Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ପାଇଁ ଗ୍ଲୋବାଲ୍‌ ଟେଣ୍ଡର: ୧୯ ସଦସ୍ୟଙ୍କୁ ନେଇ ଗଠନ ହେଲା କମିଟି
  • ||
  • ଭୁବନେଶ୍ବରରେ ବଢୁଛି ସଂକ୍ରମଣ, ୨୪ ଘଣ୍ଟାରେ ୯୬୨ ଆକ୍ରାନ୍ତ ଚିହ୍ନଟ
  • ||
  • ନୂଆଦିଲ୍ଲୀ : କରୋନାର ସାମାନ୍ୟ ଲକ୍ଷଣ ଥିବା ରୋଗୀଙ୍କ ପାଇଁ ଉପଯୋଗୀ ଆୟୁଷ-୬୪, ଏହି କେନ୍ଦ୍ରରେ ମିଳୁଛି ମାଗଣାରେ
  • ||
  • ଶାମଲୀ : ଲଜ୍ଜାଜନକ ଦୃଶ୍ୟ, ଅଳିଆ ବୁହା ଗାଡିରେ ଶ୍ମଶାନଘାଟ ଗଲା ମହିଳାଙ୍କ ମୃତଦେହ
  • ||
  • ଟିକା ପାଇଁ ହେବ ଗ୍ଲୋବାଲ୍‌ ଟେଣ୍ଡର, ରାଜ୍ୟ କ୍ୟାବିନେଟ୍ ବୈଠକରେ ନିଷ୍ପତ୍ତି
  • ||
  • ନୂଆଦିଲ୍ଲୀ : ରାହୁଲ ଭୋରାଙ୍କ ମୃତ୍ୟୁ ପରେ ପତ୍ନୀ ସେୟାର କଲେ ଯନ୍ତ୍ରଣାଦାୟକ ଭିଡିଓ… କେମିତି ଅକ୍ସିଜେନ୍ ଟିକିଏ ପାଇଁ ହେଉଥିଲେ ଛଟପଟ
  • ||
  • ମଥୁରା : କରୋନାରେ ହେମାମାଳିନୀଙ୍କ ବ୍ୟକ୍ତିଗତ ସଚିବଙ୍କ ମୃତ୍ୟୁ, ଟ୍ବିଟ୍ କରି ଅଭିନେତ୍ରୀ ଦେଲେ ଶ୍ରଦ୍ଧାଞ୍ଜଳି
  • ||
  • ଭୁବନ : ଦୀର୍ଘ ୭ଘଣ୍ଟା ବନ୍ଦ ଘରେ ପଡିରହିଲା ମୃତଦେହ, କରୋନା ସଂକ୍ରମଣ ଆଶଙ୍କାରେ ପାଖ ମାଡିଲେନି ପରିବାର
  • ||
  • ବଲାଙ୍ଗୀର : ରୋଗୀଙ୍କୁ ଲାଞ୍ଚ ମାଗିବା ପଡିଲା ମହଙ୍ଗା, SDMOଙ୍କୁ ସୋ-କଜ୍ ନୋଟିସ୍ ପରେ ପଠାଗଲା ଡେପୁଟେସନରେ, ସ୍ବାସ୍ଥ୍ୟକର୍ମୀ ସସ୍‌ପେଣ୍ଡ
  • ||
  • ହାଇଦ୍ରାବାଦ : ଅକ୍ସିଜେନ୍ ଟ୍ୟାଙ୍କର ଡ୍ରାଇଭର ଭୁଲିଗଲା ହସ୍ପିଟାଲ ରାସ୍ତା, ଅକ୍ସିଜେନ୍ ଅଭାବରୁ ଚାଲିଗଲା ୭ କରୋନା ରୋଗୀଙ୍କ ଜୀବନ
  • ||

ଅପହୃତ ଦୁଇ ନାବାଳିକାଙ୍କ ମଧ୍ୟରୁ ଜଣେ ଖସି ଆସିଲା ଓ ଥାନାରେ ଅଭିଯୋଗ କଲା , ପରଦିନ ଆତ୍ମହତ୍ୟା କରିଦେଲା: ଏ ଯାଏଁ ମିଳିନି ଆଉ ଜଣଙ୍କ ପତ୍ତା

