Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାରେ ଅଧିକ ପ୍ରଭାବିତ ୧୦୦ ଜିଲ୍ଲାର କଲେକ୍ଟରଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||
  • ଶ୍ରୀମନ୍ଦିର ବନ୍ଦ, ସେବାୟତ ପରିବାରଙ୍କୁ ୧୦ ହଜାର ଟଙ୍କା ଲେଖାଏଁ ସହାୟତା ପ୍ରଦାନ କଲା ଶ୍ରୀ ମନ୍ଦିର ପ୍ରଶାସନ
  • ||
  • କୋଭିସିଲ୍ଡର ଦୁଇ ଡୋଜ୍ ମଧ୍ୟରେ ବ୍ୟବଧାନ ରହିବ ୧୨ ରୁ ୧୬ ସପ୍ତାହ, ପ୍ରସ୍ତାବକୁ ସ୍ଵୀକାର କଲେ କେନ୍ଦ୍ର ସରକାର
  • ||
  • କରୋନା ଲଢେଇରେ ମିଳିଲା ତୃତୀୟ ଅସ୍ତ୍ର ! ଆଗାମୀ ସପ୍ତାହରେ ବଜାରରେ ମିଳିବ ସ୍ପୁଟନିକ୍-ଭି, ଜୁଲାଇରେ ଦେଶରେ ଆରମ୍ଭ ହେବ ଉତ୍ପାଦନ
  • ||
  • ପାଟନା : ମେ’ ୨୫ ଯାଏଁ ରାଜ୍ୟରେ ବଢିଲା ଲକ୍‌ଡାଉନ୍, ବିହାର ମୁଖ୍ୟମନ୍ତ୍ରୀ କଲେ ଘୋଷଣା
  • ||
  • ମୁମ୍ବାଇ : ଟିଭି ଅଭିନେତା ରାଜୀବ ପାଲ୍ କରୋନା ସଂକ୍ରମିତ, ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ବାଜା, ବାଣ, ବରଯାତ୍ରୀ ବିନା ବାହାଘର, ବାଇକ୍‌ରେ କନ୍ୟାକୁ ସାଙ୍ଗରେ ନେଇ ଘରକୁ ଫେରିଲେ ବର
  • ||
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||

