓ କାଶୀ ଗସ୍ତରେ ଶାଲିନୀ ସାମିଲ ଥିଲେ। ତେବେ ସେ ଅଚାନକ ହାତ ଛାଡି ସାଇକେଲରେ ସବାର ହୋଇଥିବା ବେଳେ ଦଳ ପାଇଁ ଏକ ସଙ୍ଗରେ ଦୁଇଦୁଇ ଜଣ ଦିଗ୍ଗଜ ନେତାଙ୍କ ବିରୋଧରେ ପ୍ରତିଦ୍ବନ୍ଦ୍ବୀତା କରିବେ।
