କନ୍ଧମାଳ, ୦୫/୧୦: ଖଜୁରୀପଡ଼ା ଥାନା ଅଧିକାରୀ ନିଲମ୍ୱିତ । ମଦ ପିଇ ଲୋକଙ୍କ ଉପରେ ଜୁଲମ କରିବା ଆଇଆଇସି ରମାକାନ୍ତ ପାତ୍ରଙ୍କୁ ମହଙ୍ଗା ପଡିଲା । ଆଜି ତାଙ୍କୁ ଚାକରିରୁ ସସ୍ପେଣ୍ଡ କରିଛନ୍ତି ପୋଲିସ ଡିଜି ଅଭୟ । ଗତ ରବିବାର ରାତିରେ ଆଇଆଇସି ପାତ୍ର ବଜାରରେ ମଦ ପିଇ ପାଟି ତୁଣ୍ଡ କରି ଲୋକଙ୍କୁ ପିଟାପିଟି କରିଥିଲେ । ଫଳରେ ଉତ୍ୟକ୍ତ ଲୋକେ ଦୋକାନବଜାର ବନ୍ଦକରି ରାସ୍ତା ଅବରୋଧ କରିଥିଲେ ।
ଏହିଘଟଣା ପରେ କନ୍ଧମାଳ ଏସପି ଥାନା ଅଧିକାରୀ ପାତ୍ରଙ୍କୁ ଫୁଲବାଣୀ ଏସପି ଅଫିସକୁ ବଦଳି କରିଥିଲେ । ଆଜି ପୋଲିସ ଡିଜି ଅଭୟ କଡ଼ା କାର୍ଯ୍ୟନୁଷ୍ଠାନ ଗ୍ରହଣ କରିଛନ୍ତି। ଶୃଙ୍ଖଳିତ ବିଭାଗରେ କାର୍ଯ୍ୟ କରିବା ସ୍ଥାନରେ ବିଶୃଙ୍ଖଳିତ ଆଚରଣ ପାଇଁ ତାଙ୍କ ବିରୋଧରେ ଡିଜି ଏହି କାର୍ଯ୍ୟନୁଷ୍ଠାନ ଗ୍ରହଣ କରିଥିବା ଜଣାପଡିଛି ।
