Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ଟିମ୍ ଇଣ୍ଡିଆରେ ଅଛନ୍ତି ଧୋନୀଙ୍କ ବିକଳ୍ପ, ଏହି ଖେଳାଳିଙ୍କୁ ଇଙ୍ଗିତ କଲେ ଗମ୍ଭୀର

13/04/2020 at 3:05 PM

ନୂଆଦିଲ୍ଲୀ, ୧୩|୦୪:  ଆଇପିଏଲ ଚଳିତ ବର୍ଷ ଖେଳାଯିବା ନେଇ ଦ୍ୱନ୍ଦ୍ୱ ରହିଛି । ମହେନ୍ଦ୍ର ସିଂ ଧୋନୀ ମଧ୍ୟ ଭାରତୀୟ ଟି୨୦ ବିଶ୍ୱକପ ଦଳରେ ସ୍ଥାନ ପାଇବା କଷ୍ଟକର ବୋଲି ଷ୍ଟାର ସ୍ପୋର୍ଟସ୍ ସୋରେ କହିଛନ୍ତି ପୂର୍ବତନ ଓପନର ଗୌତମ ଗମ୍ଭୀର ।

ଗମ୍ଭୀର କହିଛନ୍ତି ଯେ, ଚଳିତ ବର୍ଷ ଆଇପିଏଲ ହେବର ସମ୍ଭାବନା କମ ରହିଛି । ତେଣୁ ଧୋନୀଙ୍କ ପାଖରେ ମଧ୍ୟ ସୁଯୋଗ ଆଉ ନାହିଁ । ସେ ଆଇପିଏଲ ନଖେଳିଲେ ଚୟନକର୍ତ୍ତା ତାଙ୍କୁ ଦଳରେ ସାମିଲ କରିପାରିବେ ନାହିଁ । ସେ ଗତ ୬ ମାସ ଧରି କ୍ରିକେଟରୁ ଦୂରରେ ରହିଛନ୍ତି । ଫଳରେ ଦଳରେ ସ୍ଥାନ ମିଳିବା ତାଙ୍କ ପାଇଁ ଆହୁରି କଷ୍ଟକର ।

ସେ ଆହୁରି କହିଛନ୍ତି ଯେ, କେଏଲ ରାହୁଲ ବର୍ତ୍ତମାନ ସମୟରେ ଧୋନୀଙ୍କ ବଡ ବିକଳ୍ପ ଭାବେ ଉଭା ହୋଇଛନ୍ତି । କିନ୍ତୁ ଧୋନୀଙ୍କ ଭଳି ତାଙ୍କ କିପିଂ ସେତେଟା ଉନ୍ନତ ନୁହେଁ । ଟି୨୦ କ୍ରିକେଟ ଉପରେ ନଜର ପକାଇଲେ ରାହୁଲ ଚମତ୍କାର ପ୍ରଦର୍ଶନ କରୁଛନ୍ତି । ସେ ୩ କିମ୍ବା ୪ ନମ୍ବର ପୋଜିସନରେ ଭଲ ଖେଳୁଛନ୍ତି । ଆଇପିଏଲ ନହେଲେ ଧୋନୀଙ୍କ ପାଇଁ  ଶେଷ ସୁଯୋଗ ଚାଲିଯିବ । ଏପରି ସ୍ଥଳେ ଟି୨୦ ବିଶ୍ୱକପରେ ଧୋନୀଙ୍କ ବିକଳ୍ପ ଭାବେ ରାହୁଲଙ୍କୁ ସ୍ଥାନ ମିଳିବ । ଅବସର ନିଷ୍ପତ୍ତିକୁ ଧୋନୀଙ୍କ ବ୍ୟକ୍ତିଗତ ନିଷ୍ପତ୍ତି ବୋଲି କହିଛନ୍ତି ଗମ୍ଭୀର ।

ଏହି କାର୍ଯ୍ୟକ୍ରମରେ ଯୋଗଦେଇ ଭିଭିଏଲ ଲକ୍ଷ୍ମଣ କହିଛନ୍ତି ଯେ, କେବଳ ଚଳିତ ବର୍ଷର ଆଇପିଏଲ ନୁହେଁ ଆହୁରି ଅଧିକ ଆଇପିଏଲ ଖେଳିବା ପାଇଁ ଧୋନୀଙ୍କ କ୍ଷମତା ରହିଛି । ତେବେ ଚୟନ କମିଟି ଧୋନୀଙ୍କ ସହ ଭବିଷ୍ୟତକୁ ନେଇ ଆଲୋଚନା କରିବା ଜରୁରୀ ବୋଲି ସେ କହିଛନ୍ତି ।

   Related Posts