Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେଷ୍ଟ ପରେ ଓ୍ବାନ୍‌ ଡେ’ ସିରିଜ୍‌ କବ୍‌ଜା କଲା ଦକ୍ଷିଣ ଆଫ୍ରିକା, ଦ୍ବିତୀୟ ଦିନିକିଆରେ ଟିମ୍‌ ଇଣ୍ଡିଆ ୭ ଓ୍ବିକେଟରେ ଧରାଶୟୀ, ଭାରତ ୨୮୭/୬(୫୦ ଓଭର), ଦକ୍ଷିଣ ଆଫ୍ରିକା ୨୮୮/୩ (୪୮.୧ଓଭର)
  • ||
  • ରାଜ୍ୟରେ ଶୁକ୍ରବାର ସୁସ୍ଥହେଲେ ୧୦,୩୯୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୬୧୦ଜଣ ଡିସଚାର୍ଜ
  • ||
  • ହରଭଜନ ସିଂହ କରୋନା ଆକ୍ରାନ୍ତ, ନିଜକୁ କଲେ ଆଇସୋଲେଟ୍‌
  • ||
  • ଚୋରା ବାଲି କାରବାରରୁ ହତ୍ୟା, ଶ୍ରମିକଙ୍କ ଉପରେ ଚଢାଇଦେଲେ ଟ୍ରାକ୍ଟର !
  • ||
  • ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୯୮୩୩ କୋଭିଡ୍ ପଜିଟିଭ୍, ୧୧୮୭୨୯୫ରେ ପହଞ୍ଚିଲା ସଂଖ୍ୟା
  • ||
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

ସ୍ୱାମୀଙ୍କ ପାସପୋର୍ଟକୁ ଟେଲିଫୋନ ଡାଏରୀ କରିଦେଲେ ମହିଳା, ଲେଖିଲେ ଫୋନ ନମ୍ବର ସହ ରାସନ ତାଲିକା

29/03/2019 at 3:55 PM

କୋଏମ୍ବାଟୁର ୨୯/୩ : ସାଧାରଣତଃ ଗୃହିଣୀମାନେ ଘରେ ଥିବାବେଳେ କିଛି ଲେଖିବାର ଥିଲେ ନୋଟବୁକ ବ୍ୟବହାର କରିଥାନ୍ତି ଯେପରିକି ସେ ଭୁଲି ନଯାଆନ୍ତି | ବେଳେବେଳେ ମହିଳା ମାନେ ଘରେ ଯେକୌଣସି କାଗଜପତ୍ର ବା ଖାତାରେ ମଧ୍ୟ ତାଲିକା କରିଦେଇଥାନ୍ତି | ଏପରିକି ପିଲାଙ୍କ ପାଠପଢା ଖାତାରେ ମଧ୍ୟ ବେଳେବେଳେ ତାଲିକା କରିଦେଇଥାନ୍ତି | ଯାହାଫଳରେ ପିଲାଙ୍କୁ ସ୍କୁଲରେ ଶିକ୍ଷକଙ୍କ ଠାରୁ ଗାଳି ମଧ୍ୟ ଶୁଣିବାକୁ ପଡିଥାଏ | ଏହିଭଳି ଏକ ଭୟଙ୍କର ଭୁଲ କରିଛନ୍ତି କେରଳର ଜଣେ ମହିଳା |


କେରଳର ଜଣେ ମହିଳା ଏମିତି ଏକ କାମ କରିଛନ୍ତି ଯାହାକୁ ଦେଖି ସ୍ୱାମୀଙ୍କ ମୁଣ୍ଡରେ ଚଡକ ପଡିଯାଇଛି | ମହିଳାଙ୍କୁ ଘରେ ଏକ ଛୋଟ ନୋଟବୁକ ମିଳିଥିଲା ଯେଉଁଥିରେ ସେ ସମ୍ପର୍କୀୟଙ୍କ ଫୋନ ନମ୍ବର ନୋଟ କରିଦେଲେ | ଏପରିକି ସେଥିରେ ଘରର ରାସନ ତାଲିକା ମଧ୍ୟ ଲେଖିଦେଲେ | ପରେ ଯେତେବେଳେ ଦେଖିଲେ ଜାଣିବାକୁ ପାଇଲେ ତାହା ନୋଟବୁକ ନୁହଁ ବରଂ ତାଙ୍କ ସ୍ୱାମୀଙ୍କ ପାସପୋର୍ଟ | ସ୍ୱାମୀ ଯେତେବେଳେ ନିଜେ ପାସପୋର୍ଟ ଖୋଲି ଦେଖିଲେ ତାଙ୍କ ମୁଣ୍ଡରେ ଚଡକ ପଡିଗଲା | ପାସପୋର୍ଟ ଭିତରେ ଲେଖାଯାଇଥିଲା ଫୋନ ନମ୍ବର ଏବଂ ରାସନ ତାଲିକା |


ପାସପୋର୍ଟ ନିୟମ ଅନୁଯାୟୀ, ପାସପୋର୍ଟରେ ଯେଉଁ ଖାଲି ସ୍ଥାନ ରହିଥାଏ ସେଥିରେ କେବଳ ସେତେବେଳେ ଷ୍ଟାମ୍ପ ଲଗାଯାଏ ଯେତେବେଳେ ଜଣେ ବ୍ୟକ୍ତି ଭିସା ପାଇଁ ଆବେଦନ କରିଥାନ୍ତି | ପାସପୋର୍ଟର ଖାଲି ପୃଷ୍ଠାରେ ଅନ୍ୟ କିଛି ଲେଖିବା ଦ୍ୱାରା ପାସପୋର୍ଟ ରଦ୍ଦ ହୋଇଯାଏ |


ତେବେ ମହିଳାଙ୍କ ସ୍ୱାମୀ କହିଛନ୍ତି ଯେ, ଯେଉଁ ପାସପୋର୍ଟରେ ମହିଳା ଫୋନ ନମ୍ବର ଏବଂ ରାସନ ତାଲିକା ଲେଖିଥିଲେ ତାହା ପୁରୁଣା ପାସପୋର୍ଟ ଏବଂ ଏହା ତାଙ୍କର କୌଣସି କାମରେ ଲାଗିବାର ନଥିଲା | ସେଥିପାଇଁ ମହିଳା ଜଣକ ପାସପୋର୍ଟକୁ ଟେଲିଫୋନ ଡାଏରୀ କରିଦେଇଥିଲେ |


ତେବେ ଏହା ଏକ ଶିକ୍ଷା ମଧ୍ୟ | ସବୁବେଳେ ନିଜ ଜରୁରୀ କାଗଜପତ୍ର ପିଲାଙ୍କ ହାତ ପାହାନ୍ତାରୁ ଦୂରରେ ଏବଂ ସୁରକ୍ଷିତ ସ୍ଥାନରେ ରଖିବା ଉଚିତ | ନଚେତ ବେଳେବେଳେ ଏମିତି ଭୁଲ ହୋଇଯାଏ ଯାହାଫଳରେ ଆମକୁ ପଶ୍ଚାତାପ କରିବାକୁ ପଡିଥାଏ | ବେଳେବେଳେ ଏହିଭଳି ଛୋଟ ଛୋଟ ଭୁଲ ପାଇଁ ବଡ ବଡ କାମ ମଧ୍ୟ ଅଟକି ଯାଇଥାଏ |

   Related Posts