Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||
  • ଆଫଗାନିସ୍ତାନ ପ୍ରସଙ୍ଗରେ ନଭେମ୍ୱରରେ ବସିବ ବୈଠକ : ପାକିସ୍ତାନକୁ ନିମନ୍ତ୍ରଣ କଲା ଭାରତ
  • ||
  • ପଞ୍ଚାୟତ ନିର୍ବାଚନ ପାଇଁ ୩ ଦଳ ପ୍ରସ୍ତୁତ, ସଂରକ୍ଷଣ ତାଲିକା ପ୍ରକାଶ ପରେ ଗଦାଗଦା ଅଭିଯୋଗ
  • ||
  • ମନୀଷ ଅନୁରାଗ ମୃତ୍ୟୁ ମାମଲା : ରବିବାର ୩ ଅଭିଯୁକ୍ତଙ୍କ ରିମାଣ୍ଡ ଆବେଦନର ଶୁଣାଣି
  • ||

‘ମୋ ଭାଇ ବିରୋଧରେ ଅପପ୍ରଚାର କଲେ କରିବୁ ଆକ୍ରମଣ’ – ଦକ୍ଷିଣ କୋରିଆକୁ ୟୋ ଜୋଙ୍ଗଙ୍କ ଧମକ

14/06/2020 at 12:29 PM

ପୋଙ୍ଗାୟାଙ୍ଗା ୧୪।୬: ଉତ୍ତର କୋରିଆ ଏବଂ ଦକ୍ଷିଣ କୋରିଆ ମଧ୍ୟରେ ହୋଇଥିବା ବିବାଦ ଥମିବାର ନାଁ ନେଉନାହିଁ । ଏହି ସମୟରେ ଉତ୍ତର କୋରିଆ ପୁଣିଥରେ ଦକ୍ଷିଣ କୋରିଆକୁ ଧମକ ଦେଇଛି । ଉତ୍ତର କୋରିଆର ଏକଛତ୍ରବାଦୀ ଶାସକ କିମ୍ ଜୋଙ୍ଗ ଉନଙ୍କ ଭଉଣୀ କିମ୍ ୟୋ ଜୋଙ୍ଗ ଦକ୍ଷିଣ କୋରିଆକୁ ସାମରିକ କାର୍ଯ୍ୟାନୁଷ୍ଠାନ ପାଇଁ ଧମକ ଦେଇଛନ୍ତି ।

କିମ୍ ଜୋଙ୍ଗ ଉନଙ୍କ ଭଉଣୀ ଦକ୍ଷିଣ କୋରିଆ ବିରୋଧରେ ସାମରିକ କାର୍ଯ୍ୟାନୁଷ୍ଠାନ ପାଇଁ ଧମକ ଦେଇଥିଲେ କାରଣ ସେମାନେ ବିଶ୍ବାସ କରନ୍ତି ଯେ, ସିଓଲ ଦ୍ବିପାକ୍ଷିକ ସମ୍ପର୍କର ଅବନତି ଘଟାଉଛି ଏବଂ ସୀମାରେ ଉତ୍ତର କୋରିଆ ବିରୋଧୀ କାର୍ଯ୍ୟକଳାପ ବନ୍ଦ କରିବାରେ ଅସମର୍ଥ ।

କିମ୍ ୟୋ ଜୋଙ୍ଗ ଦକ୍ଷିଣ କୋରିଆକୁ ଶତ୍ରୁ ବୋଲି କହି କହିଛନ୍ତି ଯେ ସିଓଲ ସୀମାରେ ବେକାର ହୋଇଯାଇଥିବା ଲାଇଜନ କାର୍ଯ୍ୟାଳୟକୁ ଦେଖିବ । ଶାସକ ୱାର୍କର୍ସ ପାର୍ଟିର କେନ୍ଦ୍ରୀୟ କମିଟିର ପ୍ରଥମ ଉପ-ବିଭାଗ ନିର୍ଦ୍ଦେଶକ କିମ୍ କହିଛନ୍ତି ଯେ ଦକ୍ଷିଣ କୋରିଆ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିଷ୍ପତ୍ତି ସାମରିକ ମୁଖ୍ୟଙ୍କ ଉପରେ ଛାଡି ଦିଆଯାଇଛି ।

ଏପିର ଏକ ରିପୋର୍ଟ ଅନୁଯାୟୀ କିମ୍ ୟୋ ଜୋଙ୍ଗ କହିଛନ୍ତି ଯେ, ଆମର ସର୍ବୋଚ୍ଚ ନେତାଙ୍କଠାରୁ ପ୍ରାପ୍ତ ଅଧିକାରକୁ ବ୍ୟବହାର କରୁଥିବାବେଳେ ମୁଁ ଶତ୍ରୁ ବିରୋଧରେ ନିର୍ଣ୍ଣାୟକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଛି ।

