ରାଜଧାନୀରୁ ଦେଶୀ ପିସ୍ତଲ ସହ ସନ୍ଦିଗ୍ଧ ଅପରାଧି ଗିରଫ
Published By : Prameya-News7 Bureau | November 10, 2018 IST
ଭୁବନେଶ୍ୱର ୧୦/୧୧: କମିଶନରେଟ ପୋଲିସର କୁଇକ୍ଆକ୍ସନ ଟିମ ସହାୟତାରେ ଖାରବେଳ ନଗର ପୋଲିସ ଜଣେ ସନ୍ଦଗ୍ଧ ଅପରାଧିକୁ ଗିରଫ କରିଛି । ତା ଠାରୁ ଗୋଟିଏ ଦେଶୀ ପିସ୍ତଲ ଓ ତିନି ରାଉଣ୍ଡ ଅଫୁଟା ଗୁଳି ଜବତ ହୋଇଛି । ବିଶ୍ୱସ୍ତ ସୂତ୍ରରୁ ଖବର ପାଇ ପୋଲିସ ଇଂଷ୍ଟିଚ୍ୟୁଟ ଅଫ ଇଂଜିନିୟର୍ସ ନିକଟରେ ଏକ ମାରୁତି କାର୍ରେ ଯାଉଥିବା ଏହି ଅପରାଧିକୁ ଧରିଥିଲା । ଧରାପଡ଼ିଥିବା ଅପରାଧିର ନାଁ ଇବ୍ରାହିମ ଖାନ (୩୫) । ତା’ର ଘର ପିପିଲିରେ ବୋଲି ଜଣାପଡ଼ିଛି । କୌଣସି ଏକ ଅପରାଧ ଘଟାଇବା ଲାଗି ସେ ଏହି ଦେଶୀ ପିସ୍ତଲ ନେଇ ଯାଉଥିବା ପୋଲିସ ସନ୍ଦେହ କରୁଛି । ଇବ୍ରାହିମକୁ ପୋଲିସ ଅଧିକ ପଚରାଉଚରା କରୁଛି ।
[gallery ids="55216,55217,55218"]