Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରୋଧ ପରେ ବାଟକୁ ଆସିଲା ହକି ଇଣ୍ଡିଆ, ଦିଲ୍ଲୀପ ତିର୍କୀ ଆଡହକ୍ କମିଟିର ଚେୟାରମାନେ ଭାବେ ନିଯୁକ୍ତ
  • ||
  • ଅଗଷ୍ଟ ଦ୍ଵିତୀୟ ସପ୍ତାହରେ ପ୍ରକାଶ ପାଇବ ଯୁକ୍ତ ୨ ରେଜଲ୍ଟ, ଦଶମ ମାର୍କ ଆଧାରରେ ହେବ ମୂଲ୍ୟାୟନ
  • ||
  • ଯାଜପୁର : ବରମୁଣ୍ଡା ଛକରେ ଦୁର୍ଘଟଣା, ଚାଲିଗଲା ନାରାୟଣଙ୍କ ଜୀବନ
  • ||
  • ମୃତ୍ୟୁ ହାରରେ ସାମାନ୍ୟ ହ୍ରାସ : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୩୭ ଜଣଙ୍କ ଜୀବନ, ୩୫୦୮ରେ ପହଞ୍ଚିଲା ମୋଟ୍‌ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୮୦୬ କୋଭିଡ୍ ପଜିଟିଭ୍ ଚିହ୍ନଟ
  • ||
  • କଟକ : ଜୁଆ ଆଡ୍ଡାରେ ଅଚାନକ ଚଢାଉ, ୧୧ଜଣ ଜୁଆଡି ଗିରଫ
  • ||

କେନ୍ଦ୍ରାପଡା ଡଙ୍ଗାବୁଡି ଘଟଣା : ମା ଆଖି ଆଗରେ ଭାସିଗଲା ପୁଅ, ଭଉଣୀ ଆଖି ଆଗରେ ବୁଡିଗଲା ଭାଇ, ଏବେ ବି ନିଖୋଜ ଶିଶୁର ଉଦ୍ଧାର ପାଇଁ ଚାଲିଛି ଉଦ୍ୟମ

3/01/2019 at 4:43 PM

କେନ୍ଦ୍ରାପଡା ୩|୧: କେନ୍ଦ୍ରାପଡା ଡଙ୍ଗାବୁଡି ଘଟଣାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦୁଃଖ ପ୍ରକାଶ । ମୃତକଙ୍କ ପରିବାରକୁ ୪ ଲକ୍ଷ ଟଙ୍କା ଅନୁରମ୍ପାମୂଳକ ସହାୟତା ଯୋଗାଇବାକୁ ଘୋଷଣା କରିଥିବା ବେଳେ ଆହତଙ୍କ ଚିକିତ୍ସା ମାଗଣାରେ କରାଯିବାକୁ କହିଛନ୍ତି । ସେପଟେ ଦୁର୍ଘଟଣାର କାରଣ ଖୋଜା ଆରମ୍ଭ ହୋଇଥିବା ବେଳେ ନିଖୋଜ ଶିଶୁକୁ ଉଦ୍ଧାର ପାଇଁ ଚାଲିଛି ଉଦ୍ୟମ । ଡଙ୍ଗାବୁଡି ଘଟଣାର ଦୁଃଖଦ ମୁହୁର୍ତ୍ତ ବୟାନ କରିଛନ୍ତି ଉଦ୍ଧାର ପାଇଥିବା ଲୋକେ ।

