Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ବଣ୍ଟନ ପାଇଁ ୨୧ ଜଣିଆ ପରିଚାଳନା କମିଟି ଗଠନ, ସ୍ଵାସ୍ଥ୍ୟ ବିଭାଗର ନିର୍ଦ୍ଦେଶକ ହେଲେ ଅଧ୍ୟକ୍ଷ
  • ||
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||

କଟକ ସିରିଜ ମର୍ଡର ଘଟଣାର ରହସ୍ୟଠୁ ନାରାୟଣକୁ ପୋଲିସର ୩ଦିନ ଅଟକ ଏବଂ ଗିରଫ ଘଟଣା ଅଧିକ ରହସ୍ୟପୂର୍ଣ୍ଣ…ପଢନ୍ତୁ ପୂରା ଖବର

1/08/2019 at 5:47 PM

କଟକ୧|୮: କଟକ ସିରିଜ୍‌ ମର୍ଡ଼ର ଘଟଣାରେ କମିଶନରେଟ୍‌ ପୋଲିସ ଗଲା ୪ଦିନ ଧରି ଅଟକ ରଖିଥିବା ନୟାଗଡ଼ର ନାରାୟଣ ସାହୁଙ୍କୁ ଆଜି ଗିରଫ କରିଛି । ନାରାୟଣଙ୍କୁ ଧରିବାର ୩ଦିନ ପରେ ପୋଲିସ ଆଜି ସକାଳେ ଓଏମପି ଅଂଚଳରେ ଯେଉଁଠି ନାରାୟଣ ପୂର୍ବରୁ ରହୁଥିଲା ବୋଲି କୁହାଯାଉଛି ସେଇ ସ୍ଥାନକୁ ଯାଇ ସାଇଣ୍ଟିଫିକ୍‌ ତଦନ୍ତ କରିବା ସହ ଏକ କୁରାଢ଼ୀ ଜବତ କରିଥିଲା । ଏହା ପରେ ଅଭିଯୁକ୍ତ ତିନୋଟି ନୁହେଁ ବରଂ ୨ଟି ହତ୍ୟାକାଣ୍ଡରେ ସଂପୃକ୍ତ ଦର୍ଶାଇ ନାରାୟଣକୁ ଗିରଫ କରିଛି ।…

କଟକ ସିରିଜ୍‌ ମର୍ଡ଼ର ଘଟଣାରେ ପୋଲିସର ସଂଦେହ ବଳୟକୁ ଆସିଥିବା ନାରାୟଣ ସାହୁକୁ ଶେଷରେ ଗିରଫ କରାଯାଇଛି । ନାରାୟଣଙ୍କୁ ଧରିବାର ୩ଦିନ ପରେ ପୋଲିସ ଆଜି ସକାଳେ ଓଏମପି ଅଂଚଳରେ ଯେଉଁଠି ନାରାୟଣ ପୂର୍ବରୁ ରହୁଥିଲା ବୋଲି କୁହାଯାଉଛି ସେଇ ସ୍ଥାନକୁ ଯାଇ ସାଇଣ୍ଟିଫିକ୍‌ ତଦନ୍ତ କରିବା ସହ ଏକ କୁରାଢ଼ୀ ଜବତ କରିଥିଲା । ଆଉ ପୂର୍ବ ଗଣ୍ଡଗୋଳକୁ ନେଇ ନାରାୟଣ ଓମପି ଅଂଚଳରେ ୨ଜଣଙ୍କୁ ଆକ୍ରମଣ କରି ହତ୍ୟା କରିଥିବା ଏବଂ ରାଣିହାଟ୍‌ ମର୍ଡ଼ର କେସ୍‌ରେ ତା’ର ସମ୍ପୃକ୍ତି ନଥିବା କହିଛି ପୋଲିସ ।

ପ୍ରଥମେ କଟକରେ ଘଟିଥିବା ତିନୋଟି ଯାକ ହତ୍ୟା ଘଟଣାରେ ସମାନତା ଅଛି ଆଉ ଗୋଟିଏ ଲୋକଙ୍କ ହିଁ ଏଥିରେ ସଂପୃକ୍ତ ବୋଲି କହିଥିବା ପୋଲିସ ଏବେ ରାଣିହାଟ୍‌ ମର୍ଡ଼ର କେସ୍‌ରେ ନାରାୟଣର ସମ୍ପୃକ୍ତିକୁ ଏଡ଼ାଇ ଯାଇଛି । ଏଥି ସହ ନାରାୟଣକୁ କୋର୍ଟରେ ହାଜର ପରେ ତାକୁ ରିମାଣ୍ଡରେ ଆଣି ଅଧିକ ଛାନଭିନ୍‌ କରିବାକୁ ଯୋଜନା କରିଛି ପୋଲିସ ।

ତେବେ ଏହା ଭିତରେ ନାରାୟଣ ଜଣେ ମାନସିକରୋଗୀ କି ନାହିଁ ତାହା କିନ୍ତୁ ଏପର୍ଯ୍ୟନ୍ତ ସ୍ପଷ୍ଟ କରିନି ପୋଲିସ । ଏପରିକି ଏହି ହତ୍ୟାକାଣ୍ଡରେ ନାରାୟଣର ଶତ ପ୍ରତିଶତ ସଂପୃକ୍ତି ଅଛି କି ନାହିଁ ତାହାର ପ୍ରମାଣ ମଧ୍ୟ ପୋଲିସ ପାଖରେ ନାହିଁ । ନାରାୟଣଙ୍କୁ ରିମାଣ୍ଡରେ ଆଣି ପୋଲିସର ଅଧିକ ଛାନଭିନ୍‌ ପରେ ହିଁ ଏହା ସ୍ପଷ୍ଟ ହେବ । କଟକ ଡିସପିଙ୍କ ଫ୍ରେସ୍‌ ବୟାନରୁ ଏୟା ହିଁ ସାମ୍ନାକୁ ଆସୁଛି ।

ଏଠି ପ୍ରଶ୍ନ ଉଠୁଛି ଜୁଲାଇ ୨୯ ତାରିଖରୁ ନାରାୟଣକୁ କମିଶନରେଟ୍‌ ପୋଲିସ କଷ୍ଟୋଡିକୁ ନେଇଥିଲେ ମଧ୍ୟ କରୁଥିଲା କ’ଣ ? କାହିଁକି ଗଲା ୩ଦିନ ଭିତରେ ନାରାୟଣ ଜଣେ ମାନସିକ ରୋଗୀ କି ନାହିଁ ତା‘ର ପରୀକ୍ଷା କରାଯାଇନାହିଁ ? କାହିଁକ ନାରାୟଣକୁ ଧରିବାର ୪ଦିନ ପର୍ଯ୍ୟନ୍ତ ସେ ରହୁଥିବା ଓଏମପି ଅଂଚଳରେ ଛାନଭିନ୍‌ ହୋଇନଥିଲା ? ହଠାତ୍‌ ୩ଦିନ ପରେ ଗୁରୁବାର ସକାଳୁ ସାଇଣ୍ଟିଫିକ୍‌ ଟିମ୍‌ ନାରାୟଣ ରହୁଥିବା ସ୍ଥାନରେ ପହଞ୍ଚି ତଦନ୍ତ କରିବା ଆଉ ହଠାତ୍‌ ହତ୍ୟାକାଣ୍ଡରେ ବ୍ୟବହୃତ ଟାଙ୍ଗିଆ ମିଳିବା କାହିଁକି କେଜାଣି ପୂରା ଘଟଣାକୁ ଟିକେ ଗୋଳିଆ କରୁଛି ।

   Related Posts