ଭୁବନେଶ୍ବର ୩|୮: ରାଜଧାନୀରେ ଏନକାଉଁଣ୍ଟର । ପୋଲିସ ଗୁଳିରେ ଲହୁଲୁହାଣ ଦୁଇ ଦୁର୍ଦ୍ଦାନ୍ତ ଅପରାଧୀ । ଭୁବନେଶ୍ବର ଟଙ୍କପାଣି ରାସ୍ତାର ପୁରୁଣା ଜଗନ୍ନାଥ ସଡକରେ ଘଟିଛି ଘଟଣା । ଏକ ବଡଧରଣର ଡକାୟତି ଉଦ୍ୟମକୁ ଫସର ଫଟାଇଦେଇଛି କମିସନରେଟ ପୋଲିସର ସ୍ପେଶାଲ ସ୍କ୍ବାର୍ଡ।
{"id":140478}ରାଜଧାନୀରେ ଫୁଟିଲା ପୋଲିସ ଗୁଳି । ପୋଲିସ ଗୁଳିରେ ଆହତ ଦୁଇ ଦୁର୍ଦ୍ଦାନ୍ତ ଅପରାଧୀ । ବାବୁ ଓରଫ ବିବେକାନନ୍ଦ ମଲିକ ଓ କାଲୁ ଓରଫ ଅରୁଣ ନାଏକ ଜଙ୍ଘରେ ବାଜିଛି ଗୁଳି । ଆହତ ଦୁଇ ଅପରାଧୀଙ୍କୁ ପ୍ରଥମେ କ୍ୟାପିଟାଲ ହସପିଟାଲ ଓ ପରେ କଟକ ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।
{"id":140479}ଶୁକ୍ରବାର ରାତି ୩ଟା । ଟଙ୍କପାଣି ରାସ୍ତାର ପୁରୁଣା ଜଗନ୍ନାଥ ସଡକ ଉପରେ ଠିଆ ହୋଇଥିଲା ଏକ ୱାଗନର କାର । କାର ଭିତରେ ବସି ମଦ ପିଉଥିଲେ ୫ଜଣ ଅପରାଧୀ । ଆଉ ସୋହି ଅଞ୍ଚଳରେ ଏକ ବଡ ଧରଣର ଡକାୟତି କରିବାକୁ କରିଥିଲେ ଯୋଜନା ।
{"id":140480}କୌଣସି ସୁତ୍ରରୁ ଖବର ପାଇ କମିସନରେଟ ପୋଲିସର ସ୍ପେଶାଲ ସ୍କ୍ବାର୍ଡ ସହିତ ସହିଦନଗର , ମଞ୍ଚେଶ୍ବର , ଖମଣ୍ଡଗିରି , ଓ କ୍ୟାପିଟାଲ ଥାନା ଅଧିକାରୀ ପହଁଚି ଥିଲେ ଘଟଣା ସ୍ଥଳରେ । ଡକାୟତ ମାନେ ପୋଲିସକୁ ଦେଖି ତାଙ୍କ ଉପରକୁ ଗୁଳି ଚାଳନା କରି ଖସିଯିବାକୁ ପ୍ରୟାସ କରିଥିଲେ । ଆଉ ପୋଲିସ ଡକାୟତମାନଙ୍କୁ ଧରିବାକୁ ପାଞ୍ଚ ରାଉଣ୍ଡ ଗୁଳି ଫୁଟାଇଥିଲା । ବାବୁ ଓ କାଳୁ ଦେହରେ ଗୁଳି ବାଜିଥିବା ବେଳେ ଅନ୍ୟ ତିନିଜଣ ସହଯୋଗି ଘଟଣା ସ୍ଥଳରୁ ଫେରାର ହୋଇଯାଇଥିଲେ ।
