ନୂଆଦିଲ୍ଲୀ, ୦୫/୧୧: ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନାରେ ନଭେମ୍ୱର ମାସ ପରେ ହୁଏତ ଆଉ ମାଗଣାରେ ମିଳିବ ନାହିଁ ରାସନ୍ ସାମଗ୍ରୀ । ଶୁକ୍ରବାର ଖାଦ୍ୟ ସଚିବଙ୍କ କହିବା ମୁତାବକ ଏହି ସ୍କିମ୍ ଅନୁସାରେ ନଭେମ୍ୱର ମାସ ପରେ ମାଗଣାରେ ଗରିବଙ୍କୁ ରାସନ୍ ସାମଗ୍ରୀ ମିଳିବା ପାଇଁ ଏ ପର୍ଯ୍ୟନ୍ତ କୌଣସି ପ୍ରସ୍ତାବ ହୋଇନାହିଁ । ଗତ ବର୍ଷ ଠାରୁ କେନ୍ଦ୍ର ସରକାର ଗରିବ ପରିବାରକୁ ମାଗଣାରେ ରାସନ୍ ଦେବାକୁ ଘୋଷଣା କରିଥିଲେ । ଚଳିତ ବର୍ଷ ପ୍ରଧାନମନ୍ତ୍ରୀ ଏହି ସ୍କିମ୍କୁ ନଭେମ୍ୱରକୁ ଘୁଞ୍ଚାଇ ଦେଇଥିଲେ । ଏଥିରେ ୧.୫ ଲକ୍ଷ କୋଟି ଟଙ୍କା ଖର୍ଚ୍ଚ କେନ୍ଦ୍ର ସରକାର କରିବେ ।
ଖାଦ୍ୟ ସଚିବ ସୁଧଂଶୁ ପାଣ୍ଡେ ଶୁକ୍ରବାର ଦିନ କହିଛନ୍ତି, ଅର୍ଥନୀତି ବର୍ତ୍ତମାନ ଧିରେଧିରେ ସୁଧାର ଆଡକୁ ଗତି କରୁଛି । ଏଭଳି ପରିସ୍ଥିତିରେ ପ୍ରଧାନମନ୍ତ୍ରୀ ଗରିବ କଲ୍ୟାଣ ଆନ୍ନ ଯୋଜନାକୁ ବଢାଇବା ପାଇଁ କୌଣସି ଯୋଜନା ନାହିଁ। ତେଲର ଦାମ୍ ବୃଦ୍ଧିକୁ ନେଇ ସେ କହିଛନ୍ତି ଯେ ଦେଶର ଅନେକ ରାଜ୍ୟରେ ତେଲର ଦାମ୍ ହ୍ରାସ ପାଉଛି। ବିଭିନ୍ନ ସ୍ଥାନରେ ୭ ରୁ ୨୦ ଟଙ୍କା ହ୍ରାସ ହୋଇଥିବା ଦେଖାଯାଇଛି। ଖଜୁରୀ ତେଲ, ଭୂତଳ ତେଲ ଏବଂ ସୂର୍ଯ୍ୟମୁଖୀ ତେଲ ଦେଶରେ ଅଭାବ ଦେଖାଉଛି । କହି ରଖୁଛୁ ଯେ, ଗତ କିଛି ଦିନ ମଧ୍ୟରେ ଖାଇବା ତେଲର ମୁଦ୍ରାସ୍ଫୀତି ଏକ ବଡ଼ ପ୍ରସଙ୍ଗ ହୋଇଛି। ଯେଉଁଥିରେ ସରକାରଙ୍କ ଉଦ୍ୟମ ଯୋଗୁଁ ସାମାନ୍ୟ ହ୍ରାସ ଘଟିଛି, ତଥାପି ଏହାର ମୂଲ୍ୟ ଲିଟର ପିଛା ୨୦୦ରୁ ଅଧିକ ରହିଛି।