Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • IIFLରୁ ସୁନା ଲୁଟ୍ ମାମଲା : ଆଉ ୨ ଜଣଙ୍କୁ ବାନ୍ଧିଲା ପୋଲିସ, ମୁଖ୍ୟ କାର୍ପଟଦାର ଲାଲାର ଥିଲେ ସହଯୋଗୀ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତ ପ୍ରାଣ ହରାଇଲେ, ୧୭୩୦ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୫୦ କରୋନା ସଂକ୍ରମିତ, ୩୧୭୭୮୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • କନ୍ଧମାଳ : କନ୍ଧମାଳରେ ଅପରେସନ ଗ୍ରୀନ କ୍ଲିନ୍ , ପୁଣି ୧୯ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||

ଜନ୍ମ ତିଥି ଅନୁସାରେ ଜାଣନ୍ତୁ ନିଜ ସମ୍ପର୍କରେ କିଛି ରୋଚକ ତଥ୍ୟ

14/03/2020 at 4:36 PM

ଭୁବନେଶ୍ୱର ୧୪/୦୩ : ଯେଉଁ ଗ୍ରହ ନକ୍ଷତ୍ରରେ ମଣିଷ ଜନ୍ମ ହୋଇଥାଏ ମଣିଷ ଜୀବନ ତାର ପ୍ରଭାବ ଠିକ ସେହିପରି ପଡିଥାଏ | ଠିକ ସେହିଭଳି ତିଥି ଅନୁଯାୟୀ ମଧ୍ୟ ମଣିଷ ଜୀବନରେ ଅନେକ ପ୍ରଭାବ ପଡିଥାଏ | ଜ୍ୟୋତିଷଶାସ୍ତ୍ର ଅନୁସାରେ, ପାଞ୍ଜିର ପ୍ରତ୍ୟେକ ତିଥିର ନିଜର ଏକା ମହତ୍ୱ ରହିଛି | ପ୍ରତିପଦାରୁ ଆରମ୍ଭ କରି ପୁର୍ଣିମା ଯାଏଁ ଅଲଗା ଅଲଗା ତିଥିରେ ଜନ୍ମ ନେଇଥିବା ବ୍ୟକ୍ତିଙ୍କ ଜାତକର ସମ୍ବନ୍ଧ ଏହି ତିଥି ସହ ରହିଥାଏ | ଆସନ୍ତୁ ଜାଣିବା କେଉଁ ତିଥିରେ ଜନ୍ମ ହୋଇଥିବା ବ୍ୟକ୍ତିଙ୍କ ସ୍ୱଭାବ କିପରି :

୧. ଵିଵେକୀ ଏବଂ ଧନଵାନ –

ପ୍ରତିପଦା ଅର୍ଥାତ ପ୍ରଥମ ତିଥିରେ ଜନ୍ମ ହୋଇଥିବା ବ୍ୟକ୍ତି ବିଶାଳ ପରିବାରଯୁକ୍ତ, ଵିଵେକୀ, ବିଦ୍ୱାନ, ଧନଵାନ, ସୁଶୀଲ, ସୁନ୍ଦର ହୋଇଥାନ୍ତି | ଏମାନଙ୍କୁ ରାଜକୀୟ କୋଷରୁ ଧନ ମିଳିବାର ସମ୍ଭାବନା ଥାଏ | ଦ୍ୱିତୀୟ ତିଥିରେ ଜନ୍ମ ନେଉଥିବା ବ୍ୟକ୍ତି ଦୟାଳୁ, ଦାନୀ, ଗୁଣଵାନ, ଵିଵେକୀ, ସଦାଚାରୀ ଏବଂ ସର୍ବଦା ପ୍ରସନ୍ନ ରହୁଥିବା ସ୍ୱଭାବର ହୋଇଥାନ୍ତି |

୨. ଅଭିମାନୀ ଓ ବିଦ୍ୱାନ :

