Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ହରିୟାଣାରେ ପ୍ରବାସୀ ଓଡିଆଙ୍କ ଆତ୍ମହତ୍ୟା ଅଭିଯୋଗ, ଖାଇବାକୁ ନପାଇ ଜୀବନ ହାରିଥିବା ସନ୍ଦେହ

13/05/2020 at 3:11 PM

ପଟ୍ଟାମୁଣ୍ଡାଇ ୧୩।୫: ଲକ୍ ଡାଉନ୍ ପାଇଁ ଗଲା ଜୀବନ । ବାହାର ରାଜ୍ୟରେ ରହିଥିବା ପ୍ରବାସୀ ଓଡିଆ ଖାଇବାକୁ ନପାଇ ଜୀବନ ହାରିଛନ୍ତି । ଗଛରେ ରଶି ଲଗାଇ ପ୍ରବାସୀ ଓଡିଆ ଆତ୍ମହତ୍ୟା କରିଥିବା ଅଭିଯୋଗ ହୋଇଛି ।

ସୂଚନାଯୋଗ୍ୟ ଯେ, କେନ୍ଦ୍ରାପଡା ଜିଲ୍ଲା ରାଜକନିକା ଥାନା ବାଜପୁର ଗାଁର ଗଦାଧର ବିଶ୍ବାଳ ଏବଂ ଗାଁ କିଛି ଯୁବକମାନେ ହରିୟାଣା ଯମୁନା ନଗରରେ ରହି କାମ କରୁଥିଲେ । କରୋନା ପାଇଁ ସାରା ଦେଶରେ ଲକ୍ ଡାଉନ୍ ଘୋଷଣା ହେବା ପରେ ସବୁକିଛି ବନ୍ଦ ହୋଇଗଲା । କମ୍ପାନୀ ବନ୍ଦ ହେବା ଯୋଗୁଁ ଶ୍ରମିକମାନେ ହାତ ବାନ୍ଧି ବସିଲେ । ସେମାନଙ୍କୁ ଖାଇବାକୁ ମଧ୍ୟ ମିଳିଲାନାହିଁ । ତେବେ ଗତକାଲି ଗଦାଧରଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ଗଦାଧର ଆତ୍ମହତ୍ୟା କରିଥିବା ଅଭିଯୋଗ ହୋଇଛି ।

ଗଦାଧର ପୂର୍ବରୁ ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରିଥିଲେ । ସେଠାରୁ ତାଙ୍କୁ ଆଣିବା ପାଇଁ ଭିଡିଓରେ ସରକାରଙ୍କୁ ଅନୁରୋଧ କରିଥିଲେ । ନହେଲେ ସେମାନେ ଆତ୍ମହତ୍ୟା କରିଦେବେ ବୋଲି ଧମକ ଦେଇଥିଲେ ।

   Related Posts