Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିଜିଲାନ୍ସ ନିର୍ଦ୍ଦେଶକଙ୍କ ବିୟୋଗରେ ଶୋକ ପ୍ରକାଶ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ଘରୁ ଉଠାଇ ନେଇ ନାବାଳିକାଙ୍କୁ ଦୁଷ୍କର୍ମ, ୨ ଗିରଫ
  • ||
  • ଆଖିବୁଜିଲେ ଫ୍ଲାଇଂ ଶିଖ୍ ତଥା କିମ୍ୱଦନ୍ତୀ ଧାବକ ମିଲଖା ସିଂହ
  • ||
  • ବରିଷ୍ଠ ଆଇପିଏସ୍‌ ଅଧିକାରୀ ତଥା ରାଜ୍ୟ ଦୁର୍ନୀତି ନିବାରଣ ବିଭାଗର ନିର୍ଦ୍ଦେଶକ ଦେବାଶିଷ ପାଣିଗ୍ରାହୀଙ୍କର ପରଲୋକ
  • ||
  • ବିରୋଧ ପରେ ବାଟକୁ ଆସିଲା ହକି ଇଣ୍ଡିଆ, ଦିଲ୍ଲୀପ ତିର୍କୀ ଆଡହକ୍ କମିଟିର ଚେୟାରମାନେ ଭାବେ ନିଯୁକ୍ତ
  • ||

କେନ୍ଦ୍ରାପଡା ରାଜକନିକାବାସୀଙ୍କ ପାଇଁ ମହଂଗା ପଡିଲା ସୌଭାଗ୍ୟ ଯୋଜନାରେ ବିଜୁଳି ସଂଯୋଗ

3/09/2018 at 12:37 PM

କେନ୍ଦ୍ରାପଡା ୩|୯: ସରକାରଙ୍କ ସୌଭାଗ୍ୟ ଯୋଜନାରେ ବିଜୁଳି ସଂଯୋଗ ହୋଇଥିଲା । ଦୁଇମାସ ମାଗଣା ବିଜୁଳି ବତୀ ଜାଳିବା ପରେ ବିଲ୍ ପଇଠ କରିବାକୁ କୁହାଯାଇଥିଲା । ହେଲେ ମିଟର ଲାଗିବା ବଦଳରେ ପହଞ୍ଚିଯାଇଛି ୪ହଜାର ଟଙ୍କାର ବିଲ୍ । ଏହାକୁ ଦେଖି କେନ୍ଦ୍ରାପଡା ରାଜକନିକା ବାସୀଙ୍କ କାନମୁଣ୍ଡା ଝାଇଁ ମାରି ଯାଇଛି ।

ଦୁଇ ମାସର ମାଗଣା ବିଜୁଳି ଜାଳିବା ଲୋଭ ଦେଖାଇଥିଲେ ବିଦ୍ୟୁତ କର୍ମଚାରୀ ।ମିଟର ଲାଗିଲେ ବିଲ୍ ପଇଠ କରିବାକୁ ପଡିବ ବୋଲି କୁହାଯାଇଥିଲା । ହେଲେ ସରକାରଙ୍କ ସୌଭାଗ୍ୟ ଯୋଜନା ଏବେ କିପରି ଗ୍ରାହକଙ୍କ ପାଇଁ ଗଳାର ଫନ୍ଦା ପାଲଟି ଯାଇଛି, ତାହା କେନ୍ଦ୍ରାପଡା ରାଜକନିକାର ଲୋକଙ୍କ କଥା ଶୁଣିଲେ ବୁଝିହେବ ।
ବିଜୁଳି ଆଲୁଅର ସ୍ବପ୍ନ ଦେଖୁଥିବା ଏହି ଲୋକଙ୍କ ପାଇଁ ସରକାରଙ୍କ ଯୋଜନା ବୋଝ ପାଲଟି ଯାଇଛି । କାରଣ ବିଜୁଳି କର୍ମଚାରୀ ହାତରେ ଧରାଇ ଦେଇଛନ୍ତି ୩୯୪୪ଟଙ୍କାର ବିଲ୍ । ଦୁଇମାସ ତଳେ ବିଦ୍ୟୁତ ବିଭାଗର ଏକ ଟିମ ଯାଇ କନେକସନ୍ ଦେଇଥିଲେ । ମାସେ ମାଗଣା ବିଜୁଳି ଜାଳିବା ପରେ ମିଟର ଲାଗିବ ଏବଂ ମିଟର ଅନୁଯାୟୀ ବିଲ୍ ପଇଠ କରିବାକୁ କହି ଯାଇଥିଲେ । ମିଟର ତ ଲାଗିଲାନି, ଏଣେ ଝଟକା ଦେବାକୁ ଆସି ଯାଇଥିଲା ବିଲ୍ ।

ବିଲ୍ ଝଟକା ଖାଇ ହିତାଧିକାରୀଙ୍କ ମୁଣ୍ଡ ଖରାପ । ବିଦ୍ୟୁତ ବିଭାଗର ଏ ଅଫିସ ସେ ଅଫିସ ଦୌଡିବା ପରେ ବି କିଛି ହୋଇନି । ତେବେ ସେସୁ ସହକାରୀ ଯନ୍ତ୍ରୀ କହିଛନ୍ତି, ଭୟ କରିବାର କିଛି କାରଣ ନାହିଁ ମିଟର ବସିଲେ ସବୁ ଠିକ ହୋଇଯିବ ।
ଏତେ ବର୍ଷ ପରେ ବିଜୁଳି ଆଲୁଅ ଦେଖିଥିଲେ, ହେଲେ ଏମିତି ଝଟକା ଲାଗିବ ବୋଲି ଜାଣିନଥିଲେ ରାଜକନିକା ଅଞ୍ଚଳର ବିଭିନ୍ନ ଗାଁ ଲୋକ ।

   Related Posts