Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୮୭ କୋଭିଡ୍ ପଜିଟିଭ୍, ୩୩୭୧୯୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଓଡିଶା ହାତରୁ ଖସୁଛି ବନ୍ଧୁଗାଁ ବ୍ଲକ, ଲୋଭ ଦେଖାଇ ଗାଁ ଲୋକଙ୍କୁ ନିଜ ଆଡକୁ ଟାଣୁଛି ଆନ୍ଧ୍ର
  • ||
  • ଅଟୋକୁ ଧକ୍କା ଦେଲା ଯାତ୍ରୀବାହୀ ବସ୍ : ଜଣେ ମୃତ, ୩ ଗୁରୁତର
  • ||
  • ବାଇକକୁ ଧକ୍କା ଦେଲା ହାଇଓ୍ୱା, ଆରୋହୀ ମୃତ
  • ||
  • ଯୁବତୀଙ୍କୁ ଘରୁ ଉଠାଇ ନେଇ ୧୫ ଦିନ ଧରି ଦୁଷ୍କର୍ମ ! ଅଭିଯୁକ୍ତ ଦେଉଥିଲା ହତ୍ୟା ଧମକ, ଫଟୋ ଭାଇରାଲ ନେଇ କରୁଥିଲା ବ୍ଲାକମେଲିଂ…
  • ||
  • ତାତିରୁ ଏବେ ନିସ୍ତାର ନାହିଁ, ଆହୁରି ଛଟପଟ କରିବ ଖରା
  • ||
  • ବାରିପଦା : କୋଭିଡ ନିୟମକୁ ବେଖାତିର, ୫ଟି ଦୋକାନ ସିଲ୍‌
  • ||

‘ ଦିଲ୍ଲୀର ଜିତ୍, ଭାରତ ମାତାଙ୍କ ବିଜୟ, ଭଗବାନ ହନୁମାନଙ୍କୁ ବି ଧନ୍ୟବାଦ ‘…

11/02/2020 at 4:33 PM

ନୂଆଦିଲ୍ଲୀ ୧୧/୦୨- ଆମ ଆଦମୀ ପାର୍ଟିର ଜବରଦସ୍ତ ଜିତ୍ ।୭୦ ଆସନ ବିଶିଷ୍ଟ ଦିଲ୍ଲୀ ବିଧାନସଭା ଭୋଟର କମାଲ କରିବା ଆଶାରେ ଥିବା ବିଜେପି ଏବେ ସୁଦ୍ଧା ପୁଣି ଏକକ ସଂଖ୍ୟାରେ ରହିଛି । ଅପରାହ୍ନ ୪ ଟା ସୁଦ୍ଧା ଗଣତିରୁ ଆପ୍‌ ୬୩ ଆସନ ଏବଂ ବିଜେପି ୭ ଆସନରେ ବିଜୟୀ ବା ଆଗୁଆ ରହିଛନ୍ତି ।ଏକ ବିରାଟ ରୋଡ ଶୋ ସହ  ବିଜୟ ଉତ୍ସବ ପାଲନ କରୁଥିବା ଅରବିନ୍ଦ କେଜରିୱାଲ କିନ୍ତୁ  ଆଇ ଲଭ୍ ଯୁ କହି ଦିଲ୍ଲୀ ବାସୀଙ୍କୁ ଜଣାଇଛନ୍ତି କୃତଜ୍ଞତା , ଦେଇଛନ୍ତି ଧନ୍ୟବାଦ । ଲଗାତର ତୃତୀୟ ଥର ଲାଗି  ଦିଲ୍ଲୀର ସରକାର ଗଠନ କରିବାକୁ ଯାଉଥିବା ଅରବିନ୍ଦ କେଜରିୱାଲ ତାଙ୍କ ବିଜୟ ପ୍ରତିକ୍ରିୟାରେ କହିଛନ୍ତି ଅନେକ କିଛି ।

