ନୂଆଦିଲ୍ଲୀ ୧୫/୦୬: ବିଶ୍ୱର ସବୁଠାରୁ ବଡ ପରିବାରର ମୁଖ୍ୟ ଭାବରେ ଜଣାଶୁଣା ମିଜୋରାମର ଜିଓନା ଚନା ଶେଷ ନିଶ୍ୱାସ ତ୍ୟାଗ କରିବାର ୩୬ ଘଣ୍ଟାରୁ ଅଧିକ ସମୟ ବିତିଗଲାଣି, କିନ୍ତୁ ତାଙ୍କ ପ୍ରିୟଜନମାନେ ତାଙ୍କୁ ବିଦାୟ ଦେବାକୁ ପ୍ରସ୍ତୁତ ନୁହଁନ୍ତି । ସେ ଜୀବିତ ଥିବା ଦାବି କରିଛନ୍ତି।
ଉଚ୍ଚ ରକ୍ତଚାପ ଏବଂ ମଧୁମେହରେ ପୀଡିତ ଜିଓନା-ଚନାଙ୍କୁ ରବିବାର ଦିନ ଆଇଜୱାଲର ଟ୍ରିନିଟି ହସ୍ପିଟାଲରେ ଡାକ୍ତରମାନେ ମୃତ ଘୋଷଣା କରିଥିଲେ। ତେବେ ପରିବାର ସଦସ୍ୟ ଜିଦ୍ ଧରିଥିଲେ ଯେ ତାଙ୍କ ଶରୀର ଗରମ ଅଛି ଏବଂ ନାଡ ଏବେ ବି ଚାଲିଛି।
ଲାଲପା କୋହରାନ୍ ଥାରଙ୍କ ସଚିବ ଜୈତିନଖୁମା କହିଛନ୍ତି ଯେ ଡାକ୍ତରଖାନାରୁ ଘରକୁ ଆଣିବା ପରେ ଜିଓନାଙ୍କ ନାଡ ପୁଣି ଚାଲିବାକୁ ଲାଗିଲା। ସେ କହିଛନ୍ତି, ‘ତାଙ୍କ ପରିବାର ସଦସ୍ୟ ଏବଂ ବକ୍ତାୱଙ୍ଗ ଗାଁର ଚୁଆନ୍ତର ଲୋକମାନେ ତାଙ୍କୁ ଏପରି ପରିସ୍ଥିତିରେ କବର ଦେଇ ପାରିବେ ନାହିଁ।‘