Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରୋଧ ପରେ ବାଟକୁ ଆସିଲା ହକି ଇଣ୍ଡିଆ, ଦିଲ୍ଲୀପ ତିର୍କୀ ଆଡହକ୍ କମିଟିର ଚେୟାରମାନେ ଭାବେ ନିଯୁକ୍ତ
  • ||
  • ଅଗଷ୍ଟ ଦ୍ଵିତୀୟ ସପ୍ତାହରେ ପ୍ରକାଶ ପାଇବ ଯୁକ୍ତ ୨ ରେଜଲ୍ଟ, ଦଶମ ମାର୍କ ଆଧାରରେ ହେବ ମୂଲ୍ୟାୟନ
  • ||
  • ଯାଜପୁର : ବରମୁଣ୍ଡା ଛକରେ ଦୁର୍ଘଟଣା, ଚାଲିଗଲା ନାରାୟଣଙ୍କ ଜୀବନ
  • ||
  • ମୃତ୍ୟୁ ହାରରେ ସାମାନ୍ୟ ହ୍ରାସ : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୩୭ ଜଣଙ୍କ ଜୀବନ, ୩୫୦୮ରେ ପହଞ୍ଚିଲା ମୋଟ୍‌ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୮୦୬ କୋଭିଡ୍ ପଜିଟିଭ୍ ଚିହ୍ନଟ
  • ||
  • କଟକ : ଜୁଆ ଆଡ୍ଡାରେ ଅଚାନକ ଚଢାଉ, ୧୧ଜଣ ଜୁଆଡି ଗିରଫ
  • ||

ନବ ଦାସ କହିଥିଲେ ଝାରସୁଗୁଡାରେ ବିଜେଡି ଝଣ୍ଡା ଧରିବାକୁ କେହି ରହିବେ ନାହିଁ, ଏବେ ନବ ନିଜେ ଧରିବେ ଝଣ୍ଡା : ଭଲ କଥା ବୋଲି କହିଲେ କିଶୋର ମହାନ୍ତି

14/01/2019 at 3:10 PM

ଭୁବନେଶ୍ବର ୧୪|୧: ନବଦାସ ବିଜେଡିରେ ମିଶିବା ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ଝାରସୁଗୁଡାର ପୂର୍ବତନ ବିଧାୟକ ତଥା ବିଜେଡି ନେତା କିଶୋର ମହାନ୍ତି । ଦଳରେ କିଏ ଯୋଗ ଦେବେ ଦଳ ସୁପ୍ରିମୋ ସେ ସମ୍ପର୍କରେ ଚୂଡାନ୍ତ ନିଷ୍ପତ୍ତି ନେବେ ।ସେଥିରେ ତାଙ୍କର କିଛି କହିବାର ନାହିଁ ବୋଲି କିଶୋର କହିଛନ୍ତି ।

ସୂଚନାଯୋଗ୍ୟ ଯେ, ନବ ଦାସ ଏବଂ କିଶୋର ମହାନ୍ତି ପାରମ୍ପରିକ ରାଜନୈତିକ ପ୍ରତିଦ୍ବନ୍ଦ୍ବୀ । ନବ ବିଜେଡିରେ ଯୋଗ ଦେଲେ ଝାରସୁଗୁଡା ଆସନରୁ ବିଧାନସଭା ପ୍ରାର୍ଥୀ ହେବା ପାଇଁ ଚାହିଁବେ । ଏପଟେ କିଶୋର ମହାନ୍ତି ବରାବର ଏହି ଆସନରୁ ଲଢି ଆସୁଛନ୍ତି । ଗତ କିଛିଦିନ ତଳେ ନବ ଦାସ ବିଜେଡିରେ ମିଶିବେ ବୋଲି ଚର୍ଚ୍ଚା ହେବା ଫଳରେ କିଶୋର ମହାନ୍ତି ବିଜେଡି ଛାଡି ପାରନ୍ତି ବୋଲି ଚର୍ଚ୍ଚା ହେଉଥିଲା । ତେବେ ନବ ଦାସ ବିଜେଡିରେ ଯୋଗ ଦେବାପରେ ସେ ଦଳ ଛାଡିବାର ପ୍ରଶ୍ନ ଉଠୁ ନହିଁ ବୋଲି କିଶୋର କହିଛନ୍ତି ।  

ସେ କହିଛନ୍ତି ଯେ, ଦଳ ଯାହା ଦାୟିତ୍ବ ଦେବ ତାହା ତୁଲାଇବି । ଦଳରେ ରହିଛି ଓ ରହିବି ମଧ୍ୟ । ନିର୍ବାଚନ ଆସିଲେ କିଏ କେଉଁଠି ଛିଡ଼ା ହେବ ତାହା ସ୍ପଷ୍ଟ ଜଣାପଡିବ ବୋଲି କିଶୋର କହିଛନ୍ତି । ନବ ଦାସ କହିଥିଲେ ଝାରସୁଗୁଡ଼ାରେ ବିଜେଡିର କେହି ଝଣ୍ଡା ଧରିବାକୁ ରହିବେନି । ଏବେ ସେ ବିଜେଡିକୁ ଝଣ୍ଡା ଧରିବାକୁ ଆସୁଛନ୍ତି, ଏହା ଭଲ କଥା ବୋଲି କିଶୋର କଟାକ୍ଷ କରି କହିଛନ୍ତି ।

ଆସନ୍ତା ୨୪ ତାରିଖରେ ମୁଖ୍ୟମନ୍ତ୍ରୀଙ୍କ ଝାରସୁଗୁଡା ଗସ୍ତ ଅବସରରେ ନବ ବିଜେଡିରେ ଯୋଗ ଦେବେ ବୋଲି ସ୍ପଷ୍ଟ ହେଲା ପରେ ରାଜନୈତିକ ପାଣିପାଗ ଉଷ୍ମ ହେବାରେ ଲାଗିଛି ।

   Related Posts