ଏହା କେବଳ ଦିଲ୍ଲୀର ବିଜୟ ନୁହେଁ, ଭାରତ ମାତା ବି ଆଜି ଆଉ ଏକ ବିଜୟର ଟୀକା ପିନ୍ଧିଛନ୍ତି  । ଭଗବାନ ହନୁମାନଙ୍କୁ ବି କୃତଜ୍ଞତା ଜଣାଇଛନ୍ତି , କେଜ୍ରିୱାଲ । ଆହୁରି କହିଛନ୍ତି, ବିକାଶକୁ ଦିଲ୍ଲୀ ଭୋଟର ଦେଇଛନ୍ତି ମ୍ୟାଣ୍ଡେଟ୍ ,ଏବଂ  ରାଜନୀତିର ପରିଭାଷାରେ ଆଉ ଏକ କଥା ଯୋଡି ହୋଇଛି ବିକାଶର ରାଜନୀତି । ଅର୍ଥାତ ପଲିଟିକ୍ସ ଅଫ ୱାର୍କ । ଏହା କହିବାବେଳେ ଆପ୍‌ ସଂଯୋଜକ ସମସ୍ତଙ୍କ ସହ ମିଶି ଦିଲ୍ଲୀର ବିକାଶକୁ ଆଗେଇନେବାକୁ ଆହ୍ୱାନ ମଧ୍ୟ କରିଛନ୍ତି  । ସେହିପରି ଆପ୍‌ର ନମ୍ବର ଟୁ କୁହାଯାଉଥିବା ମନୀଷ ଶିଷୋଦିଆ କହିଛନ୍ତି, ଦିଲ୍ଲୀର ଫଳାଫଳ ପ୍ରକୃତ ଜାତୀୟତାବାଦକୁ ବୁଝାଏ ।

 ୭୦ ଆସନ ବିଶିଷ୍ଟ ଦିଲ୍ଲୀ ବିଧାନସଭାରେ ମ୍ୟାଜିକ ନମ୍ବର ୩୬ ହୋଇଥିବା ବେଳେ ଆପ୍‌ ନିରଙ୍କୁଶ ସଂଖ୍ୟା ଗରିଷ୍ଠତା ସହ ପୁଣି ଏକ ରେକର୍ଡ କରିବାକୁ ଯାଉଛି । ଅନ୍ୟ ପକ୍ଷରେ ଲୋକସଭା ନିର୍ବାଚନରେ  ସବୁ ଆସନ ଜିତିଥିବା ବିଜେପି ପୁଣି ଥରେ ଏକକ ସଂଖ୍ୟାରେ ସୀମିତ ରହିବା ଆଶଙ୍କା ଦଳୀୟ ନେତା ଓ କର୍ମୀଙ୍କୁ ହତାଶ କରିଛି । ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା ବିଜେପିର ପରାଜୟକୁ ଗ୍ରହଣ କରିବା ସହ ଆରବିନ୍ଦ କେଜ୍ରିୱାଲଙ୍କୁ ଅଭିନନ୍ଦନ ଜଣାଇଛନ୍ତି । କହିଛନ୍ତି ବିଜେପି ଜନତାଙ୍କ ରାୟକୁ ଗ୍ରହଣ କରିବା ସହ ଏକ ଦାୟିତ୍ୱ ସଂପନ୍ନ ବିରୋଧି ଦଳ ଭାବେ ଗଠନ ମୂଳକ ଭୂମିକା ନିଭାଇବ । ବିଜେପି ନେତା ତଥା ସାଂସଦ  ଗୌତମ ଗାମ୍ଭୀର ବିଜେପିର ପରାଜୟକୁ ମାନି ନେବା ସହ କେଜ୍ରିୱାଲଙ୍କୁ ତାଙ୍କ  ବିକାଶ  କାର୍ଯ୍ୟ ଜାରି ରହିବାକୁ କହିଛନ୍ତି । ତେବେ ବିଜେପି ସହଯୋଗୀ ସଂଯୁକ୍ତ ଜନତା ଦଳନେତା ତଥା ବିହାର ମୁଖ୍ୟମନ୍ତ୍ରୀ  ନୀତିଶ କୁମାର ଜନତା ହିଁ ସୁପ୍ରିମ୍‌ କହି ମେଣ୍ଟ ଧର୍ମ ପାଳିବା ଭଳି କହିଛନ୍ତି ।

   Related Posts