ତାଳଚେର୫/୮: ତାଳଚେର କେନାଲରୁ ଏକ ଗଳିତ ମୃତଦେହ ଉଦ୍ଧାର ହୋଇଛି। ମୃତ ବ୍ୟକ୍ତିଙ୍କ ଘର ଯାଜପୁର ଜିଲ୍ଲାରେ ବୋଲି ଜଣାପଡିଛି। ସେ ତାଳଚେରରେ ରହି ରାଜମିସ୍ତ୍ରୀ ଭାବେ କାମ କରୁଥିଲେ। ମିଳିଥିବା ସୂଚନା​‌ ମୁତାବକ, ଗତ ୩ ତାରିଖରୁ ସେ ନିଖୋଜ ଥିଲେ। ଗତକାଲି ୪ ତାରିଖ ତାଳଚେର ଅଗ୍ନିଶମ ବାହିନୀ ବହୁ ଖୋଜା ଖୋଜି କଲା ପରେ ପାଇ ନଥିଲେ। କେନାଲରେ ଦଳ ଥିଲା ଏବଂ ପାଣି ମଧ୍ୟ ବହୁତ ଥିଲା। ଆଜି ସମଲ ବ୍ୟାରେଜରୁ କେନାଲକୁ ପାଣି ବନ୍ଦ କଲା ପରେ ଆଜି ଖୋଜାଖୋଜି କରିଥିଲେ। ଫଳରେ କିଛି ସମୟ ପୂର୍ବରୁ ତାର ମୃତଦେହ ଉଦ୍ଧାର ହୋଇଛି। ସେ ହେଲେ ସର୍ବେଶ୍ଵର ସ୍ବାଇଁ। ତାଙ୍କ ବୟସ ୨୭ ବର୍ଷ। ତାଳଚେର ପୋଲିସ ଶବ ଜବତ କରି ବିଭିନ୍ନ ଲୋକଙ୍କୁ ପଚାରାଉଚୁରା ଜାରି ରଖିଛି।