ତୃତୀୟ ତିଥିରେ ଜନ୍ମ ନେଉଥିବା ବ୍ୟକ୍ତି ବିଦ୍ୱାନ, ଶକ୍ତିଶାଳୀ, ଚାଲାକ, ବିଳାସ ପ୍ରିୟ, ଅଭିମାନୀ ହୋଇଥାନ୍ତି | ଏମାନେ ପ୍ରାୟତଃ ନିଜ ଜନ୍ମ ସ୍ଥାନରୁ ଦୂରରେ ରହିଥାନ୍ତି | ଚତୁର୍ଥୀ ତିଥିରେ ଜନ୍ମ ନେଉଥିବା ବ୍ୟକ୍ତି ସାହସୀ, ବୁଦ୍ଧିମାନ, ଚତୁରତାର ସହ ଖର୍ଚ କରୁଥିବା ସ୍ୱଭାବର ହୋଇଥାନ୍ତି | ଏମାନେ ଅଧିକ କଥା ହେବାକୁ ଭଲ ପାଆନ୍ତି | ସଟ୍ଟା ବଜାର ଲଟେରୀ ଆଦିରେ ଟଙ୍କା ଲଗାଇବାକୁ ଏମାନେ ପସନ୍ଦ କରିଥାନ୍ତି |

୩. ପରୋପକାରୀ ଓ ସୁସ୍ଥ –

ପଞ୍ଚମୀ ତିଥିରେ ଜନ୍ମ ହୋଇଥିବା ବ୍ୟକ୍ତି ସୁସ୍ଥ, ଦୟାଵାନ, ପରୋପକାରୀ ହୋଇଥାନ୍ତି | ପରିବାର ତରଫରୁ ଏମାନେ ସୁଖୀ ହୋଇଥାନ୍ତି | ସସଥି ତିଥିରେ ଜନ୍ମ ହୋଇଥିବା ବ୍ୟକ୍ତି ସତ୍ୟବାଦୀ, ଧନଵାନ, ପୁତ୍ରବାନ, ଅତ୍ୟନ୍ତ ପରାକ୍ରମୀ, କୀର୍ତ୍ତିବାନ, ଚାଲାକ ଏବଂ ସମାଜରେ ଶ୍ରେଷ୍ଠ ହୋଇଥାନ୍ତି |

୪. ସୁଖ ସମ୍ପତ୍ତି ଯୁକ୍ତ –

ସପ୍ତମୀ ତିଥିରେ ଜନ୍ମ ନେଉଥିବା ବ୍ୟକ୍ତି ଗୁଣଗ୍ରାହୀ, ଜ୍ଞାନୀ, ସାଧୁ, ଦେବାଦେବୀଙ୍କ ଭକ୍ତ, ଶତ୍ରୁଜିତ ହୋଇଥାନ୍ତି | କିନ୍ତୁ ଏମାନେ ଅନ୍ୟ ଧନ ସମ୍ପତ୍ତି ଉପରେ ଦୃଷ୍ଟି ରଖିଥାନ୍ତି | ଏହି ତିଥିରେ ଜନ୍ମ ହେଉଥିବା ବ୍ୟକ୍ତିଙ୍କର ସାଧାରଣତଃ କନ୍ୟା ସନ୍ତାନ ଜନ୍ମ ହୋଇଥାଏ | ଅଷ୍ଟମୀ ତିଥିରେ ଜନ୍ମ ନେଇଥିବା ବ୍ୟକ୍ତି ସୁଖୀ, ଦୟାଳୁ ସ୍ତ୍ରୀ ଅନୁରକ୍ତ ଏବଂ ଚଞ୍ଚଳ ସ୍ୱଭାବର ହୋଇଥାନ୍ତି | ଏମାନେ ଶିକ୍ଷା ଦୀକ୍ଷାରେ ସରକାରୀ ସହଯୋଗ ପାଇଥାନ୍ତି |

