ଭୁବନେଶ୍ବର୧୩|୭: କିଡନି ରୋଗୀ ଏବେ ପାଇପାରିବେ ଏମସ ରେ ଡାଇଲେସିସ ସୁବିଧା । ଆସନ୍ତା ୧୫ ତାରିଖ ରେ ଅନୁଷ୍ଠିତ ହେବ ଏମସର ସପ୍ତମ ଭିତିପ୍ରସ୍ତର ସ୍ଥାପନ ଦିବସ ସମାରୋହ ।ଏହି ଅବସରରେ ଉଦଘାଟିତ ହେବ ଅତ୍ୟାଧୁନିକ ଡାଏଲିସିସ ୟୁନିଟ ଓ ୧୪ ଟି ମୋଡୁଲାର ଓଟି ।
ଏଥିସହ ଏମଆରଆଇ ପାଇଁ ଅତ୍ୟାଧୁନିକ ଟେସଲା ମେସିନ ମଧ୍ୟ ଉଦଘାଟିତ ହେବ । ଏହି ମେସିନ ଲାଗିଲେ ରୋଗୀ ଅତ୍ୟାଧୁନିକ ସେବା ସହ ଅଧିକ ରୋଗୀ ଏମଆରଆଇ ସେବା ପାଇ ପାରିବେ । ତେବେ ଏଠାରେ ସମସ୍ତ ସୁପରସ୍ପେସିଆଲିଟି ସେବା ଆରମ୍ଭ ହୋଇଥିଲେ ମଧ୍ୟ ନେଫ୍ରୋଲୋଜି ବିଭାଗ ଖୋଲି ପାରିନଥିଲା । ହେଲେ ଏବେ ଏ ସବୁ ସମସ୍ୟାର ସମାଧାନ ହେବ ।
ତେବେ ଯଦି ଓଟି କାମ ୧୫ ସୁଦ୍ଧା ସଂପୁର୍ଣ ହୁଏ ତେବେ ଶୁଭାରମ୍ଭ ହେବ ନହେଲେ ୨୧ ରେ ଏ ହା ଖୋଲିବ ବୋଲି ସୁଚନା ଦେଇଛନ୍ତି ଏମସ ଭୁବନେଶ୍ବରର ଡାଇରେକ୍ଟର । ତେବେ ଏହି ଉତ୍ସବ ଅବସରରେ ଦୁଇଦିନ ଧରି ବିଭିନ୍ନ କାର୍ଯ୍ୟକ୍ରମ କରାଯିବ ।ମୁଖ୍ୟତଃ ବାଲେଶ୍ବର ଓ ମେଣ୍ଡାଶାଳ ଠାରେ ଏକ ମେଗା ହେଲଥ କ୍ୟାମ୍ପ ଓ ବୃକ୍ଷ ରୋପଣ କରାଯିବା କାର୍ଯ୍ୟକ୍ରମ ରହିଥିବା ସୁଚନା ଦେଇଛନ୍ତି ଭୁବନେଶ୍ବର ,ଏମସର ନିର୍ଦେଶକ ।