Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜଧାନୀ ଦିଲ୍ଲୀରେ ‘ଓମିକ୍ରନ’ ଆତଙ୍କ ! ବିଦେଶ ଫେରନ୍ତା ୧୨ ରୋଗୀ LNJPରେ ଭର୍ତ୍ତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୯ ହଜାରରୁ ଅଧିକ କରୋନା ପଜିଟିଭ୍, ୩୯୧ ମୃତ
  • ||
  • ଓ୍ୱାଙ୍ଖଡେ ଟେଷ୍ଟରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ : ଫେରିଲେ ବିରାଟ, ଦେଖିବାକୁ ମିଳିବ ରୋମାଞ୍ଚକର ଫାଇଟ୍
  • ||
  • ପାଟଣା ରେଞ୍ଜରେ ହାତୀ ଆତଙ୍କ, ନଷ୍ଟ କରୁଛନ୍ତି ପାଚିଲା ଧାନ
  • ||
  • ଓଡିଶାରେ ବିରଳ ଘଟଣା : ଯୁବକଙ୍କ ପେଟରୁ ବାହାରିଲା ଭ୍ରୂଣ, ୫ ଘଣ୍ଟାର ଅପରେସନ ପରେ ବାହାର କଲେ ଡାକ୍ତର
  • ||
  • ଚିନ୍ତା ବଢାଇଲା ଓମିକ୍ରନ, ଦକ୍ଷିଣ ଆଫ୍ରିକାରେ ଲକଡାଉନ୍: ଭାରତରେ ମଧ୍ୟ ସ୍ଥିତି ସାଂଘାତିକ
  • ||
  • ଓଡିଶାରେ ଘସି ହୋଇଯିବ ଜଓ୍ୱାଦ ! ଉପକୂଳରେ ପ୍ରବଳ ବର୍ଷା, ୯୦ କିମି ବେଗରେ ବହିବ ପବନ
  • ||
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ଜାଣନ୍ତୁ ରାଜନୀତିରେ ଚାଣକ୍ୟ ନୀତି- ଅମିତ୍ ଶାହଙ୍କ ଗୋଟି ଚାଳନା, ଭାଙ୍ଗିଗଲା ଉଦ୍ଧବଙ୍କ ସ୍ୱପ୍ନ ବିଜେପି ଗଢିଲା ସରକାର

23/11/2019 at 4:34 PM

ମହାରାଷ୍ଟ୍ର୨୩/୧୧: ଗୋଟିଏ ରାତିରେ ମହାରାଷ୍ଟ୍ର ରାଜନୀତିରେ ଓଲଟ ପାଲଟ । ଆଜି ଦେବେନ୍ଦ୍ର ଫଡ଼ନିଭିସ୍‌  ମହାରାଷ୍ଟ୍ର ରାଜଭବନରେ  ମୁଖ୍ୟମନ୍ତ୍ରୀ ଭାବେ ଦ୍ବିତୀୟଥର ପାଇଁ ଶପଥ ଗ୍ରହଣ କରିଛନ୍ତି। ଏଥିସହ ଏନସିପି ନେତା ଅଜିତ୍‌ ପାଓ୍ବାର ଉପ-ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି। ଅନ୍ୟପଟେ୍‌ ଶିବସେନାର ମୁଖ୍ୟ ଉଦ୍ଧବ ଠାକରେଙ୍କ ମୁଖ୍ୟମନ୍ତ୍ରୀ ହେବା ସ୍ବପ୍ନ ଭାଙ୍ଗି ଚୁର୍‌ମାର୍ ହୋଇଯାଇଛି ।  ଦେବେନ୍ଦ୍ର ଫଡନିଭିସ୍‌ଙ୍କ ସରକାରକୁ ସଂଖ୍ୟାଗରିଷ୍ଠତା  ସାବ୍ୟସ୍ତ କରିବା ପାଇଁ ରାଜ୍ୟପାଳ ନଭେମ୍ବର ୩୦ ତାରିଖ ପର୍ଯ୍ୟନ୍ତ ସମୟ ​‌ଦେଇଛନ୍ତି।