ଏହା ପୂର୍ବରୁ କିମ୍ ୟୋ-ଜୋଙ୍ଗ ଦ୍ବାରା ଦକ୍ଷିଣ କୋରିଆକୁ ସେତେବେଳେ ଧମକ ଦେଇଥିଲା ଯେତେବେଳେ ଏଇ ନିକଟରେ ଦୁଇ ଦେଶ ସୀମାରେ ଉତ୍ତର କୋରିଆ ବିରୋଧୀ ପୋଷ୍ଟର ଉତ୍ତୋଳନ କରାଯାଇଥିଲା । ଏହି ସମୟ ଉତ୍ତର କୋରିଆ ବିରୋଧରେ ଗ୍ୟାସ୍ ବେଲୁନ୍ ମଧ୍ୟ ଉଡାଯାଇଥିଲା । ଯେଉଁଥିରେ କିମ୍ ଜୋଙ୍ଗଙ୍କ ବିରୋଧରେ ମନ୍ତବ୍ୟ ଦିଆଯାଇଥିଲା । ଏହା ପରେ ଉତ୍ତର କୋରିଆ କ୍ରୋଧିତ ହୋଇଥିଲା।

ସେହି ସମୟରେ କିମ୍ ଜୋଙ୍ଗ ଏହା ମଧ୍ୟ କହିଥିଲେ ଯେ, ୨୦1୮ରେ ହୋଇଥିବା ସାମରିକ ଚୁକ୍ତି ରଦ୍ଦ କରିଦିଆଯିବ । ସୀମାରେ ଥିବା ଯୋଗାଯୋଗ କାର୍ଯ୍ୟାଳୟ ମଧ୍ୟ ବନ୍ଦ ରହିବ । କିମ୍ ୟୋ ଜୋଙ୍ଗ ଧମକ ଦେଇଥିଲେ ଯେ ଦକ୍ଷିଣ କୋରିଆ ବାରମ୍ବାର ବାହାନା କରିବ ଏବଂ ଯଦି ଏପରି କାର୍ଯ୍ୟକଳାପ ନିୟନ୍ତ୍ରଣ ନହୁଏ ତେବେ ତାଙ୍କୁ ଅଧିକ ମୂଲ୍ୟ ଦେବାକୁ ପଡିବ।

ଖବର ଅନୁଯାୟୀ, ଉତ୍ତର କୋରିଆରକୁ ଲାଗି ରହିଥିବା ଦକ୍ଷିଣ କୋରିଆ ସୀମାରେ ଅନେକ ଥର ବେଲୁନ୍ ଉଡାଯାଇଛି । ଏହି ବେଲୁନ୍ ମାଧ୍ୟମରେ ଏକଛତ୍ରବାଦୀ ଶାସକ କିମ୍ ଜୋଙ୍ଗ ଉନଙ୍କୁ ବିରୋଧ କରାଯାଇଛି ଏବଂ ତାଙ୍କ ବିଷୟରେ ମନ୍ତବ୍ୟ ଦିଆଯାଇଛି । ଅନେକ ଥର କିମ୍ ଜୋଙ୍ଗ ଉନଙ୍କ ଆଣବିକ କାର୍ଯ୍ୟକ୍ରମକୁ ମଧ୍ୟ ବିରୋଧ କରାଯାଇସାରିଛି ।

ସୂଚନାଯୋଗ୍ୟ ଯେ, ଉତ୍ତର କୋରିଆର ଶାସକ କିମ୍ ଜୋଙ୍ଗ ଉନଙ୍କ ଭଉଣୀ କିମ୍ ୟୋ ଜୋଙ୍ଗଙ୍କୁ ଦେଶର ଦ୍ବିତୀୟ ଗୁରୁତ୍ବପୂର୍ଣ୍ଣ ଚେହେରା ଭାବେ ବିବେଚନା କରାଯାଏ । କିମ୍ ୟୋଙ୍ଗ ମଧ୍ୟ ଦେଶ ବାହାରେ ଅନେକ ଥର ଉତ୍ତର କୋରିଆର ପ୍ରତିନିଧିତ୍ବ କରିଛନ୍ତି ।

କିମ ଜୋଙ୍ଗ ଉନଙ୍କ ଦେଶ ତଥା ବିଶ୍ବରେ ନିଜର ଯେଉଁ ଭାବମୂର୍ତ୍ତି ତିଆରି କରିଛନ୍ତି ସେଥିରେ ତାଙ୍କ ଭଉଣୀଙ୍କ ଅବଦାନ ରହିଛି ବୋଲି ବିବେଚନା କରାଯାଏ । ୨୦୧୮ରେ ଦକ୍ଷିଣ କୋରିଆରେ ଶୀତକାଳୀନ ଅଲିମ୍ପିକ୍ସ ସମୟରେ କିମ୍ ୟୋ ଜୋଙ୍ଗ ଉତ୍ତର କୋରିଆର ପ୍ରତିନିଧିତ୍ବ କରିଥିଲେ।

ଉତ୍ତର କୋରିଆର ସାମରିକ ଅଭ୍ୟାସକୁ ଯେତେବେଳେ ଦକ୍ଷିଣ କୋରିଆ ବିରୋଧ କରିଥିଲା, ତେବେ କିମ ୟୋ ଜୋଙ୍ଗ ପ୍ରଥମ ଥର ପାଇଁ ଏକ ବିବୃତ୍ତି ଦେଇ କହିଥିଲେ ଯେ ଦକ୍ଷିଣ କୋରିଆ ‘ଭୟଭୀତ କୁକୁର ପରି ଭୁକୁଛି’ ।

   Related Posts