୫. କଟୁଭାଷୀ –

ଯେଉଁ ବ୍ୟକ୍ତିଙ୍କ ଜନ୍ମ ନବମୀ ତିଥିରେ ହୋଇଥାଏ ସେମାନେ କଟୁଭାଷୀ, ଆଚାରହୀନ ହୋଇଥାନ୍ତି | ଏମାନେ ସାଧାରଣତଃ ବିଦ୍ୱାନଙ୍କୁ ବିରୋଧ କରିଥାନ୍ତି ଏବଂ ବନ୍ଧୁ ପରିଜନଙ୍କୁ ସହଯୋଗ କରିନଥାନ୍ତି | ଦଶମୀ ତିଥିରେ ଜନ୍ମ ନେଇଥିବା ବ୍ୟକ୍ତି ଧର୍ମଭୀରୁ, ସୁଖ ସମ୍ପତ୍ତିବାନ, ଶାସ୍ତ୍ର ଜ୍ଞାନଵାନ, ଉଦାର, ବିନମ୍ର ଏବଂ ରସିକ ପ୍ରବୃତିର ହୋଇଥାନ୍ତି |

୬. କୁଶଳ ବ୍ୟବହାରଯୁକ୍ତ –

ଏକଦଶୀରେ ଜନ୍ମ ନେଇଥିବା ବ୍ୟକ୍ତି ପବିତ୍ର ହୃଦୟଯୁକ୍ତ, ଦେବ, ଦ୍ଵିଜା, ଗୁରୁ ପୂଜା କରୁଥିବା, ଚତୁରପୁଣ୍ୟ ଆତ୍ମା, ପ୍ରସନ୍ନ ଚିତ୍ତ ଏବଂ ଶୁଭକର୍ମ କରିଥାନ୍ତି | ଦ୍ୱାଦଶୀ ତିଥିରେ ଜନ୍ମ ହୋଇଥିବା ବ୍ୟକ୍ତିଙ୍କ ବ୍ୟବହାର କୁଶଳ ହୋଇଥାଏ | ଏମାନେ ଜଳକ୍ରୀଡା ପ୍ରେମୀ, ରାଜଶକ୍ତି ସେବକ ତଥା ଆନଦତା ପ୍ରବୃତିର ହୋଇଥାନ୍ତି |

୭. ଶୂରବୀର –

ତ୍ରୟୋଦଶୀ ତିଥିରେ ଜନ୍ମ ହେଉଥିବା ବ୍ୟକ୍ତି ସୁନ୍ଦର, ରୂପଵାନ, ଶୂରବୀର ଏବଂ ଚାଲାକ ହୋଇଥାନ୍ତି | ଏମାନେ ସ୍ତବିକ ପ୍ରକୃତିର ହୋଇଥାନ୍ତି | ଚତୁର୍ଦଶୀ ତିଥିରେ ଜନ୍ମ ହେଉଥିବା ବ୍ୟକ୍ତି କ୍ରୁର, ଅତ୍ୟନ୍ତ ପରାକ୍ରମୀ, ଚାଲାକ ତଥା କାମୁକ ପ୍ରକୃତିର ହୋଇଥାନ୍ତି | ଏମାନେ ସାଧାରଣତଃ କ୍ରୋଧୀ ସ୍ଵଭାଵର ହୋଇଥାନ୍ତି |

୮. ମାତାପିତାଙ୍କ ସେବାଯୁକ୍ତ –

ପୁର୍ଣିମା ଦିନ ଜନ୍ମ ହୋଇଥିବା ବ୍ୟକ୍ତି ପ୍ରିୟଦର୍ଶୀ, ନ୍ୟାୟ ପୂର୍ବକ, ପରିଶ୍ରମୀ, ଦୟାଳୁ ଓ ଗୁଣଵାନ ହୋଇଥାନ୍ତୁ | ଏମନେ ଅତ୍ୟନ୍ତ ବିଳାସପ୍ରିୟ ହୋଇଥାନ୍ତି | ଅମାବାସ୍ୟା ଦିନ ଜନ୍ମ ହୋଇଥିବା ବ୍ୟକ୍ତି ଅତ୍ୟନ୍ତ ଶାନ୍ତ ସ୍ୱଭାବର ହୋଇଥାନ୍ତି | ଏମାନେ ଆତ୍ମଚିନ୍ତନଶୀଳ, ପରିଶ୍ରମୀ ହେବା ସହ ମାତାପିତାଙ୍କ ସେବା କରିଥାନ୍ତି |  

   Related Posts