Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||
  • ଭୁବନେଶ୍ବର : ସାଲିଆ ସାହିରୁ ୫ଶହ ଲିଟରରୁ ଅଧିକ ଦେଶୀ ମଦ ଜବତ, ୯ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୬ ଛୁଇଁଲା ମୃତକଙ୍କ ସଂଖ୍ୟା
  • ||

ଜାଣନ୍ତୁ ‘ନିରମା’ ଡିଟରଜେଣ୍ଟ ପାଉଡରର ଇତିହାସ ଓ ପକେଟ୍ ଉପର ଛବିରେ ଥିବା ଝିଅର କାହାଣୀ

31/01/2020 at 6:48 PM

ଭାରତରେ ଟିଭିର ପ୍ରସାର ସହ ବିଜ୍ଞାପନର ନୂଆ ଯୁଗ ଆରମ୍ଭ ହୋଇଥିଲା। ପ୍ରାରମ୍ଭିକ ଦିନମାନଙ୍କରେ ଦୂରଦର୍ଶନରେ ସବୁଠୁ ଅଧିକ ପ୍ରସାରିତ ହୋଇଥିବା ବିଜ୍ଞାପନ ମଧ୍ୟରେ ‘ନିରମା’ ଡିଟରଜେଣ୍ଟ ପାଉଡର ଥିଲା ଅନ୍ୟତମ। ୮୦ ଦଶକରେ ବିଜ୍ଞାପନର ଗୀତ ଘରେ ଘରେ ପିଲାଙ୍କ ମୁଖସ୍ତ ଥିଲା। କେବଳ ଏତିକି ନୁହେଁ ନିର୍ମା ଗାର୍ଲ ଭଳି ଆକ୍ସନ ବି ଥିଲା ପିଲାଙ୍କ ସାଧାରଣ କୌତୁକ। ତେବେ ଆସନ୍ତୁ ଜାଣିବା ନିରମା ଡିଟରଜେଣ୍ଟ ପାଉଡର ଓ ନିରମା ଗାର୍ଲର ରୋଚକ କଥା।

ବାସ୍ତବରେ ଇସତ ହଳଦିଆ ରଙ୍ଗର ଜରିରେ ନାଲିରଙ୍ଗରେ ଛପା ଯାଇଥିବା ଝିଅଟିର ବାସ୍ତବ ନାମ ହେଉଛି ନିରୁପମା। ହେଲେ ତାକୁ ଘରେ ସମସ୍ତେ ଆଦରରେ ଡାକୁଥିଲେ ନିରମା। ନିରମା ନାମରେ ହିଁ ତାର ପିତା ଏହି ଡିଟରଜେଣ୍ଟ କମ୍ପାନୀ ୧୯୬୯ ମସିହାରେ ଆରମ୍ଭ କରିଥିଲେ। ଗୁଜରାଟର କର୍ସନଭାଇ ପଟେଲ ନିରମା ୱାସିଂ ପାଉଡର କମ୍ପାନୀର ସଂସ୍ଥାପକ। ତେବେ ସବୁଠୁ ବଡ କଥା ହେଲା ଦୂରଦର୍ଶନ ମାଧ୍ୟମରେ ଯେତେବେଳେ ନିରମା ଡିଟରଜେଣ୍ଟ ପାଉଡର ଦେଶର ଘରେ ଘରେ ପରିଚିତ ଥିଲା ସେତେବେଳେ କିନ୍ତୁ ଲୋକଙ୍କ ଗହଣରେ ନଥିଲା ନିରମା।

କରସନ ଭାଇ ପଟେ ଜଣେ ସାଧାରଣ ସରକାରୀ ଚାକିରିଆ ଥିଲେ। ମିଳୁଥିବା ବେତନରେ ପରିବାର ଚଳାଇବା ତାଙ୍କ ପକ୍ଷରେ ସମ୍ଭବ ନଥିଲା। ଏଣୁ ହାତ ତିଆରି ଡିଟରଜେଣ୍ଟ ପାଉଡର ପ୍ରସ୍ତୁତ କରି ଲୋକଙ୍କ ଘରେ ଘରେ ପହଞ୍ଚାଉଥିଲେ। ନିରମାର ପିଲାଟି ବେଳୁ ପିତା ସେ ଖୁବ୍ ନାମ କରିବ ବୋଲି ଆଶା ରଖିଥିଲେ। ହେଲେ ନିୟତିର ଗତି ବଡ ବିଚିତ୍ର ନିରମା ସ୍କୁଲରେ ପଢୁଥିବା ବେଳେ ଏକ କାର ଦୁର୍ଘଟଣାରେ ପ୍ରାଣ ହରାଇଥିଲା। ହେଲେ ନିରମାର ନାଁକୁ ଅମର କରିବାକୁ ଅଣ୍ଟା ଭିଡିଥିଲେ କରସନ ଭାଇ।

ଏଥିଲାଗି ପ୍ରଥମେ କରସନ ଭାଇ ନିରମା ନାମରେ ତାଙ୍କର କମ୍ପାନୀ ସ୍ଥାପନା କରିଥିଲେ। ପରେ ଏଥିରେ ଝିଅର ଫଟୋ ଛାପି ତାକୁ ଲୋକଙ୍କ ମନରେ ଅମର କରିଦେଇଛନ୍ତି। କରସନ ଭାଇ ଅଫିସକୁ ସାଇକେଲରେ ଯିବା ଆସିବା କରୁଥିଲେ। ସବୁଦିନ ଅଫିସ ଯିବା ରାସ୍ତାରେ ଲୋକଙ୍କ ଘରେ ଘରେ ନିରମା ୱାସିଂ ପାଉଡର ପହଞ୍ଚାଇ ଦେଉଥିଲେ। ସେତେବେଳେ ଡିଟରଜେଣ୍ଟ ବଜାରକୁ ସର୍ଫ କମ୍ପାନୀ ଅକ୍ତିଆର କରି ରଖିଥିଲା।  ପ୍ରତି କେଜି ସର୍ଫ ଲାଗି ଗ୍ରାହକ ପ୍ରାୟ ୧୫ ଟଙ୍କା ପର୍ଯ୍ୟନ୍ତ ଖର୍ଚ୍ଚ କରୁଥିଲେ। ତେବେ ଏଥିରେ ନିରମା କେଜି ପ୍ରତି ୩ ଟଙ୍କା ଦର ଲୋକଙ୍କ ପକେଟକୁ ବେଶ ସୁହାଇଥିଲା।

   Related Posts