ରାତାରାତି ପୁଣିଥରେ ଫଡ୍‌ନିଭିସ୍‌ଙ୍କୁ ମୁଖ୍ୟମନ୍ତ୍ରୀ ଗାଦିରେ ବସାଇଥିବା ଭାରତୀୟ ଜନତା ପାର୍ଟିର ଚାଣକ୍ୟ ବୋଲି କୁହଯାଉଥିବା ଅମିତ୍ ଶାହଙ୍କୁ ଦଳର କାର୍ଯ୍ୟକର୍ତ୍ତା ପ୍ରଂଶସା କରିଛନ୍ତି। ମହାରାଷ୍ଟ୍ର ରାଜନୀତିରେ ପୁଣି ଥରେ ବିରୋଧୀଙ୍କୁ ଅମିତ୍‌ ଶାହା କଡା ଜବାବ ଦେଇଛନ୍ତି ।

ଅମିତ ଶାହଙ୍କୁ ଏବେ ଭାରତୀୟ ରାଜନୀତିର  ଚାଣକ୍ୟ  ବୋଲି କୁହାଯାଉଛି । ଆସନ୍ତୁ  ଜାଣିବା ରାଜନୀତି ଓ ସମାଜନୀତି ରେ ଆଚାର୍ଯ୍ୟ ଚାଣକ୍ୟଙ୍କ ବିଚାରଧାରା କଣ ଥିଲା  । ବିରୋଧୀଙ୍କୁ  କିପରି ଜୟ କରି ହେବ ତାହା କୌଟଲ ଅର୍ଥଶାସ୍ତ୍ରରେ ବର୍ଣ୍ଣନା କରିଛନ୍ତି ।

୧- ମିତ୍ରତା ପଛରେ କୌଣସି ନା କୌଣସି ସ୍ବାର୍ଥ ରହିଥାଏ। ଏପରି କିଛି ବନ୍ଧୁ ନାହାନ୍ତି ଯାହାର ସ୍ବାର୍ଥ ଆପଣଙ୍କ ପାଖରେ ନାହିଁ।

୨- ଯଦି ସାପ ବିଷାକ୍ତ ହୋଇ ନଥିଲେ ବି ବିଷାକ୍ତ ଭଳି ଆଚରଣ କରି ଲୋକଙ୍କୁ ଭୟ ଦେଖାଇବା ଉଚିତ୍‌।

୩- କାର୍ଯ୍ୟସିଦ୍ଧି ନ ହେବା ପର୍ଯ୍ୟନ୍ତ ନିଜ ମନୋବଳ ଦୃଢ଼ ରଖିବା ସହ କାର୍ଯ୍ୟ ସଂପର୍କରେ କାହାକୁ ଜଣାଇବା ଉଚିତ୍ ନୁହେଁ।

୪-  ଯେତେବେଳେ ଆପଣଙ୍କ ନିକଟକୁ ଭୟ ମାଡି ଆସୁଛି ସେତେବେଳେ ଆକ୍ରମଣ କରି ତାକୁ ନଷ୍ଟ କରି ଦିଅ।

୪- କୌଣସି ମୁର୍ଖ ବ୍ୟକ୍ତି ପାଇଁ ବହି ଯେତିକି ଆବଶ୍ୟକ, ଜଣେ ଅନ୍ଧ ବ୍ୟକ୍ତିଙ୍କ ପାଇଁ ଆଇନା ସେତିକି ଆବଶ୍ୟକ।

୫- ଜଣେ ବ୍ୟକ୍ତି ନିଜ କାର୍ଯ୍ୟରେ ମହାନ ହୋଇଥାଏ। ଜନ୍ମରୁ ନୁହେଁ।

୬- ଯେପରିକି ଗୋଟିଏ ଶୁଖିଲା ଗଛରେ ନିଆଁ ଲଗାଇ ଦେଲେ ପୂରା ଜଙ୍ଗଲ ଜଳି ପାଉଁଶ ହୋଇଯାଏ। ସେହିଭଳି ଜଣେ ପାପୀ ପୁତ୍ର ପାଇଁ ପୂରା ପରିବାର ବର୍‌ବାଦ୍‌ ହୋଇଯାଇଥାଏ।

୭- ସେବକଙ୍କୁ ପରୀକ୍ଷା କରିବେ ଯେତେବେଳେ ସିଏ କାମ ନ କରିନ୍ତି। ସେହିପରି ସଙ୍କଟ ସମୟରେ ବନ୍ଧୁଙ୍କୁ ପରୀକ୍ଷା କରିବେ। ଘୋର ବିପତ୍ତିରେ ପତ୍ନୀଙ୍କୁ ପରୀକ୍ଷା କରିବେ।

   Related Posts