{"id":140481}ରାଜଧାନୀରେ ଗତ ତିନି ମାସ ମଧ୍ୟରେ ଘଟିଥିବା ଅନେକ ଅପରାଧୀକ ମାମଲାରେ ଏହି ଦୁଇ ଦୁର୍ଧନ୍ତ ଅପରାଧୀଙ୍କର ସମ୍ଫୃକ୍ତି ରହିଥିବା ପୋଲିସ ଜାଣିବାକୁ ପାଇଛି । ଗରୁବାର ବାଲିଅନ୍ତା ଥାନା ଅନ୍ତର୍ଗତ ସାଟେଲାଇଟ ସିଟିରେ ଥିବା ଆଡ୍ଡା ଉପରେ ଚଢାଉ କରିଥିଲା କମିଶନରେଟ ପୋଲିସ । ହେଲେ ସେଠାରୁ ଖାଲି ହାତରେ ଫେରିଥିଲା ସ୍ପେସାଲ ସ୍ବାର୍ଡ । ଡକାୟତମାନଙ୍କ ଆଡ୍ଡା ଭିତରୁ ପୋଲିସକୁ ମଳିଥିଲା ଅନେକ ସୁରାକ । ଡାକାୟତମାନେ ଧରାପଡିବା ପରେଏମାନଙ୍କ ଅପରାଧର ଚିଠା ଖୋଲିଥିଲା କମିଶନରେଟ ପୋଲିସ ।
{"id":140482}ଅପରାଧ ନମ୍ବର ୧ - ମେ ୧୯ , ୨୦୧୯ ଖଣ୍ଡଗିରି ବାରିରୁ ଡ୍ରାଇଭରକୁ ଆକ୍ରମଣ କରି ଲୁଟି ନେଇଥିଲେ ଟାଭେରା କାର
ଅପରାଧ ନମ୍ବର ୨ - ଜୁନ ୨୮ ୨୦୧୯ ପଖୋରୀପୁଟ ଅଞ୍ଚଳରେ ସିଧାର୍ଥ ଦାସଙ୍କ ଡ୍ରାଇଭରକୁ ମରଣାନ୍ତ ଆକ୍ରମଣ କରି ଲୁଟି ନେଲେ ଡଷ୍ଟର କାର
ଅପରାଧ ନମ୍ବର ୩ - ୧ ଜୁଲାଇ ୨୦୧୯ ଜାଗମରା ଠାରେ ଏକ ପରିବାରକୁ ମରଣାନ୍ତକ ଆକ୍ରମଣ କରି ଲୁଟି ନେଇଥିଲେ ସର୍ବଶ୍ବ
ଅପରାଧ ନମ୍ବର ୪ - ୧୦ ଜୁଲାଇ ୨୦୧୯ ପାହାଳ ନିକଟ ଏକ ବ୍ୟାଙ୍କରୁ ୩୦ ଲକ୍ଷ ଟଙ୍କା ନେଇ ଆସୁଥିବା ଏକ କାରରୁ ଲୁଟି ନେଇଥିଲେ ଏହି ଲୁଟେରା ଦଳ ।
ଅପରାଧ ନମ୍ବର ୫ - ୩୦ ଜୁଲାଇ ୨୦୧୯ ପାଣ୍ଡରା ଛକରେ ପୁରୁଣା କାର ବ୍ୟବସାୟୀ ଓ ଗ୍ରାହକଙ୍କଠାରୁ ଲୁଟ । ସେହିଦିନ ରାତିରେ ରୁସୁଲଗଡର ତୃପ୍ତି ହୋଟେଲ ମାଲିକ ବୁଲୁ ସାମନ୍ତରାୟଙ୍କୁ ମରଣାନ୍ତକ ଆକ୍ରମଣ କରି ଲୁଟ ଉଦ୍ୟମ କରିଥିଲେ ଏହି ଡକାୟତ ଦଳ ।
{"id":140483}ଏହି ଦୁଇ ଡକାୟତଙ୍କ ସହ ଥିବା ଅନ୍ୟ ସହଯୋଗୀମାନଙ୍କ ପରିଚୟ ଓ ଠିକଣା ପାଇ ସାରିଛି କମିଶନରେଟ ପୋଲିସ । ଖୁବ ଶିଘ୍ର ସେମାନଙ୍କୁ ଧରାଯିବ ବୋଲି ସୂଚନା ଦେଇଛନ୍ତି ପୋଲିସ କମିଶନର । ତେବେ ଏହି ଦୁର୍ଦ୍ଦାନ୍ତ ଡକାୟତମାନଙ୍କୁ ଏନକାଉଣ୍ଟର ପରେ ରାଜଧାନୀରେ ବଢି ଚାଳଇଥିବା ଅପରାଧ ସଂଖ୍ୟା କମିବ ବୋଲି ଆଶା ପ୍ରକାଶ କରାଯାଇଛି ।