Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁକେ ହାଇକୋର୍ଟରୁ ନିରବ ମୋଦୀଙ୍କୁ ଝଟକା, ପ୍ରତ୍ୟର୍ପଣ ବିରୋଧରେ ଦାଖଲ ଆବେଦନ ଖାରଜ, ଏବେ ଭାରତ ଆସିବାକୁ ପଡିବ !
  • ||
  • ଭୁବନେଶ୍ବର : ଗୋରୁ ଚୋରା ଚାଲାଣ ବେଳେ ଜବତ ହେଲା ପିକଅପ୍ ଭ୍ୟାନ୍, ୫ ଗୋରୁ ଉଦ୍ଧାର, ଦଲାଲ ଫେରାର
  • ||
  • ଭୁବନେଶ୍ବର : ରାଜଧାନୀରେ ମାତିଲେ ଲୁଟେରା : ତାଲା ଭାଙ୍ଗି ଦୋକାନରେ ବୁଲାଇଲେ କଳାକନା, ସିସିଟିଭିରେ କଏଦ ହେଲା ଦୃଶ୍ୟ
  • ||
  • ଭୁବନେଶ୍ବର : ଅନଲକ୍ ପ୍ରକ୍ରିୟା ଆରମ୍ଭ ପରେ ଲୋକେ ମାନୁନାହାନ୍ତି କୋଭିଡ୍ ନିୟମ, ସୃଷ୍ଟି ହୋଇପାରେ ବିପଦ – ଡିଏମଇଟି
  • ||
  • ଭୁବନେଶ୍ବର : ଚଳିତ ବର୍ଷ ୩୦% ହ୍ରାସ ହେବ ନବମ ଓ ଦଶମ ଶ୍ରେଣୀର ସିଲାବସ୍ – ଗଣଶିକ୍ଷା ମନ୍ତ୍ରୀ
  • ||
  • କାମାକ୍ଷାନଗର : ଜଙ୍ଗଲକୁ ଯାଇଥିବା ବେଳେ ପଡିଗଲେ ଭାଲୁ ହାବୁଡରେ, ଆକ୍ରମଣରେ ୨ ଗୁରୁତର
  • ||
  • ଦେଶରେ ତଳମୁହାଁ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦ ହଜାରରୁ ଅଧିକ ପଜିଟିଭ୍,୧୩୫୮ ମୃତ
  • ||
  • ଥରିଲା ପାକିସ୍ତାନ, ୪.୫ ତୀବ୍ରତାର ଭୂକମ୍ପ ଝଟକା ଅନୁଭୂତ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୬ ଜଣଙ୍କ ଜୀବନ
  • ||
  • ହ୍ରାସ ପରେ ପୁଣି ବଢିଲା ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୪୫୬ କୋଭିଡ୍ ପଜିଟିଭ୍ ଚିହ୍ନଟ
  • ||

ସପ୍ତାହର ଶେଷଦିନ ଶନିବାରର ମାହାତ୍ମ୍ୟ ସମ୍ପର୍କରେ ଜାଣନ୍ତୁ କେତୋଟି କଥା, ବଦଳିଯିବ ବିଗିଡି ଯାଇଥିବା ଭାଗ୍ୟ…

2/11/2019 at 1:22 PM

ସପ୍ତାହର ଶେଷ ଦିନ ଶନିବାର । କର୍ମଜୀବୀମାନେ ୱିକେଣ୍ଡ ଭାବେ ଏହାକୁ ଗ୍ରହଣ କରିଥାନ୍ତି । ତେବେ ଧର୍ମଶାସ୍ତ୍ର ଅନୁସାରେ ଶନିବାରକୁ ଧର୍ମ,ପୁଣ୍ୟ ତଥା ରିଷ୍ଟ ଖଣ୍ଡନର ବାର ବୋଲି କୁହାଯାଏ। ଏହି ବାରକୁ ସଂସ୍କୃତରେ ‘ଶନିବାସ’ ବୋଲି କୁହାଯାଏ। ଶନିଦେବ ପଶ୍ଚିମ ଦିଗ ଅଧିପତି ହୋଇଥିବାରୁ ଏହି ଦିନ ପଶ୍ଚିମ ଦିଗକୁ ଯାତ୍ରା, ପଶ୍ଚିମ ଦିଗକୁ ମୁହଁ କରି ପୂଜାର୍ଚ୍ଚନା କଲେ ସୁଫଳ ମିଳିଥାଏ । ଶନିଦେବ ହେଉଛନ୍ତି ଧୂମ ଓ କଳା ବର୍ଣ୍ଣର ପ୍ରତୀକ । ତେଣୁ ପୂଜାର୍ଚ୍ଚନା ସମୟରେ ଏହି ବର୍ଣ୍ଣର ପରିଧେୟ ବାଞ୍ଛନୀୟ ।

ଶନି ମହାଦଶା ଭୋଗ କରୁଥିବା ବ୍ୟକ୍ତି ଏହି ଦିନ ଶନି ମହାରାଜଙ୍କ ଇଷ୍ଟଦେବୀ ଦକ୍ଷିଣକାଳୀଙ୍କୁ ଆରାଧନା କଲେ ଅଖଣ୍ଡ ସୌଭାଗ୍ୟ ମିଳିଥାଏ । ସେହିଭଳି ଶମିବୃକ୍ଷ ମୂଳରେ ରାଶିତେଲର ଦୀପ ପ୍ରଜ୍ବଳନ କରିବା ସହ ବୃକ୍ଷଙ୍କୁ ୭ବାର ପ୍ରଦକ୍ଷିଣ କଲେ ସର୍ବ ରିଷ୍ଟ ଖଣ୍ଡନ ହେବା ସହ ରାଜଯୋଗ ପ୍ରାପ୍ତ ହୋଇଥାଏ ।

