Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରୋଧ ପରେ ବାଟକୁ ଆସିଲା ହକି ଇଣ୍ଡିଆ, ଦିଲ୍ଲୀପ ତିର୍କୀ ଆଡହକ୍ କମିଟିର ଚେୟାରମାନେ ଭାବେ ନିଯୁକ୍ତ
  • ||
  • ଅଗଷ୍ଟ ଦ୍ଵିତୀୟ ସପ୍ତାହରେ ପ୍ରକାଶ ପାଇବ ଯୁକ୍ତ ୨ ରେଜଲ୍ଟ, ଦଶମ ମାର୍କ ଆଧାରରେ ହେବ ମୂଲ୍ୟାୟନ
  • ||
  • ଯାଜପୁର : ବରମୁଣ୍ଡା ଛକରେ ଦୁର୍ଘଟଣା, ଚାଲିଗଲା ନାରାୟଣଙ୍କ ଜୀବନ
  • ||
  • ମୃତ୍ୟୁ ହାରରେ ସାମାନ୍ୟ ହ୍ରାସ : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୩୭ ଜଣଙ୍କ ଜୀବନ, ୩୫୦୮ରେ ପହଞ୍ଚିଲା ମୋଟ୍‌ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୮୦୬ କୋଭିଡ୍ ପଜିଟିଭ୍ ଚିହ୍ନଟ
  • ||
  • କଟକ : ଜୁଆ ଆଡ୍ଡାରେ ଅଚାନକ ଚଢାଉ, ୧୧ଜଣ ଜୁଆଡି ଗିରଫ
  • ||

ଜରାଜୀର୍ଣ୍ଣ ଅବସ୍ଥାରେ କେନ୍ଦ୍ରାପଡା ଜିଲ୍ଲାର ଏକମାତ୍ର ଶିଳ୍ପ ସଂସ୍ଥା ବଳଦେବ ଜୀଉ ପାୱାର ଲୁମ୍

16/01/2019 at 5:41 PM

କେନ୍ଦ୍ରାପଡା ୧୬|୧: କେନ୍ଦ୍ରାପଡା ଜିଲ୍ଲାର ଏକମାତ୍ର ଶିଳ୍ପ ସଂସ୍ଥା ବଳଦେବ ଜୀଉ ପାୱାର ଲୁମ୍ ଆଜି ଜରାଜୀର୍ଣ୍ଣ ଅବସ୍ଥାରେ । ସମୟ ଥିଲା ଏଠି ଆକର୍ଷଣୀୟ ଶାଢୀ, ଗାମୁଛା, କପଡା ଆଦି ତିଆରି ହେଉଥିଲା । ହେଲେ ଆଜି ସେହି ଜାଗା ଜଙ୍ଗଲରେ ପରିଣତ ହୋଇଛି । ଅନ୍ୟପକ୍ଷରେ ଏହି ପାୱାର ଲୁମ୍‌ ରେ କାମ କରି ପେଟ ପୋଷୁଥିବା ଶ୍ରମିକ ପରିବାର ଆଜି ଭୋକ ଉପାସରେ କାଳ କାଟୁଛନ୍ତି ।  

ଭାଙ୍ଗି ଯାଇଛି ଛାତ । କବାଟ ଝରକା ହାଲ୍ ନକହିବା ଭଲ । କାନ୍ଥ ଫଟାଇ ବାହାରିଛି ଗଛ ଲତା । କେନ୍ଦ୍ରାପଡା ବଳଦେବଜୀଉ ପାୱାର ଲୁମ୍ ର ଅବସ୍ଥା କିଛି ଏମିତି । ୧୯୬୯ ମସିହାରେ ପ୍ରତିଷ୍ଠା ହୋଇଥିଲା ଏହି ଶିଳ୍ପ ସଂସ୍ଥା । ଏକଦା ନିଜ ଉତ୍ପାଦ ପାଇଁ ଦେଶ ବିଦେଶରେ ବେଶ୍ ପରିଚୟ ଲାଭ କରିଥିଲା ଏହା । ପ୍ରାୟ ୩ ଶହ ଶ୍ରମିକ ଦିନ ରାତି ଏକ କରି ୩ଟି ସିଫ୍ଟ ରେ କାମ କରୁଥିଲେ। ଆଉ ଉତ୍ପାଦନ କରୁଥିଲେ ଆକର୍ଷଣୀୟ ଲୁଙ୍ଗି, ଗାମୁଛା, ଶାଢୀ, ବେଡସିଟ୍ ଓ କପଡା । ଶ୍ରମିକ ଅଶାନ୍ତି, ରାଜେନୈତିକ ଇଛାଶକ୍ତିର ଅଭାବ ଓ ପ୍ରାଶାସନିକ ଉଦାସୀନାତ ପାଇଁ ୧୯୮୦ ମସିହାରେ ଏହି ସଂସ୍ଥାରେ ଝୁଲିଲା ତାଲା ।ନିଲାମ ହୋଇଗଲା ଯନ୍ତ୍ରପାତି ।  ଜୀବିକା ହରାଇଲେ ଶ୍ରମିକ, ଉପାସରେ କାଳ କାଟିଲେ ସେମାନଙ୍କ ପରିବାର । ଏଠାରେ କାମ କରୁଥିବା ଅନେକ ଶ୍ରମିକ ଆଜିବି ନିଜ ପ୍ରାପ୍ୟ ପାଇଁ ସରକାରୀ ଅଫିସ୍ ରେ ଚକ୍କର କାଟୁଛନ୍ତି ।

ବଳଦେବଜୀଉ ପାୱାର ଲୁମ୍ ବନ୍ଦ୍ ହୋଇଯିବା ପରେ କେନ୍ଦ୍ରାପଡା ଜିଲ୍ଲାରେ ଆଉ ଦ୍ବିତୀୟ ଶିଳ୍ପ ସଂସ୍ଥା ପାଇଁ ସରକାରୀ ସ୍ତରରେ ଉଦ୍ୟମ ହୋଇ ନାହିଁ । ବିଭିନ୍ନ ସମୟରେ ରାଜେନୈତିକ ନେତାମାନେ ଏଠାରେ ଶିଳ୍ପ ପ୍ରତିଷ୍ଠା ପାଇଁ କୁମ୍ଭୀର କାନ୍ଦଣା କାନ୍ଦିଛନ୍ତି  ସିନା ବାସ୍ତବରେ କୌଣସି ପଦକ୍ଷେପ ନେଇ ନାହାଁନ୍ତି । ଆଉ ଜିଲ୍ଲାର ଯୁବକମାନେ ବିଦେଶକୁ ଦାଦନ ଖଟିବାକୁ ଯାଇ ଆଉ ଫେରୁ ନାହାଁନ୍ତି ଘରକୁ ।

   Related Posts