Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

ଜାଣନ୍ତୁ ୨୨ ହଜାର ଟଙ୍କାର ଚାଲାଣକୁ କିପରି ରଫାଦଫା କରିବେ ୪ଶହ ଟଙ୍କାରେ, ନିଜେ ପୋଲିସବାଲା ଦେଇଛନ୍ତି ଟିପ୍ସ

26/09/2019 at 3:38 PM

ଦେଶରେ ନୂଆ ମୋଟର ଯାନ ଆଇନ କାର୍ଯ୍ୟକାରୀ ହେବା ପରେ ଟ୍ରାଫିକ ନିୟମ ଉଲ୍ଲଂଘନ ଏବେ ଧର୍ତ୍ତବ୍ୟ ଅପରାଧ ବୋଲି ଅଧିକାଂସ ମୋଟର ବାହନ ଚାଳକ ଜାଣିଗଲେଣି। ଖାମଖିଆଲ ବାହନ ଚାଳନା କରି ଲୋକେ ହଜାର ହଜାର ଟଙ୍କା ଚାଲାଣବି କଟେଇଲେଣି। ଏଣୁ ଅନେକ ଲୋକ ଏବେ ନିଜର କାଗଜପତ୍ର ଠିକ ନଥିବା ବାହନକୁ ଘରେ ରଖି ସାର୍ବଜନିକ ପରିବହନ ବ୍ୟବସ୍ଥାର ଉପଯୋଗ କରୁଛନ୍ତି। ଏତେ ଦିନରେ ଆଇନପ୍ରତି ଲୋକଙ୍କ ମନରେ ଏବେ ଭୟ ସୃଷ୍ଟି ହୋଇଛି। ତେବେ ଏଥିରେ ଜନୈକ ପୋଲିସ୍ କର୍ମଚାରୀଙ୍କ ଭିଡିଓ ଏବେ ସୋସାଲ ମିଡିଆରେ ଖୁବ୍ ଭାଇରାଲ ହେଉଛି। ଯେଉଁଥିରେ ସେ ୨୨ ହଜାର ଟଙ୍କାର ଚାଲାଣକୁ କିପରି ୪ଶହ ଟଙ୍କାରେ ରଫାଦଫା କରାଯାଇପାରିବ ତାର ପରାମର୍ଶ ଦେଉଛନ୍ତି। ତେବେ ଆସନ୍ତୁ ଜାଣିବା ଭିଡିଓରେ କ’ଣ ପରାମର୍ଶ ଦେଇଛନ୍ତି ପୋଲିସବାବୁ। 

ବାହନ ଚଳାଇବା ବେଳେ ସାଙ୍ଗରେ ସବୁ ବେଳେ ଆବଶ୍ୟକ କାଗଜପତ୍ର ସହ ଘରୁବାହାରିବା ଦରକାର। ଯଦି କୌଣସି କାରଣରୁ ଆପଣ ଭୁଲିଯାଇଛନ୍ତି ଓ ରାସ୍ତାରେ ଯାଞ୍ଚର ସମ୍ମୁଖୀନ ହେଲେ ତେବେ ଏଥିଲାଗି ଏତେ ହଡବଡେଇବାର କୌଣସି ଆବଶ୍ୟକତା ନାହିଁ। ଆପଣ ଡ୍ରାଇଭିଂ ଲାଇସେନ୍ସ ଉପସ୍ଥାପନ କରିନପାରିଲେ ୫ହଜାରଟଙ୍କା, ପିୟୁସି ନଥିଲେ ୧୦ ହଜାର ଟଙ୍କା, ବୀମା କାଗଜପତ୍ର ନଥିଲେ ୨ ହଜାର,  ଗାଡିର ରେଜିଷ୍ଟ୍ରେସନ ଡକ୍ୟୁମେଣ୍ଟ ନଥିଲେ ଗାଡି  ଜବତ ମଧ୍ୟ ହୋଇପାରେ।

ତେବେ ଧୈର୍ଯ୍ୟହରା ହେବାର କିଛି କାରଣ ନାହିଁ। ଆପଣଙ୍କୁ ଚାଲାଣ ବାବଦ ଜରିମାନା ଭରିବାକୁ ୧୫ ଦିନ ସମୟ ମିଳୁଛି। ଏହି ସମୟରେ ବାହନର କାଗଜପତ୍ର ଠିକ କରି ସମ୍ପର୍କିତ ଅଧିକାରୀଙ୍କୁ ଭେଟି ସମସ୍ତ ଡକ୍ୟୁମେଣ୍ଟ ଉପସ୍ଥାପନ କରନ୍ତୁ ଓ ପ୍ରତି ଚାଲାଣ ବାବଦେ ୧ଶହ ଟଙ୍କା ଲେଖାଏଁ ଜରିମାନା ଦେଇ ନିଜର ରସିଦ ଧରି ଘରକୁ ଯାଆନ୍ତୁ ବୋଲି ହରିୟାଣା ପୋଲିସରଏହି କର୍ମଚାରୀଜଣକ କହିଛନ୍ତି।

କେତେକ ସ୍ଥଳରେ ଲୋକ ଭୟଭୀତ ହୋଇ ଚାଲାଣରୁ ବର୍ତ୍ତିବା ଲାଗି ପୋଲିସ କର୍ମଚାରୀଙ୍କୁ ଲାଞ୍ଚ ଯାଚୁଛନ୍ତି। ଆଉ କେତେକ ଆଇନ ସମ୍ବଦ୍ଧରେ ସଚେତନ ନଥିବାରୁ ସିଧା ଚାଲାଣ ଧରି ସମ୍ବଦ୍ଧିତ ଅଧିକାରୀଙ୍କୁ ଭେଟି ଚାଲାଣ ବାବଦ ଅର୍ଥ ପୈଠ କରି ନୂଆ ଆଇନ ଲାଗି ମୁଣ୍ଡ କୋଡୁଛନ୍ତି। ହେଲେ ଆଇନ ସବୁ ବେଳେ ଆଇନ। କିନ୍ତୁ ଆମେ ନ ମାନି ନିଜେ ଅସୁବିଧାରେ ପଡିବା ସହ ଅନ୍ୟକୁ ମଧ୍ୟ ଅସୁବିଧାରେ ପକାଉଛେ ବୋଲି ପୋଲିସ ବାବୁ ଜଣକ କହିଛନ୍ତି। ଅନେକ ସ୍ଥାନରେ ଲୋକେ ଆଇନକୁ ବିରୋଧ କରୁଛନ୍ତି। ତେବେ ଆଇନ ପ୍ରତି ସଚେତନ ଲୋକେ କୌଣସି ଠାରେ ହଇରାଣ ହେଉ ନାହାନ୍ତି କି ସେମାନଙ୍କୁ କେହି ହଇରାଣ କରୁ ନାହାନ୍ତି ବୋଲି ସୁନିଲ ସାନ୍ଧୁ ଲୋକଙ୍କୁ ତାଙ୍କ ଭିଡିଓ ମାଧ୍ୟମରେ ସଚେତନ କରାଇବାକୁ ଉଦ୍ୟମ କରିଛନ୍ତି।

   Related Posts