Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗଞ୍ଜାମ ଦିଗପହଣ୍ଡିରେ ଅପରାଧୀର ଛୁରା ମାଡରେ ଅପରାଧୀ ମୃତ
  • ||
  • ବାଙ୍କୀରେ ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡରେ ଜଣଙ୍କର ମୃତ୍ୟୁ
  • ||
  • କେନ୍ଦୁଝର ନୟାକୋଟରେ ସ୍ତ୍ରୀକୁ ଟାଙ୍ଗିଆରେ ହାଣିଲା ସ୍ବାମୀ
  • ||
  • ଗୁଜୁରାଟରେ ସ୍ତ୍ରୀକୁ ହତ୍ୟା ପରେ ଦୁଇ ସନ୍ତାନ ସହ ନିଜ ଦେହରେ ପେଟ୍ରୋଲ ଢାଳି ନିଆଁ ଲଗାଇଦେଲେ ଯୁବକ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୬୯୫ କରୋନା ସଂକ୍ରମିତ
  • ||
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ହୁକିଟୋଲା ଡଙ୍ଗାବୁଡି ଘଟଣା ; ମିଳିଲା ନିଖୋଜ ଶିଶୁର ମୃତଦେହ, ମୃତ୍ୟୁ ସଂଖ୍ୟା ୧୦କୁ ବୃଦ୍ଧି

4/01/2019 at 1:59 PM

ମହାକାଳପଡା ୦୪I୦୧: କେନ୍ଦ୍ରାପଡା ହୁକିଟୋଲା ଡଙ୍ଗା ବୁଡି ଘଟଣାରେ ମୃତ୍ୟୁ ସଂଖ୍ୟା ୧୦କୁ ବୃଦ୍ଧି ପାଇଛି । ଡଙ୍ଗା ଓଲଟି ପଡିବା ପରେ ୯ଜଣଙ୍କ ମୃତଦେହ ଉଦ୍ଧାର ହୋଇଥିବାବେଳେ ଜଣେ ଶିଶୁ ନିଖୋଜ ଥିଲା । ଆଜି ନିଖୋଜ ଥିବା ଶିଶୁର ମୃତଦେହ ମିଳିଛି । ଦୁର୍ଘଟଣାସ୍ଥଳରୁ ୩କିଲୋମିଟର ଦୂରରୁ ମୃତଦେହ ଉଦ୍ଧାର କରିଛନ୍ତି ଏଡିଆରଏଫ୍ ଟିମ୍ । ଗତକାଲି ୯ ଜଣଙ୍କ ମୃତଦେହକୁ ଏକସଙ୍ଗେ ଗାଁ ମଶାଣି କୁଜଙ୍ଗ ହସିଣା ଗାଁରେ ଶେଷ ବିଦାୟ ଦେଇଥିଲେ ଗ୍ରାମବାସୀ । ଏହି ଘଟଣା ସାରା ଅଞ୍ଚଳରେ ଶୋକର ଛାୟା ସୃଷ୍ଟି କରିଛି । ଏହି ଘଟଣା ପାଇଁ କିଏ ଦାୟୀ ସେନେଇ କାରଣ ଖୋଜାଚାଲିଛି ।

ନୂଆବର୍ଷରେ ପିକନିକ ପାଇଁ ବୁଧବାର ଦିନ ଜଗତସିଂହପୁର ଜିଲ୍ଲାର କୁଜଙ୍ଗ ବ୍ଲକ୍ ମଙ୍ଗରାଜପୁର ପଂଚାୟତର ହସିଣା ଗାଁର ୫୫ଜଣ ଯାତ୍ରୀ ଏକ ଯନ୍ତ୍ର ଚାଳିତ ଡଙ୍ଗାରେ ପାରାଦ୍ବୀପ ଠାରୁ ହୁକିଟୋଲାକୁ ଯାଇଥିଲେ ପିକନିକ୍ ପାଇଁ ।ସେମାନେ ହୁକିଟୋଲାରେ ବଣଭୋଜି କରି ଫେରିବା ସମୟରେ ଏହି ଅଘଟଣ ଘଟିଛି । ହୁକିଟୋଲା ବଙ୍ଗୋପସାଗର ଚଟକାରୁ ବତୀଘର ଦେଇ ମହାନଦୀ ମୁହାଣକୁ ଆସିବା ବାଟରେ ନିପାଣିଆ ଠାରେ ଜଣେ ସ୍ତ୍ରୀ ଲୋକ ଶୌଚ ହେବାକୁ ଡଙ୍ଗା ରଖିବାକୁ କହିଥିଲେ । ସ୍ତ୍ରୀ ଲୋକଙ୍କ ସହିତ ଆଉ ଚାରିଜଣ ମଧ୍ୟ କୁଳକୁ ଆସିଥିଲେ । ଶୌଚ ସାରି ଡଙ୍ଗାରେ ସେମାନେ ଚଢିଥିଲେ । କୂଳରୁ ଡଙ୍ଗାକୁ ଠେଲି ଦେବା ସମୟରେ  ଦୁର୍ଘଟଣା ଘଟିଥିଲା । ଡଙ୍ଗାରେ ଆବଶ୍ୟକତା ଠାରୁ ଯାତ୍ରୀ ଅଧିକ ଥିବାରୁ  ଏକପାଖିଆ ହୋଇଯାଇଥିଲା । ଯାହାଫଳରେ ଭାରସାମ୍ୟ ହରାଇ ଓଲଟି ପଡିଥିଲା ଡଙ୍ଗା । ଏହି ଦୁର୍ଘଟଣା ସଂଧ୍ୟା ପ୍ରାୟ ୬ଟାରୁ ସାଢେ ୬ଟା ମଧ୍ୟରେ ଘଟିଥିଲା । ନଦୀରେ ସେହି ସମୟରେ ଜୋରରେ ଜୁଆର ଥିବାରୁ ପାଣି ଶ୍ରୋତରେ ଭାସିଯାଇଥିଲେ ୧୦ ଜଣ ଯାତ୍ରୀ । ସ୍ଥାନୀୟ ନିପାଣିଅ ଗ୍ରାମବାସୀ ଲୋକଙ୍କ ଚିତ୍କାର ଶୁଣି ତୁରନ୍ତ ଉଦ୍ଧାର କାମ ଲାଗି ପଡିଥିଲେ ଛୋଟ ଡଙ୍ଗା ସାହାଯ୍ୟରେ ୪୫ଜଣଙ୍କୁ ଉଦ୍ଧାର କରିଥିଲେ  । ଖବର ପାଇ ପ୍ରଥମେ ବତିଘର ବନ ବିଭାଗ ତରଫରୁ ଉଦ୍ଧାର କାର୍ଯ୍ୟ ଜାରି ରଖିଥିଲେ । ୯ ଜଣଙ୍କର ଶବ ଉଦ୍ଧାର କରିଥିଲେ । ଆଜି ଜଣେ ଶିଶୁର ମୃତଦେହ ଉଦ୍ଧାର ହୋଇଛି ।

   Related Posts