ଭୁବନେଶ୍ବର (ପ୍ରଶାନ୍ତ ସ୍ୱାଇଁ, କିଶନ ବାରାଇ ) ୭|୮: ସୁଷମା ସ୍ବରାଜଙ୍କ ଓଡ଼ିଶା ସହିତ ନିବିଡ଼ ସଂପର୍କ ଥିଲା। ସେଥିପାଇଁ ତାଙ୍କ ଅବର୍ତ୍ତମାନକୁ ଝୁରୁଛନ୍ତି ଓଡ଼ିଶାବାସୀ। ଭୁବନେଶ୍ବରରେ ଯେଉଁ ଏମ୍ସ ଠିଆ ହୋଇଛି ତାହା ସୁଷମା ସ୍ବାସ୍ଥ୍ୟମନ୍ତ୍ରୀ ଥିବା ସମୟରେ ହିଁ ଆରମ୍ଭ ହୋଇଥିଲ.।
{"id":141851}
ସୁଷମାଙ୍କ ସ୍ମୃତିକୁ ଝୁରୁଛି ସାରା ଦେଶ । ଓଡ଼ିଶା ମନେପକାଉଛି ତାଙ୍କର ଅବଦାନକୁ । କେନ୍ଦ୍ର ମନ୍ତ୍ରୀ ଭାବେ ଓଡ଼ିଶାକୁ ପ୍ରାଧାନ୍ୟ ଦେଉଥିଲେ ସେ । ଓଡ଼ିଶାର ନେତାଙ୍କ ସହ ଘନିଷ୍ଠ ସଂପର୍କ ରଖୁଥିଲେ ।
{"id":141835}
ବିଜୁ ପଟ୍ଟନାୟକ, ଜାନକୀ ବଲ୍ଲଭ ପଟ୍ଟନାୟକ, ନବୀନ ପଟ୍ଟନାୟକ, ଧର୍ମେନ୍ଦ୍ର ପ୍ରଧାନ ସମସ୍ତଙ୍କ ସହ ତାଙ୍କର ସୁସଂପର୍କ ଥିଲା । ତେବେ ଓଡ଼ିଶା ଓ ସୁଷମାଙ୍କ ସଂପର୍କକୁ ମନେ ପକାଇଲେ ପ୍ରଥମ ନାଁ ସାମ୍ନାକୁ ଆସିବ ଭୁବନେଶ୍ୱର ଏମସ୍ । ୨୦୦୩ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଭାବେ ଦେଶର ୬ ସହରରେ ଏମ୍ସ ପ୍ରତିଷ୍ଠା ଲାଗି ସେ ନିଷ୍ପତ୍ତି ନେଇଥିଲେ । ଯେଉଁଥିରୁ ଗୋଟିଏ ଥିଲା ଭୁବନେଶ୍ୱର ।
{"id":141889}
ସୁଷମାଙ୍କୁ ଶ୍ରଦ୍ଧାଞ୍ଜଳି ଦେବାକୁ ରାଜ୍ୟ ବିଜେପି କାର୍ଯ୍ୟାଳୟରେ ଶୋକସଭା ଅନୁଷ୍ଠିତ ହୋଇଥିଲା । ଦଳର ଅନେକ ବରିଷ୍ଠ ନେତା, କର୍ମୀ ମହାନ୍ ନେତ୍ରୀଙ୍କ ଅମ୍ଳାନ ସ୍ମୃତିକୁ ମନେ ପକାଇଛନ୍ତି ।
{"id":141821}
ଜଗନ୍ନାଥଙ୍କ ପ୍ରତି ସୁଷମାଙ୍କ ଥିଲା ଅଗାଢ ଭକ୍ତି । ସେଥିଲାଗି ଓଡ଼ିଶା ତାଙ୍କୁ ବାରମ୍ବାର ଆକର୍ଷିତ କରିଛି । ଦଳୀୟ ପ୍ରଚାର ହେଉ କିମ୍ବା ସରକାରୀ କାର୍ଯ୍ୟ ଅନେକ ଥର ଓଡ଼ିଶା ଆସିଛନ୍ତି ସେ । ସ୍ୱାସ୍ଥ୍ୟମନ୍ତ୍ରୀ ଭାବେ ନୁହେଁ, କେନ୍ଦ୍ର ଟେଲି ଯୋଗାଯୋଗ ମନ୍ତ୍ରୀ, ସୂଚନା ଓ ଲୋକସଂପର୍କ ମନ୍ତ୍ରୀ ଭାବେ ସେ ଓଡ଼ିଶାର ବିକାଶରେ ତାଙ୍କର ଯୋଗଦାନ ଅତୁଳନୀୟ ରହିଛି ।
{"id":141707}
ସୁଷମା କ୍ଷମତାରେ ଥାନ୍ତୁ କି ନ ଥାନ୍ତୁ, ସାଧାରଣ ଲୋକଙ୍କ ନେତ୍ରୀ ଭାବେ ସବୁବେଳେ ସାମ୍ନାକୁ ଆସିଛନ୍ତି । ନାଇଜେରୀୟ ପଣବନ୍ଦୀଙ୍କ ନିକଟରୁ ଓଡ଼ିଆ ସେଲର ସୁଦୀପ ଚୌଧୁରୀଙ୍କ ସମେତ ୫ ଜଣଙ୍କୁ ମୁକ୍ତ କରିବାରେ ସୁଷମାଙ୍କ ଉଦ୍ୟମ ଥିଲା ଅତୁଳନୀ।
{"id":141890}
ସେହିପରି ସେ ବୈଦେଶିକ ବ୍ୟାପର ମନ୍ତ୍ରୀ ଥିବା ସମୟରେ ଯେତେବେଳେ ଉପସାଗରୀୟ ଦେଶରେ ବନ୍ଦୀ ଓଡ଼ିଆଙ୍କ ପ୍ରସଙ୍ଗ ଆସିଛି ସେତେବେଳେ ସୁଷମା ସେମାନଙ୍କୁ ମୁକ୍ତ କରିବା ଲାଗି ଅଣ୍ଟା ଭିଡ଼ିଛନ୍ତି। ସେଥିଲାଗି ଦଳମତ ନିର୍ବିଶେଷରେ ସମସ୍ତେ ତାଙ୍କ ପ୍ରଶଂସାରେ ଶତମୁଖ ।
{"id":141820}
ସୂଚନା ଓ ପ୍ରସାରଣ ମନ୍ତ୍ରୀ ଥିବା ସମୟରେ ସୁଷମାଙ୍କ ଉଦ୍ୟମରେ ଭୁବନେଶ୍ବର ପ୍ରସାରଭାରତୀର ଉତ୍ଥାନରେ ମଧ୍ୟ ତାଙ୍କ ଉଦ୍ୟମ କିଛି କମ ନଥିଲା। ସୁଷମାଙ୍କ ଅବର୍ତ୍ତମାନକୁ ଝୁରୁଛି ଓଡ଼ିଶା।
