Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁରୀ ସ୍ବର୍ଗ ଦ୍ବାରରୁ ହଟିଲା କଟକଣା, ସଂକ୍ରମଣ କମୁଥିବାରୁ ଜିଲ୍ଲା ପ୍ରଶାସନର ନିଷ୍ପତ୍ତି
  • ||
  • ‘କୁଲଦୀପ ଯାଦବଙ୍କ ପାଇଁ ଚ୍ୟାଲେଞ୍ଜିଂ ହେବ ଓ୍ବେଷ୍ଟଇଣ୍ଡିଜ ସିରିଜ୍, ଟିମ୍‌ ଇଣ୍ଡିଆକୁ ଭରସା ରଖିବାକୁ ହେବ’: ହରଭଜନ ସିଂହ
  • ||
  • ବିଧାନସଭା ନିର୍ବାଚନ ଏବଂ ବଜେଟ୍‌ ଅଧିବେଶନ ପୂର୍ବରୁ କଂଗ୍ରେସ ଡାକିଲା ଗୁରୁତ୍ବପୂର୍ଣ୍ଣ ବୈଠକ, ପ୍ରସ୍ତୁତ ହେବ ରଣନୀତି
  • ||
  • ରାଜ୍ୟରେ ସୁସ୍ଥହେଲେ ଆଉ ୧୧,୧୫୭ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୬୫୩ଜଣ ଡିସଚାର୍ଜ
  • ||
  • ବୈଦେଶିକ ବ୍ୟାପାର ମନ୍ତ୍ରୀ ଏସ.ଜୟଶଙ୍କରଙ୍କୁ କରୋନା, ନିଜକୁ କଲେ ଆଇସୋଲେଟ୍
  • ||
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||

୧୬ ତାରିଖରେ ଚନ୍ଦ୍ରଗ୍ରହଣ : ଜାଣନ୍ତୁ କେଉଁ ସମୟରେ ରହିବ ଗ୍ରହଣର ସର୍ବାଧିକ ପ୍ରଭାବ, କ’ଣ କରିବେ ଏହି ସମୟରେ

14/07/2019 at 6:10 PM

ଭୁବନେଶ୍ବର ୧୪|୭: ଗ୍ରହଣ ଓ ପରାଗ  ଏକ ସାଧାରଣ ମହାଜାଗତିକ ଘଟଣା । ଜୁଲାଇ ୧୬ତାରିଖ ଗୁରୁ ପୁର୍ଣ୍ଣମି ରେ ପଡୁଛି ଚନ୍ଦ୍ର ଗ୍ରହଣ । କିନ୍ତୁ ଏହା  ଦୃଶ୍ୟମାନ ହେବ ୧୬ ତାରିଖ ମଧ୍ୟରାତ୍ରି ପରେ । ଅର୍ଥାତ୍  ରାତି ୧ଟା ୩୧ ରୁ  ୪ଟା ୨୯ ଯାଏଁ । ଏହା ହେଉଛି  ଚଳିତବର୍ଷର ଦ୍ବିତୀୟ ଚନ୍ଦ୍ରଗ୍ରହଣ । ତେବେ ଏହି ଆଂଶିକ ଚନ୍ଦ୍ରଗ୍ରହଣ  ।

ୟୁରୋପ,ଏସିଆ,ଅଷ୍ଟ୍ରେଲିଆ,ଆଫ୍ରିକା,ଦକ୍ଷିଣ ଆମେରିକା  ଆଦି ମହାଦେଶର ଅନେକ ଅଞ୍ଚଳ ସହ ଭାରତ ତଥା ଓଡିଶାର ସମସ୍ତ ସ୍ଥାନରେ ଦୃଶ୍ୟମାନ ହେବ । ତେବେ ଏହାକୁ ନେଇ ପ୍ଲାନେଟୋରିୟମରେ ପ୍ରସ୍ତୁତି ସହ ମନ୍ଦିର ଗୁଡିକରେ ପୁଜା ବିଧି ପରିବର୍ତ୍ତନ କରାଯାଇଛି ।  