ସୁବର୍ଣ୍ଣପୁରରେ କିଡ଼ନୀ ରୋଗ ଆତଙ୍କ ; ୧୫ରୁ ଅଧିକ ଆକ୍ରାନ୍ତ

18/06/2018 at 10:09 AM

ସୁବର୍ଣ୍ଣପୁର ଜିଲ୍ଲାର ଉପାନ୍ତ ଅଂଚଳ ଦାଦରପାଲି ଗ୍ରାମରେ କିଡନୀ ରୋଗର ଆତଙ୍କ । ବିଗତ ୭ ବର୍ଷ ହେଲା କିଡନୀ ରୋଗରେ ପଡି ୧୦ ଜଣଙ୍କ ମୃତ୍ୟୁ ହୋଇଥିବା ବେଳେ ବର୍ତମାନ ଆହୁରୀ ୧୫ରୁ ଉର୍ଦ୍ଧ ଲୋକ କିଡନୀ ରୋଗରେ ଆକ୍ରାନ୍ତ ହୋଇଛନ୍ତି । ଏନେଇ ବାରମ୍ବାର ଜିଲ୍ଲା ପ୍ରଶାସନର ଦୃଷ୍ଟି ଆକର୍ଷଣ କରାଯାଇଥିଲେ ମଧ୍ୟ ଜିଲ୍ଲା ପ୍ରଶାସନ ଚୁପ ରହିଥିବା ଅଭିଯୋଗ ହୋଇଛି । ଫଳରେ ଅସୁଦ୍ଧ ପାଣି ପିଇବାକୁ ବାଧ୍ୟ ହୋଇ ଲୋକେ ଭାଗ୍ୟକୁ ଆଦରି ପଡିରହିଛନ୍ତି ।
ଏ ହେଉଛି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଦାଦରପାଲି ଗାଁ । ପ୍ରାୟ ୨୦୦୦ ଜନସଂଖ୍ୟା ବିଶିଷ୍ଟ ଏହି ଗାଁରେ ମାତ୍ର ୩ ଟି ନଳକୂପ ରହିଛି । ହେଲେ ଗୋଟିଏ ବି ନଲକୂପର ପାଣି ପିଇବା ଯୋଗ୍ୟ ହୋଇପାରି ନାହିଁ । ଲୋକେ ବାଧ୍ୟ ହୋଇ ନଳକୂପର ଅଶୁଦ୍ଧ ପାଣି ପିଉଛନ୍ତି । ଉପାନ୍ତ ଅଂଚଳ ହୋଇଥିବାରୁ ଏହି ଗାଁଟି ଜିଲ୍ଲା ପ୍ରଶାସନର ଦୃଷ୍ଟି ଆଢୁଆଳରେ ରହୁଥିବା ଅଭିଯୋଗ ହୋଇଛି । ବିଗତ ୭ ବର୍ଷ ହେଲା ଏହି ଗାଁରେ କିଡନୀ ରୋଗ ଆତଙ୍କ ଖେଳାଇ ଚାଲିଛି । ଏହି ରୋଗରେ ପଡି ଗାଁର ପ୍ରାୟ ୧୦ ଜଣ ମୃତ୍ୟୁ ମୂଖରେ ପଡିଲେଣି । ବର୍ତମାନ ମଧ୍ୟ ଆହୁରୀ ୧୫ ଜଣ ଆକ୍ରାନ୍ତ ରହିଛନ୍ତି । ଗରିବ ଅସହାୟ ଲୋକଙ୍କ ଚିକିତ୍ସା ପାଇଁ ଅର୍ଥ ବାଧକ ସାଜିଥିବା ବଳେ ଯାହା ଥିଲା ସବୁ ବନ୍ଦକ ପକାଇ ଲୋକେ ସର୍ବସ୍ୱାନ୍ତ ହେଲେଣି ।
ଦାଦରପାଲି ଗାଁର ଏହି କିଡନୀ ରୋଗ ବାବଦକୁ ନେଇ ଗ୍ରାମବାସୀ ବାରମ୍ବାର ଜିଲ୍ଲା ପ୍ରଶାସନର ଦ୍ବାରସ୍ଥ ହୋଇଛନ୍ତି । ହେଲେ ଜିଲ୍ଲା ପ୍ରଶାସନ ତରଫରୁ ଆଜି ପର୍ଯ୍ୟନ୍ତ କୌଣସି ଆଖି ଦୃଶିଆ ପଦକ୍ଷେପ ଗ୍ରହଣ କରାଯାଇନାହିଁ । ବିଗତ ବର୍ଷ ଜିଲ୍ଲା ସ୍ବାସ୍ଥ୍ୟ ବିଭାଗ ତରଫରୁ ଏକ ଟିମ ଆସି ପାଣିର ସାମ୍ପୁଲ ନେଇ ଥିଲା । ହେଲେ ଏ ପର୍ଯ୍ୟନ୍ତ କୌଣସି ରିପୋର୍ଟ ମିଳିପାରି ନାହିଁ । ତେବେ ସ୍ବାସ୍ଥ୍ୟ ବିଭାଗର ଖାମଖିଆଲି ପାଇଁ ଆଜି ଦାଦରପାଲି ଗାଁ ଲୋକେ ଜୀବନ ସହ ସଂଗ୍ରାମ କରୁଛନ୍ତି । ଅପର ପକ୍ଷରେ ଦାଦରପାଲି ଗାଁରେ ବଢିଚାଲିଥିବା କିଡନୀ ରୋଗର ପ୍ରକୋପକୁ ରୋକିବାରେ ତୁରନ୍ତ ପଦକ୍ଷେପ ଗ୍ରହଣ କରାଯିବ ବୋଲି ଚିରାଚରିତ ଭାବରେ ଉତର ରଖିଛନ୍ତି ସ୍ଥାନୀୟ ସିଡିଏମଓ ।

   Related Posts