Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ଭୁବନେଶ୍ବର ଉତ୍ତର ଆସନରୁ ଦ୍ବିତୀୟ ଥର ବିଜେଡି ଟିକେଟ ପାଇବେ କି ପ୍ରିୟଦର୍ଶୀ ? ଜାଣନ୍ତୁ ଆଉ କାହାକୁ ମିଳିବା ସମ୍ଭାବନା

12/03/2019 at 6:42 PM

ଭୁବନେଶ୍ବର୧୨|୩: ନିର୍ବାଚନ ପାଇଁ ତାରିଖ ଘୋଷଣା ହେଲା । ହେଲେ ଦଳୀୟ ପ୍ରାର୍ଥୀ ତାଲିକା ଘୋଷଣା ହୋଇନଥିବାରୁ ଆଶାୟୀ ପ୍ରାର୍ଥୀଙ୍କ ମନ ଉଚ୍ଛନ୍ନ ହେଲାଣି । କେବେ ଗ୍ରିନ୍‌ ସିଗ୍‌ନାଲ ମିଳିବ ଆଉ କେବେ ସେମାନେ ପ୍ରଚାର ପାଇଁ ମଇଦାନକୁ ଓହ୍ଲାଇବେ କେବଳ ତାକୁ ହିଁ ଅପେକ୍ଷା । ୟା’ ଭିତରେ ପୁଣି କାହାର ଟିକଟ କଟିବ ଆଉ କାହାକୁ ଟିକଟ ମିଳିବ ତାକୁ ନେଇ ମଧ୍ୟ ସଂଦେହରେ ରହିଛନ୍ତି ଅନେକ ଆଶାୟୀ । ଏମିତିରେ କ’ଣ ରହିଛି ଭୁବନେଶ୍ବର ଉତ୍ତର ନିର୍ବାଚନ ମଣ୍ଡଳିର ମାହୋଲ ଚାଲନ୍ତୁ ତା’ ଉପରେ ଟିକେ ନଜର ପକାଇବା । …..

ଗଲା ୧୦ବର୍ଷ ଧରି ବିଜେଡି କବ୍‌ଜାରେ ଥିବା ଭୁବନେଶ୍ବର ଉତ୍ତର ନିର୍ବାଚନ ମଣ୍ଡଳିରେ ଆରମ୍ଭ ହୋଇଗଲାଣି ନିର୍ବାଚନୀ କସରତ । ବିଭିନ୍ନ ଦଳର ଆଶାୟୀ ପ୍ରାର୍ଥୀମାନେ ସ୍ଥାନୀୟ ଲୋକଙ୍କ ସହ ଯୋଡ଼ିହେବାର ପ୍ରୟାସ ଜାରି ରଖିଛନ୍ତି । ୨୦୧୪ରେ ଏଠାରୁ ବିଜେଡି ପ୍ରାର୍ଥୀ ଭାବେ ପ୍ରିୟଦର୍ଶୀ ମିଶ୍ର ବିଧାୟକ ହୋଇଛନ୍ତି । ହେଲେ ୨୦୧୯ରେ ବିଧାୟକ ପ୍ରିୟଦର୍ଶୀଙ୍କ ସମେତ ଆଶାୟୀ ତାଲିକାରେ ଅଛନ୍ତି ଜିଲ୍ଲା ବିଜେଡି ଉପସଭାପତି ସୁଭାଷ ପାତ୍ର, ବିଜେଡି ନେତା ଆଶୁତୋଷ ସାମନ୍ତରାୟ । ଗଲା ୫ବର୍ଷ ଭିତରେ ବିଧାୟକ ପ୍ରିୟଦର୍ଶୀ ମିଶ୍ର ତାଙ୍କ ନିର୍ବାଚନ ମଣ୍ଡଳିରେ ଲୋକଙ୍କୁ ଦେଇଥିବା ପ୍ରତିଶ୍ରୁତି ପାଳନ କରିଛନ୍ତି ବୋଲି ଦାବି କରୁଥିବା ବେଳେ ଦଳ ସଭାପତି ଦ୍ବିତୀୟ ଥର ପାଇଁ ତାଙ୍କୁ ସୁଯୋଗ ଦେବେ​‌ ବୋଲି ଆଶା ରଖିଛନ୍ତି । ହେଲେ ସେପଟେ ବିଧାୟକଙ୍କ ବିରୋଧରେ ଥିବା ଜନ ଅସନ୍ତୋଷକୁ ଆଧାର କରି ନିଜ  ସପକ୍ଷରେ ଗୋଟି ଚଳାଇବାରେ ବ୍ୟସ୍ତ ଅଛନ୍ତି ଆଶାୟୀ ପ୍ରାର୍ଥୀ ।

ରାଜ୍ୟ ସରକାରଙ୍କ ସଫଳତା ଓ କେନ୍ଦ୍ର ସରକାରଙ୍କ ବିଫଳତାକୁ ଲୋକଙ୍କ ପାଖରେ ପହଞ୍ଚାଇବା କାର୍ଯ୍ୟରେ ମାତିଛନ୍ତି ବିଜେଡି ନେତା । ସେପଟେ ବିଜେପି ମଧ୍ୟ ସଭା ସମିତି ଶୋଭାଯାତ୍ରା ମାଧ୍ୟମରେ ଲୋକଙ୍କ ନିକଟତର ହେବାକୁ ଚେଷ୍ଟା ଜାରି ରଖିଛି । ଭୁବନେଶ୍ବର ଉତ୍ତରରୁ ବିଜେପିର ଆଶାୟୀ ପ୍ରାର୍ଥୀ ଡକ୍ଟର ପ୍ରକାଶ ଶ୍ରୀଚନ୍ଦନ, ପ୍ରଶାସକରୁ ରାଜନେତା ହୋଇଥିବା ଅପରାଜିତା ଷଡ଼ଙ୍ଗୀ  ପ୍ରମୁଖ ଦଳର ପ୍ରଚାରର ମଙ୍ଗ ଧରିଛନ୍ତି ।

କେବଳ ବିଜେଡି କି ବିଜେପି ନୁହନ୍ତି, କଂଗ୍ରେସରୁ ମଧ୍ୟ ଏକାଧିକ ଆଶାୟୀ ଏବେ ଭୁବନେଶ୍ବର ଉତ୍ତର ନିର୍ବାଚନ ମଣ୍ଡଳୀରେ ସେମାନଙ୍କ ଆକ୍ଟିଭିଟି ଜାରି ରଖିଛନ୍ତି । ତେବେ ପ୍ରମୁଖ ଦଳଗୁଡ଼ିକ ଭିତରୁ କୌଣସି ଦଳ ପ୍ରାର୍ଥୀ ଘୋଷଣା କରିନଥିବାରୁ ଆଶା ଓ ଆଶଙ୍କାରେ ରହିଛନ୍ତି ଆଶାୟୀ ।

   Related Posts