Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

ଇରାନ ଲାଗି କେତେ ଗୁରୁତ୍ୱପୂର୍ଣ୍ଣ ଥିଲେ କାସିମ ସୁଲେମାନୀ, ଜାଣନ୍ତୁ

3/01/2020 at 9:13 PM

ଆମେରିକା ରକେଟ୍ ଆକ୍ରମଣରେ ଶୁକ୍ରବାର ଇରାନ କ୍ୱାଦସ୍ ଫୋର୍ସ (କ୍ୟୁଏଫ) ମୁଖ୍ୟ ଜେନେରାଲ କାସିମ ସୁଲେମାନୀ ନିହତ ହୋଇଛନ୍ତି। ଘଟଣାରେ ଇରାନ ତୀବ୍ର ପ୍ରତିକ୍ରିୟା ପ୍ରକାଶ କରିଛି। ଏପରିକି ସୁଲେମାନୀଙ୍କ ମୃତ୍ୟୁର ପ୍ରତିଶୋଧ ନିଆଯିବବୋଲି ଇରାନ ଘୋଷଣା କରିଛି। ଏଥିରୁ ଇରାନ ଲାଗି ଜେନେରାଲ ସୁଲେମାନୀ କେତେ ଗୁରୁତ୍ୱପୂର୍ଣ୍ଣ ଥିଲେ ତାହା ଇରାନର ଏହି ଘୋଷଣାରୁ ଜଣାପଡେ। ତେବେ ଆସନ୍ତୁ ଜାଣିବା ଇରାନ ରିଭଲ୍ୟୁସନାରୀ ଗାର୍ଡ କର୍ପସ(ଆଇଆରଜିସି) କ୍ୟୁଏଫ ମୁଖ୍ୟଙ୍କ ସମ୍ପର୍କରେ।

ମଧ୍ୟପ୍ରାଚ୍ୟରେ ଇରାନ ପ୍ରଭାବ ବୃଦ୍ଧିରେ ସହାୟକ ହୋଇଥିଲେ
ନିହତ କାସିମ ସୁଲେମାନୀଙ୍କ ଯୋଗୁ ମଧ୍ୟପ୍ରାଚ୍ୟରେ ଇରାନର ପ୍ରଭାବ ବିସ୍ତାର ହେବାରେ ଲାଗିଥିଲା। ଏଣୁ ଆମେରିକା ସମର୍ଥକ ଦେଶ ସାଉଦୀ ଆରବ ଓ ଇସ୍ରାଏଲ ଭୟଭୀତ ହେବାରେ ଲାଗିଥିଲେ। ସିରିଆ ଓ ଇରାକ୍ ଯୁଦ୍ଧରେ ସୁଲେମାନୀଙ୍କ ପ୍ରଭୁତ୍ୱ ଦେଖିବାକୁ ମିଳିଥିଲା। ଏଣୁ ଆମେରିକା ଚାହିଁକରି ବି ସିରିଆରୁ ବସର ଅଲ- ଅସଦ ସରକାରଙ୍କୁ ଶେଷ ପର୍ଯ୍ୟନ୍ତ ହଟାଇ ପାରିନଥିଲା। କେବଳ ଏତିକି ନୁହେଁ ଆତଙ୍କବାଦ ସଙ୍ଗଠନ ଆଇଏସଆଏସ୍ ବିରୋଧରେ ସୁଲେମାନୀଙ୍କ ଭୂମିକା ଗ୍ରହଣୀୟ ଥିଲା।

ଆଇଏସଆଇଏସ୍ ବିରୋଧରେ ଗଢିଥିଲେ ଫୋର୍ସ
ଅନ୍ତର୍ଜାତୀୟ ଆତଙ୍କବାଦ ସଙ୍ଗଠନ ଇସ୍ଲାମିକ୍ ଷ୍ଟେଟ୍ କବଳରୁ ବାଗଦାଦକୁ ରକ୍ଷା କରିବା ଲାଗି ସୁଲେମାନୀ ପପୁଲାର ମୋବିଲାଇଜେସନ ଫୋର୍ସ ଗଠନ କରିଥିଲେ। ଯାହା ଆଇଏସଆଇସ୍‌ର ଅନ୍ତ କରିଥିଲା। ଇରାନ ଓ ଇରାକ୍ ଯୁଦ୍ଧରେ ସୁଲେମାନୀଙ୍କ ଭୂମିକା ଗୁରୁତ୍ୱପୂର୍ଣ୍ଣ ଥିଲା। ଏହି ଯୁଦ୍ଧରେ ଆମେରିକା ଇରାକ୍‌ ଏକଛତ୍ରବାଦୀ ଶାସକ ସଦ୍ଦାମ ହୁସେନଙ୍କ ସପକ୍ଷରେ ଲଢିଥିଲା। ଶେଷରେ ଇରାକ୍-କ୍ୱେତ୍ ତୈଳ ବୁଝାମଣାକୁ ନେଇ ଆମେରିକା ସହ ବିଦ୍ରୋହ କରିଥିଲେ ସଦ୍ଦାମ।

ହିଜବୁଲ୍ଲାହ ଓ ହମାସର ସମର୍ଥକ ଥିଲେ
ତେବେ କୁହାଯାଏ ସୁଲେମାନୀ ହିଜବୁଲ୍ଲାହ ଓ ହମାସର ସମର୍ଥକ ଥିଲେ ବୋଲି। ଉଭୟ ଆତଙ୍କବାଦୀ ସଙ୍ଗଠନ ହୋଇଥିବା ବେଳେ ସେମାନଙ୍କ ସହ ସୁଲେମାନୀଙ୍କ ସମ୍ପର୍କର ମଜଭୁତ ପ୍ରମାଣ କିନ୍ତୁ ମିଳିନାହିଁ। ତେବେ ସୁଲେମାନୀଙ୍କ ଉପରେ ଆକ୍ରମଣ କିଛି ନୂଆ କଥା ନୁହେଁ। ଅତୀତରେ ବି ତାଙ୍କୁ ଅନେକ ଥର ଟାର୍ଗେଟ୍ କରାଯାଇଛି। ହେଲେ ପ୍ରତି ଥର ସେ ଆକ୍ରମଣକୁ ଟାଳିଯାଇଥିବା ବେଳେ ଶୁକ୍ରବାର କିନ୍ତୁ ଆମେରିକା ଟାର୍ଗେଟରୁ ବର୍ତ୍ତି ପାରିନାହାନ୍ତି।

   Related Posts