ଭୁବନେଶ୍ୱର ୧୨।୦୮: ବ୍ୟାପକ ପରିମାଣର ଚୋରା ପିଡିଏସ କିରୋସିନ୍ ଜବତ ହୋଇଛି । ସେହିପରି କିରୋସିନି ଚୋରା କାରବାର ଅଭିଯୋଗରେ ୪ଜଣ ବେପାରୀଙ୍କ ମଧ୍ୟ ଗିରଫ କରାଯାଇଛି । କଟକ ମଙ୍ଗୁଳି ଛକରେ ଥିବା ଏକ ଗ୍ୟାରେଜରୁ ୪୨ ହଜାର ଲିଟର କିରୋସିନି ଜବତ କରିଛି କ୍ରାଇମବ୍ରାଞ୍ଚର ଏସଟିଏଫ ଟିମ୍ ।
{"id":313314,"sizeSlug":"large"}
ସୂଚନାଯୋଗ୍ୟ ଯେ, କ୍ରାଇମ୍ବ୍ରାଞ୍ଚ ଏସ୍ଟିଏଫ୍ ଟିମ୍ ଚୋରାକାରବାର ଖବରର ସୂଚନା ପାଇ କଟକ ମଙ୍ଗୁଳି ଛକରେ ଥିବା ଏକ ଗ୍ୟାରେଜରେ ଚଢାଉ କରିଥିଲା । ଚଢାଉରେ ୪୨ହଜାର ଲିଟର କିରୋସିନ ଜବତ ହୋଇଛି । ଘଟଣାରେ ୪ଜଣଙ୍କ ମଧ୍ୟ ଗିରଫ କରାଯାଇଛି । ସେହିପରି ସେମାନଙ୍କ ନିକଟରୁ୯ ଟି କିରୋସିନି ବୋଝେଇ ଟାଙ୍କି ଟ୍ରକ, ୩୦ ହଜାର ଟଙ୍କା ସହିତ ଏକ କାର ଜବତ କରାଯାଇଛି । ଗିରଫ ୪ ଜଣ ହେଲେ ମନୋରଞ୍ଜନ ବେହେରା, ରଞ୍ଜନ ବେହେରା, ନିରାକାର ବେହୁରା ଓ ରଞ୍ଜନ ସାମଲ ଥିବା ଏସଟିଏଫ ସୁଚନା ଦେଇଛି ।
