Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ବଳାତ୍କାରୀଙ୍କ ଭୟରେ ଚଳନ୍ତା ଅଟୋରୁ ଡେଇଁପଡିଲେ ମହିଳା

3/06/2020 at 1:56 PM

ଭୁବନେଶ୍ୱର ୦୩।୦୬ : କରୋନା ଯୋଦ୍ଧା ସାଜିଥିବା ପୁଲିସ୍‌କୁ ଏବେ ଚାରିଆଡୁ ପ୍ରଶଂସା ମିଳୁଛି । ହେଲେ କିଛି କର୍ମଚାରୀଙ୍କ ପାଇଁ ଖାକି ପୋଷାକରେ କଳଙ୍କ ଲାଗୁଛି । ପୂରା ପୁଲିସ ବାହିନୀ ବଦନାମ୍‌ ହେଉଛି । ଏହି ତାଲିକାରେ ପୁଣି ଜଣେ କନ୍‌ଷ୍ଟେବଲଙ୍କ ନାଁ ଯୋଡ଼ି ହୋଇଛି । ପୁଲିସଠୁ ସୁରକ୍ଷା ମାଗିବାକୁ ଯାଇଥିବା ଜଣେ ମହିଳାଙ୍କୁ କନ୍‌ଷ୍ଟେବଲ ଜଣଙ୍କ ୨ ସାଙ୍ଗଙ୍କ ସହ ମିଶି ଅପହରଣ ଓ ଦୁଷ୍କର୍ମ ଉଦ୍ୟମ କରିଥିବା ଅଭିଯୋଗ ହୋଇଛି । ଘଟଣା ଘଟିଛି ସହିଦନଗର ଅଞ୍ଚଳରେ । ଅଭିଯୁକ୍ତ କନ୍‌ଷ୍ଟେବଲ ହେଲେ ଦଶରଥ ନାୟକ । ସେ ଓଡି଼ଶା ଆର୍ମଡ୍‌ ପୁଲିସ ଫୋର୍ସ (ଓଏପିଏଫ୍‌)ରେ ୩ ବର୍ଷ ହେଲା ଚାକିରି କରିଛନ୍ତି । ଏବେ ଖଣ୍ଡଗିରି ଥାନାର ପିସିଆର୍‌ରେ ଡ୍ୟୁଟି କରୁଛନ୍ତି । ଅନ୍ୟ ୨ ଅଭିଯୁକ୍ତ ହେଲେ ପାତ୍ରପଡ଼ାର ଶ୍ରୀକାନ୍ତ ରାଉତ ଓ କାଳୁ ବାରିକ । ଏମାନଙ୍କ ବିରୋଧରେ ସହିଦନଗର ଥାନା ଅଧୀନ ମହର୍ଷି କଲେଜ ନିକଟରେ ରହୁଥିବା ଜଣେ ମହିଳା ଅଭିଯୋଗ କରିଛନ୍ତି ।

ମହିଳାଙ୍କ ଅଭିଯୋଗ ମୁତାବକ, ତାଙ୍କ ସ୍ୱାମୀ କୌଣସି କାରଣକୁ ନେଇ ରବିବାର ରାତିରେ ମାରଧର କରି ଘରୁ ତଡ଼ି ଦେଇଥିଲେ । ଅସହାୟ ମହିଳା ଜଣକ ପୁଲିସ୍‌କୁ ସୁରକ୍ଷା ମାଗିବାକୁ ଚାଲି ଚାଲି ସହିଦନଗର ଥାନାକୁ ଯାଉଥିଲେ । ବାଟରେ ୩ ଅଭିଯୁକ୍ତ ତାଙ୍କୁ ଅଟକାଇ ଥିଲେ । ନିଜକୁ ପୁଲିସ ପରିଚୟ ଦେଇ ଥାନାକୁ ନେବା ବାହାନାରେ ଅଟୋରେ ବସାଇ ଥିଲେ । ପରେ ବିଭିନ୍ନ ସ୍ଥାନ ବୁଲାଇବା ସହ ଅସଦାଚରଣ କରିଥିଲେ । ମହିଳାଙ୍କ ସନ୍ଦେହ ହେବାରୁ ତମାଣ୍ଡୋ ଠାରେ ସେ ଅଟୋରୁ ଡେଇଁ ପଡିଥିଲେ ।

ଏନେଇ ସେ ସହିଦନଗର ଥାନାରେ ଅଭିଯୋଗ କରିଛନ୍ତି । ପୁଲିସ ଘଟଣାର ତଦନ୍ତ କରି ୩ ଅଭିଯୁକ୍ତଙ୍କୁ ଗିରଫ କରିଛି । ସେମାନଙ୍କ ବିରୋଧରେ ୩୬୫ (ଅପହରଣ), ୩୫୪ (ନାରୀଙ୍କ ଇଜ୍ଜତ ଉପରେ ବଳପୂର୍ବକ ଆଘାତ), ୩୪୨ (ଅନ୍ୟାଯ୍ୟ ଅବରୋଧ ନିମନ୍ତେ ଦଣ୍ଡ) ଓ ୩୪ ଆଇପିସି ଦଫା ଲଗାଇଛି । ଆଜି ମହିଳାଙ୍କୁ ଥାନାକୁ ଡାକି ବୟାନ ରେକର୍ଡ କରାଇଛି । ସମସ୍ତ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଛି । ଆସନ୍ତାକାଲି ସେଠାରେ ୩ ଅଭିଯୁକ୍ତଙ୍କ ଟିଆଇ ପରେଡ୍‌ କରାଯିବ ବୋଲି ପୁଲିସ କହିଛି ।

   Related Posts