ନୂଆବର୍ଷ ପାଇଁ ବଣ ଭୋଜି ସାରି ଖୁସି ଗପରେ ଫେରୁଥିଲେ । ହେଲେ ବିଧିର ବିଧାନ ଥିଲା ଅଲଗା । ଅଚାନକ ମଝି ନଈରେ ସବୁକିଛି ବଦଳି ଯାଇଥିଲା । ଡଙ୍ଗାବୁଡି ସଲିଳ ସମାଧି ହୋଇଗଲେ ୯ଜଣ ।ଯେଉଁମାନଙ୍କ ମଧ୍ୟରେ ୨ ଜଣ ମହିଳା ଥିବା ବେଳେ ୭ ଜଣ ଶିଶୁ ଅଛନ୍ତି । ଏବେବି ଜଣେ ଶିଶୁ ନିଖୋଜ ଅଛି । ତାକୁ ଉଦ୍ଧାର ପାଇଁ ଜିଲ୍ଲା ପ୍ରଶାସନ ଉଦ୍ୟମ କରୁଛି । ଅନ୍ୟ ଆହତମାନେ ମେଡିକାଲରେ ଭର୍ତ୍ତି ହୋଇଛନ୍ତି । ଜଣଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ବଡ ମେଡିକାଲରେ ଭର୍ତ୍ତି କରାଯାଇଛି । ୯ ଜଣଙ୍କ ମୃତ୍ୟୁ ପରେ କେନ୍ଦ୍ରାପଡ଼ା ହସିନା ଗାଁରେ ଶୋକର ଛାୟା ଖେଳି ଯାଇଛି ।  ଦୁର୍ଘଟଣା ପାଇଁ ୨ ଡଙ୍ଗା ଚାଳକଙ୍କୁ ପୋଲିସ ଅଟକ ରଖିବାରୁ ସେମାନଙ୍କୁ ଛାଡିବା ଦାବିରେ ହସିନା ଗାଁ ଲୋକ କଟକ-ପାରାଦୀପ ରାସ୍ତା ଅବରୋଧ କରିଥିଲେ ।

କାଲି ଜଗତସିଂପୁର କୁଜଙ୍ଗ ମଙ୍ଗରାଜପୁର ହସିଣା ଗାଁର କିଛି ଲୋକ ବଣଭୋଜି ପାଇଁ ଯାଇଥିଲେ । ଶକ୍ତିମୟୀ ମା ମଙ୍ଗଳା ନାମକ ଏକ ବୋଟରେ ଚଉମୁହାଣ ଅଭିମୁଖେ ବାହାରିଥିଲେ । କେନ୍ଦ୍ରାପଡା ଜମ୍ବୁ ବତୀଘର ନିପାଣିଆ ଠାରେ ସଂଧ୍ୟା ପ୍ରାୟ ସାଢେ ୬ଟାରେ ଡଙ୍ଗାଟି ଓଲଟି ପଡିଥିଲା । ସେହି ସମୟରେ ସମୁଦ୍ରରେ ଜୁଆର ଥିବାରୁ ପାଣି ସ୍ରୋତରେ ଭାସିଯାଇଥିଲେ ୧୦ ଜଣ ଯାତ୍ରୀ ।  ପାଣିରେ ବୁଡି ୯ ଜଣ ପ୍ରାଣ ହରାଇଥିଲେ । ନିମିଷିକ ମଧ୍ୟରେ ସବୁକିଛି ଓଲଟପାଲଟ ହୋଇଯାଇଥିଲା । ଡଙ୍ଗା ବୁଡି ଘଟଣାର କାରଣ ଜାଣିବା ପାଇଁ ଘଟଣାସ୍ଥଳକୁ ଆଇଡବ୍ଲୁଡିର ନିର୍ଦ୍ଦେଶକ  ଯାଇଛନ୍ତି । ତାଙ୍କ ସହ ବିଭାଗୀୟ ଅଧିକାରୀମାନେ ବି ଯାଇଛନ୍ତି । ରିପୋର୍ଟ ଆସିବା ପରେ ପଦକ୍ଷେପ ନିଆଯିବ ବୋଲି ପରିବହନ ମନ୍ତ୍ରୀ ନୃସିଂହ ସାହୁ କହିଛନ୍ତି । ସେପଟେ ଏହି ଘଟଣାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦୁଃଖ ପ୍ରକାଶ କରିବା ସହ ମୃତକଙ୍କ ପରିବାରକୁ ୪ ଲକ୍ଷ ଟଙ୍କା ଲେଖାଏଁ ଅନୁକମ୍ପା ସହାୟତା ରାଶି ପ୍ରଦାନ ପାଇଁ ଘୋଷଣା କରିଛନ୍ତି । ଡଙ୍ଗାବୁଡି ଘଟଣାରେ ଆହତମାନଙ୍କ ସମସ୍ତ ଚିକିତ୍ସା ମାଗଣାରେ କରିବାକୁ ନବୀନ ନିର୍ଦ୍ଦେଶ ଦେଇଛନ୍ତି ।