୧୬ ଜୁଲାଇରେ ସଂଗଠିତ ହେବ ଆଂଶିକ ଚନ୍ଦ୍ର ଗ୍ରହଣ ।ଏହି ଦିନ ଆକାଶ ମେଘ ମୁକ୍ତ ରହିଲେ ମଧ୍ୟ ରାତ୍ରି ପରେ ଅର୍ଥାତ୍ ରାତି  ୧ଟା ୩୧ ରୁ  ୪ଟା ୨୯ ଯାଏଁ ଏହି ଆଂଶିକ ଚନ୍ଦ୍ର ଗ୍ରହଣକୁ  ଖାଲି ଆଖିରେ ଦେଖିହେବ । ତେବେ ଏହି ସମୟ ମଧ୍ୟରୁ ସବୁଠାରୁ ଅଧିକ ସମୟ ଯାହାକି ପ୍ରାୟ ୬୫ପ୍ରତିଶତ ରାତି ୩ଟା ସମୟରେ ଦୃଶ୍ୟମାନ ହେବ ।

ଆମେ ଜାଣିଛେ ଯେ ଚନ୍ଦ୍ର  ପୃଥିବୀ  ଚାରିପଟେ  ଓ ପୃଥିବୀ  ସୁର୍ଯ୍ୟ ଚାରିପଟେ ଘୁରୁଛି । ଏହି ଭଳି  ଘୁରିବା ଭିତରେ ଯେତେବେଳେ ଚନ୍ଦ୍ର,ପୃଥିବୀ ଓ ସୁର୍ଯ୍ୟ  ଏକ ସରଳ ରେଖାରେ ରହିଥାନ୍ତି ସେ ସମୟରେ ସୂର୍ଯ୍ୟ ପରାଗ,  ଓ ଚନ୍ଦ୍ର ଗ୍ରହଣ  ଘଟିଥାଏ । ଚନ୍ଦ୍ର ଗ୍ରହଣ ସମୟରେ ପୃଥିବୀ, ଚନ୍ଦ୍ର ଓ ସୂର୍ଯ୍ୟ ଏକ ସରଳରେଖାରେ ରହିଥାଏ  ଓ ପୃଥିବୀର  ଛାଇ ଚନ୍ଦ୍ର ଉପରେ ପଡିଥାଏ । ତେବେ ଚଳିତ ଚନ୍ଦ୍ର ଗ୍ରହଣଟି ମଧ୍ୟରାତ୍ରିରେ ପଡୁଥିବାରୁ ଓ ଆକାଶ ମେଘାଛନ୍ନ ରହିବାର ସଂଭାବନା ଥିବାରୁ ଫ୍ଲାନେଟୋରିୟମ ପକ୍ଷରୁ  ଏହାକୁ ଘରେ ରହି ଜନସାଧାରଣ ଉପଭୋଗ କରିବାକୁ  ଅନୁରୋଧ  କରିଛନ୍ତି ।

ସେପଟେ ମନ୍ଦିର ଗୁଡିକରେ ଗ୍ରହଣକୁ ନେଇ ବିଭିନ୍ନ ନିତି ନିୟମ ପାଳନ କରାଯିବାର ବ୍ୟବସ୍ଥା ରହିଛି । ମଙ୍ଗଳବାର ଅର୍ଥାତ ୧୬ ତାରିଖ ଦିନ ଅପରାହ୍ନ ୪.୩୦ ପରଠାରୁ ସମସ୍ତ ଦେବ ନୀତି ବନ୍ଦ ରହିବ । ପୁଣି ବୁଧବାର ସକାଳୁ ସ୍ନାନ ପରେ ଲୋକମାନେ ପୁଜାବିଧି କରିପାରିବେ ଏବଂ ନୁତନ ରନ୍ଧା ଖାଦ୍ୟ ଗ୍ରହଣ କରିପାରିବେ ବୋଲି କୁହନ୍ତି ପୁଜକ । ହିନ୍ଦୁ ନୀତି ଅନୁଯାୟି ୪ ଟା ୩୦ ପରଠାରୁ ପାକ ନିଷେଧ ରଖାଯାଇଛି । ସେହିଭଳି ସମସ୍ତ ଦେବାଳୟ ମଧ୍ୟ ଏହି ସମୟରେ ବନ୍ଦ ରହିବ ।

ସାଧାରଣତଃ ଗ୍ରହଣ ଓ ପରାଗକୁ ନେଇ  ଲୋକଙ୍କ ମନରେ ଥାଏ ବିଭିନ୍ନ ଭ୍ରାନ୍ତ ଧାରଣା । ତେବେ ବିଜ୍ଞାନ ଏଭଳି ଦୃଶ୍ୟ ଉପଭୋଗ କରିବାକୁ ଉତ୍ସାହିତ କରିବା ବେଳେ  ଧର୍ମ ଅନୁଯାୟି କିଛି ରୀତିନୀତିରେ ପାଳନ କରାଯାଏ ।

   Related Posts