14/02/2019 at 7:19 PM

କଟକ୧୪|୨:କଟକ ସିଡିଏ ଅଞ୍ଚଳର କାଠଯୋଡିବିହାରର ମୁଣ୍ଡାସାହି ବସ୍ତିରୁ ଅପହରଣ ହୋଇଥିବା ଦୁଇ ନାବାଳିକା ଭଉଣୀଙ୍କ ମଧ୍ୟରୁ ଜଣେ ଫେରି ଆତ୍ମହତ୍ୟା କରିଥିବା ବେଳେ ଏବେବି ଜଣେ ନିଖୋଜ ରହିଛି । ତେବେ ପୁଲିସ ଏପର୍ଯ୍ୟନ୍ତ ନିଖୋଜ ଭଉଣୀଙ୍କୁ ଉଦ୍ଧାର କରିପାରିନଥିବା ବେଳେ ଦୋଷୀକୁ ମଧ୍ୟ ଗିରଫ କରିପାରି ନାହିଁ ।ତେବେ ସ୍ଥାନୀୟ ଅଞ୍ଚଳର ଜଣେ ଯୁବକ ଦୁଇ ଭଉଣୀଙ୍କୁ ଗତ ୪ ଦିନ ତଳେ ଅପହରଣ କରିଥିବା ତାଙ୍କ ମା ଅଭିଯୋଗ କରିଛନ୍ତି…..

କଟକ ସିଡିଏ କାଠଯୋଡି ବସ୍ତିରେ ଚାଞ୍ଚଲ୍ୟ । ଅପହୃତ ଦୁଇ ନାବାଳିକା ଭଉଣୀଙ୍କ ମଧ୍ୟରୁ ଜଣେ ଦୁର୍ବୃତ୍ତଙ୍କ କବଳରୁ ଖସିଆସି ଜୀବନ ହାରିଛି । ବଡ଼ର ଏଯାଏ ପତ୍ତା ମିଳିନି । ଗତ ସପ୍ତାହରେ ଦୁଇ ନାବାଳିକାଙ୍କୁ ଅପହରଣ କରିଥିଲେ ଦୁର୍ବୃତ୍ତ । ଶନିବାର ଏନେଇ ମର୍କତନଗର ଥାନାରେ ଅଭିଯୋଗ କରିଥିଲେ ପରିବାରଲୋକେ । ହେଲେ ପୋଲିସ ଏହାକୁ ଗୁରୁତର ସହ ନେଇ ନଥିଲା । ତେବେ ସାନ ଭଉଣୀ କୌଣସିମତେ ଅପହର୍ତ୍ତାଙ୍କ କବଳରୁ ଖସି ଆସି ମଙ୍ଗଳବାର ସନ୍ଧ୍ୟାରେ ଘରେ ପହଞ୍ଚିଥିଲା । ମା ସହ ଥାନାକୁ ଯାଇ ଅଭିଯୋଗ କରିଥିଲା । ପୋଲିସ ତାଙ୍କଠାରୁ ବୟାନ ରେକର୍ଡ କରିଥିଲା। ପରଦିନ ସକାଳୁ କିନ୍ତୁ ନାବାଳିକାର ମୃତଦେହ ଘରେ ଝୁଲୁଥିବା ଅବସ୍ଥାରେ ମିଳିଥିଲା । ଦୁଇ ଭଉଣୀଙ୍କ କ୍ଷେତ୍ରରେ କ’ଣ ଘଟିଛି ?  ଥାନାରୁ ଫେରିବା ପରେ ସାନ ଭଉଣୀ କାହିଁକି ଏପରି ଚରମ ପଦକ୍ଷେପ ନେଲେ ? ତାହା ସବୁଠାରୁ ବଡ଼ ପ୍ରଶ୍ନ ହୋଇଥିବା ବେଳେ ପୋଲିସ ଆଡକୁ ଅଙ୍ଗୁଳି ଉଠାଇଛନ୍ତି ନାବାଳିକାଙ୍କ ମାଆ ।

ସେପଟେ ପୋଲିସର ନିଷ୍କ୍ରିୟତାକୁ ନେଇ ଆନ୍ଦୋଳନକୁ ଓହ୍ଲାଇଛି ବିଜେପି । କଟକ ନଗର ବିଜେପି ଓ ମହିଳା ମୋର୍ଚ୍ଚା ପୀଡିତାଙ୍କ ପରିବାରକୁ ଭେଟିବା ସହ ମର୍କତନଗର ଥାନା ଘେରାଉ କରିଥିଲେ ।୨୪ ଘଣ୍ଟା ଭିତରେ ଅଭିଯୁକ୍ତଙ୍କୁ ଗିରଫ କରି ଅପହୃତ ନାବାଳିକାକୁ ଉଦ୍ଧାର କରିବା ପାଇଁ ବିଜେପି ପକ୍ଷରୁ ଦାବି ହୋଇଛି ।

ପୋଲିସ ଘଟଣା ସଂପର୍କରେ କୌଣସି ପ୍ରତିକ୍ରିୟା ଦେବାକୁ ମନା କରିଦେଇଛି । ନିଖୋଜ ଥିବା ନାବାଳିକା ଉଦ୍ଧାର ପରେ ହିଁ ପ୍ରକୃତ ଘଟଣା କ’ଣ ତାହା ଉପରୁ ପରଦା ହଟିପାରିବ ।

   Related Posts