ଗ୍ରହରାଜ ଶନିଙ୍କ ଉଦ୍ଦେଶ୍ୟରେ ଏହି ବାରଟିକୁ ସମର୍ପିତ କରାଯାଇଛି। ଏହି ଦିନ ଏକାନ୍ତ ନିଷ୍ଠା ଏବଂ ବିଶ୍ବାସର ସହିତ ଗ୍ରହରାଜ ଶନିଙ୍କୁ ବିଧିବିଧାନ ପୂର୍ବକ ପୂଜାର୍ଚ୍ଚନା କଲେ ଗ୍ରହରାଜ ଶନି ସନ୍ତୁଷ୍ଟ ହୋଇଥାଆନ୍ତି ଫଳରେ ସର୍ବରିଷ୍ଠ ଖଣ୍ଡନ ହେବା ସହିତ ସର୍ବଦେବୀ ସନ୍ତୁଷ୍ଟ ହୋଇ ଆଶୀର୍ବାଦ କରିଥାନ୍ତି। ଶନି ହେଉଛନ୍ତି ରୁଦ୍ର,ଦାନ,ଆଶୀର୍ବାଦ,ରିଷ୍ଟ ଖଣ୍ଡନ ଏବଂ ବିଶ୍ବାସର ପ୍ରତୀକ।

ଯେଉଁ ମାନେ ଶନିବ୍ରତ କରଥାନ୍ତି ସେମାନେ ପ୍ରଥମ ଶନିବାରରେ ଗ୍ରହରାଜ ଶନିଙ୍କୁ ବିଧିପୂର୍ବକ ଆବାହନ କରି ପ୍ରତି ଶନିବାର ନିଷ୍ଠାର ସହିତ ପୂଜାର୍ଚ୍ଚନା କରିଥାନ୍ତି । ପଞ୍ଚମ ଶନିବାର ଦିନ ବନ୍ଧୁବାନ୍ଧବ,ଜ୍ଞାତିକୁଟୁମ୍ବ ସହୋଦର,ସାଇପଡ଼ିଶାଙ୍କୁ ନିମନ୍ତ୍ରଣ କରି କୁଳପୁରୋହିତ ଦ୍ବାରା ପୂଜାର୍ଚ୍ଚନା କଲେ ସର୍ବରିଷ୍ଟ ଖଣ୍ଡନ ହେବା ସହିତ ସର୍ବବିଧ ମଙ୍ଗଳ ହୁଏ ବୋଲି ବିଶ୍ବାସ କରାଯାଏ।

ସର୍ବୋପରି ପରିବାରର ଅକାଳମୃତ୍ୟୁ ରିଷ୍ଟ ଖଣ୍ଡନ ହୁଏ। ମହାମାରୀ ଆଦି ରୋଗରୁ ରକ୍ଷା ମିଳିବା ସହିତ ଭକ୍ତ ଦେହାନ୍ତେ ମୋକ୍ଷପ୍ରାପ୍ତି ହୋଇଥାଏ। ଶନି ହେଉଛନ୍ତି ସମସ୍ତ ଗ୍ରହମାନଙ୍କ ମଧ୍ୟରେ ଅତ୍ୟନ୍ତ ଗରିଷ୍ଠ। ସେ ସନ୍ତୁଷ୍ଟ ହେଲେ ସମସ୍ତ ଗ୍ରହ ସର୍ବଦେବାଦେବୀ , ମୁନିଋଷି, ସାଧୁସନ୍ଥ ସନ୍ତୁଷ୍ଟ ହୁଅନ୍ତି ବୋଲି ବିଶ୍ବାସ କରାଯାଏ।

ଏହି ଦିନ ସାତ୍ତ୍ବିକ ଆହାର ପୂର୍ବକ ନିଷ୍ଠା ଓ ଏକାଗ୍ରତାର ସହିତ ଶନିପୂଜା,ଶିବ ପୂଜା ଏବଂ ଶକ୍ତିପୂଜା କରାଯାଇଥାଏ। ଏହି ଦିନ ଗୃହ ନିର୍ମାଣ,ଜାଳେଣି ଦ୍ରବ୍ୟ କ୍ରୟବିକ୍ରୟ,ଯାନବାହନ ବ୍ୟବସାୟ ବା କ୍ରୟବିକ୍ରୟ,ଠିକାଦାରୀ ବ୍ୟବସାୟ,ଲୌହଇସ୍ପାତ ଆଦି ବ୍ୟବସ୍ଥା ପ୍ରତିଷ୍ଠାନ,ବ୍ୟାଙ୍କ ସଞ୍ଚୟ,ରୋଗୀ ସେବା,ବସ୍ତ୍ର କ୍ରୟବିକ୍ରୟ, ଶନି ପୂଜା, ଜନକଲ୍ୟାଣ ଆଦି କାର୍ଯ୍ୟ ସର୍ବୋପରି ପିତାମାତା ସେବା ଶ୍ରେଷ୍ଠ ଅଟେ।

   Related Posts