ଖୋର୍ଦ୍ଧା ୬।୮: ଖୋର୍ଦ୍ଧା ଏସପିଙ୍କୁ କରୋନା । ଏସପି ଅଜୟ ପ୍ରତାପ ସ୍ବାଇଁଙ୍କ କରୋନା ଟେଷ୍ଟ ରିପୋର୍ଟ ପଜିଟିଭ୍ ଆସିଥିବା ଜଣାପଡିଛି । ସ୍ବାବ୍ ଟେଷ୍ଟରୁ ସେ କରୋନା ପଜିଟିଭ୍ ଥିବା ସୂଚନା ମିଳିଛି ।

ସୂଚନା ଅନୁସାରେ ଗତ କିଛିଦିନ ତଳେ ଜିଲ୍ଲା ପୋଲିସର ଜଣେ କର୍ମଚାରୀ କରୋନା ପଜିଟିଭ୍ ଚିହ୍ନଟ ହୋଇଥିଲେ । ଏହାପରେ ତାଙ୍କ ସଂସ୍ପର୍ଶରେ ଆସିଥିବା ସମସ୍ତ ପୋଲିସ କର୍ମଚାରୀ ଓ ଅଧିକାରୀମାନଙ୍କ ସ୍ୱାବ୍ ସଂଗ୍ରହ କରାଯାଇଥିଲା । ଏସପି ଅଜୟ ପ୍ରତାପ ସ୍ବାଇଁଙ୍କଠାରେ କରୋନାର କୌଣସି ଲକ୍ଷଣ ଦେଖାଯାଇନଥିଲେ ହେଁ ତାଙ୍କ ରିପୋର୍ଟ ପଜିଟିଭ ଆସିଛି । ଡାକ୍ତରଙ୍କ ପରାମର୍ଶ କ୍ରମେ ସେ ହୋମ୍ ଆଇସୋଲେସନରେ ରହିଛନ୍ତି । ଯଦି ଆବଶ୍ୟକ ପଡେ ତାଙ୍କୁ କୋଭିଡ୍ କେୟାର ହସ୍ପିଟାଲକୁ ସ୍ଥାନାନ୍ତର କରାଯିବ ବୋଲି ଜଣାପଡ଼ିଛି ।

ଏହା ପୂର୍ବରୁ ଜିଲ୍ଲାର ପାଖାପାଖି ୨୫ ପୋଲିସ କର୍ମଚାରୀଙ୍କୁ କରୋନା ସଂକ୍ରମିତ ହୋଇସାରିଛି । ଫଳରେ ଏ ନେଇ ଏସ୍‌ପି ଅଫିସକୁ ସାନିଟାଇଜ୍ କରାଯାଇଛି । ଏସ୍‌ପିଙ୍କ ସଂସ୍ପର୍ଶରେ ଆସିଥିବା ସମସ୍ତ କର୍ମଚାରୀ ଓ ପରିବାରଲୋକଙ୍କ  ସ୍ବାବ୍ ନମୁନା ସଂଗ୍ରହ କରାଯିବ । ରିପୋର୍ଟ ଆସିବା ପର୍ଯ୍ୟନ୍ତ ତାଙ୍କ ସଂସ୍ପର୍ଶରେ ଆସିଥିବା ସମସ୍ତ କର୍ମଚାରୀଙ୍କୁ ଘରେ ରହିବାକୁ କୁହାଯାଇଥିବା ସୂଚନା ମିଳିଛି ।

wp:html

After undergoing the Swab test for #COVID19, my younger brother Shri Ajeya Pratap Swain ( @spkhordha ) got tested, in which the report came positive.

He has been advised by the doctor to keep himself under home isolation.
I pray for his speedy recovery.

— Ranendra Pratap Swain (@rajaaswain) August 6, 2020

/wp:html