ଏହି ମର୍ମନ୍ତୁଦ ଦୁର୍ଘଟଣା ଉଜାଡି ଦେଇଛି ଅନେକଙ୍କ ପରିବାର । ମା ଆଖିରେ ପୁଅ ଚାଲି ଯାଇଛି ତ, କେଉଁଠି ଭଉଣୀ ଅଗରେ ତାର ଛୋଟ ଭାଇ, ଭଉଣୀ ଭାସି ଯାଇଛନ୍ତି । ଆଉ ଯେଉଁମାନେ ଭାଗ୍ୟ ଟାଣରୁ ବଞ୍ଚି ଯାଇଛନ୍ତି ସେମାନେ ଏବେ ଚିକିତ୍ସିତ ହେଉଛନ୍ତି । ହସିଣା ଗାଁର କବିତା ତରାଇ ଓ ତାଙ୍କର ୬ ବର୍ଷର ପୁଅ ସ୍ବାଧୀନ ଦୁଇ ଜଣ ଯାକ ଭଗବାଙ୍କ କୃପାରୁ ବଞ୍ଚି ଯାଇଛନ୍ତି । ସେହିପରି ୧୦ ବର୍ଷର ବାଳକ ଚିରଞ୍ଜୀବ ଦଳାଇ । ସାହସ ସହକାରେ ଗଛ ଡାଳକୁ ଧରି ଜୀବନ ବଞ୍ଚାଇଛନ୍ତି ।  ସେହିପରି ହସିଣା ଗାଁର ଚିନୁ ଲତା ସ୍ବାଇଁ ତାଙ୍କର ଖୁଡି ଓ ଦୁଇ ସାନ ଭଉଣୀ ମୃତ୍ୟୁ ବରଣ କରିଥିବା ବେଳେ ତାଙ୍କ ସହ ଥିବା ଦାଦାଙ୍କ ପୁଅ ବଞ୍ଚି ଯାଇଛି । ସେହିପରି ଅନ୍ନପୂର୍ଣ୍ଣା ସାହୁଙ୍କ ୧୨ବର୍ଷର ପୁଅ ମୃତ୍ୟୁବରଣ କରିଥିବା ବେଳେ ଏକ ଗଛ ଡାଳକୁ ଧରି ସେ ବଞ୍ଚି ଯାଇଛନ୍ତି ।

ଚିକିତ୍ସିତ ୨୨ ଜଣଙ୍କ ମଧ୍ୟରୁ ୭ ଜଣଙ୍କୁ ଚିକିତ୍ସା ପରେ ଛାଡି ଦିଆଯାଇଛି । ଅନ୍ୟମାନେ ଧିରେଧିରେ ସୁସ୍ଥ ହେଉ ଥିବା କୁଜଙ୍ଗ ମେଡିକାଲ ଅଫିସର କହିଛନ୍ତି ।

ଏହି ଦୁଃଖଦ ଘଟଣା ସାରା ଅଞ୍ଚଳକୁ ଦୋହଲାଇ ଦେଇଥିବା ବେଳେ ଭବିଷ୍ୟତରେ ଏହାର ପୁନରାବୃତ୍ତି କିପରି ନହେବ ସେଥିପ୍ରତି ଦୃଷ୍ଟି ଦେବା ଜରୁରୀ ହୋଇ ପଡିଛି।

   Related Posts