Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୫୪୦ କରୋନା ସଂକ୍ରମିତ ଚିହ୍ନଟ
  • ||
  • ଡିସେମ୍ବର ୩୧ପୂର୍ବରୁ ବସିବ ବିଧାନସଭାର ଶୀତ ଅଧିବେଶନ
  • ||
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||

ସ୍କଟ୍‌ଲ୍ୟାଣ୍ଡ ଗ୍ଲାସ୍‌ଗୋରେ ଛୁରୀମାଡ, ୩ ମୃତ

26/06/2020 at 8:01 PM

ଗ୍ଲାସଗୋ ୨୬।୬:  ସ୍କଟଲ୍ୟାଣ୍ଡ ଗ୍ଲାସଗୋ ସହରରେ ଶୁକ୍ରବାର ଛୁରୀମାଡ ହୋଇଛି। ଅଜ୍ଞାତ ଆକ୍ରମଣକାରୀର ଛୁରୀମାଡରେ ୩ ଜଣଙ୍କର ମୃତ୍ୟୁ ହୋଇଥିବାର ଜଣାପଡିଛି। ତେବେ ପୋଲିସ ଗୁଳିରେ ଆକ୍ରମଣକାରୀ ପ୍ରାଣ ହରାଇଥିବା ବେଳେ ତାର ପରିଚୟ ଜଣାପଡି ନାହିଁ। ଆକ୍ରମଣକାରୀଙ୍କ ଛୁରୀ ମାଡରେ ସ୍କଟିସ୍ ପୋଲିସ ଫେଡେରେସନର ଜଣେ ଅଧିକାରୀ ମଧ୍ୟ ଆହତ ହୋଇଛନ୍ତି।

ମିଳିଥିବା ସୂଚନା ଅନୁସାରେ ଜନଗହଳିପୂର୍ଣ୍ଣ ୱେଷ୍ଟ ଜର୍ଜ ଷ୍ଟ୍ରିଟ୍‌ର ପାର୍କ ଇନ୍‌ ହୋଟେଲ ବାହାରେ ଆତତାୟୀ ଅଚାନକ ଛୁରୀ ଆକ୍ରମଣ କରିଥିଲା।  ଦେଖୁ ଦେଖୁ ତା ଆକ୍ରମଣରେ ୩ ଜଣ ପ୍ରାଣ ହରାଇଥିଲେ। ସୂଚନା ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଆକ୍ରମଣକାରୀକୁ ଗିରଫ କରିବାକୁ ଉଦ୍ୟମ କରିଥିଲା। ତେବେ ସେ ପୋଲିସକୁ ଧରା ଦେଇନଥିବା ବେଳେ ଓଲଟି ତା ଆକ୍ରମଣରେ ଜଣେ ଅଧିକାରୀ  ଆହତ ହୋଇଥିଲେ। ଏଣୁ ପୋଲିସ ଗୁଳିକରି ଆତତାୟୀକୁ ହତ୍ୟା କରିଛି।

ଘଟଣାକୁ ନେଇ ବ୍ରିଟେନ ପ୍ରଧାନମନ୍ତ୍ରୀ ବୋରିଶ ଜନସନ୍‌ ଗଭୀର କ୍ଷୋଭ ପ୍ରକାଶ କରିଛନ୍ତି। ମୃତକଙ୍କ ଲାଗି ପ୍ରଧାନମନ୍ତ୍ରୀ ଶୋକ ପ୍ରକଟ କରିଥିବା ବେଳେ ବାରମ୍ବାର ହେଉଥିବା ଘଟଣାକୁ ନେଇ ଉଦବେଗ ପ୍ରକାଶ କରିଛନ୍ତି। ତେବେ ଆତତାୟୀର ମୃତ୍ୟୁ ପରେ ଘଟଣାସ୍ଥଳରେ ପରିସ୍ଥିତି ସ୍ୱଭାବିକ ଅଛି। ତେବେ ମାମଲାର ତଦନ୍ତ ଲାଗି ସେଠାରେ ଏବେବି ପୋଲିସ ଥିବା ଜଣାପଡିଛି।

   Related Posts