Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ଦିଲ୍ଲୀ ସରକାର ଆଉ ୬ ମାସ ସମ୍ପ୍ରସାରଣ କଲେ ନିଶୁଳ୍କ ରାସନ ଯୋଜନା, ଜାଣନ୍ତୁ କେନ୍ଦ୍ର ସରକାରଙ୍କୁ କହିଛନ୍ତି କ’ଣ?

6/11/2021 at 3:56 PM

ନୂଆଦିଲ୍ଲୀ ୬।୧୧: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ତାଙ୍କ ସରକାର ରାଜ୍ୟରେ ଚଳାଇଥିବା ନିଃଶୁଳ୍କ ରାସନ ଯୋଜନା ରାଜ୍ୟରେ ଆଉ ୬ ମାସ ସମ୍ପ୍ରସାରଣ କରିଥିବା ଶନିବାର ଟ୍ୱିଟ୍‌ କରିଛନ୍ତି। ରାଜ୍ୟରେ ୨୦୨୨ ମେ ମାସ ପର୍ଯ୍ୟନ୍ତ ଯୋଜନା କାର୍ଯ୍ୟକାରୀ ହେବ ବୋଲି କେଜରିୱାଲ କହିଛନ୍ତି। ମୁଦ୍ରାସ୍ପିତି ବହୁତ ଅଧିକ ହୋଇଯାଇଥିବା ବେଳେ ସାଧାରଣ ଲୋକଙ୍କ ଲାଗି ୨ ବେଳା ରୁଟି ଯୋଗାଡ କରିବା କଷ୍ଟକର ହୋଇପଡିଛି। ଏମିତିରେ କରୋନା ଯୋଗୁ ଅନେକ ବେକାର ହୋଇଯାଇଥିବା କେଜରିୱାଲ ଉଲ୍ଲେଖ କରିଛନ୍ତି।

ଏଣୁ କେନ୍ଦ୍ର ସରକାର ଦେଶରେ ଗରିବଙ୍କ ଲାଗି ଚଳାଇଥିବା ନିଶୁଳ୍କ ଖାଦ୍ୟ ଯୋଜନା ଆଉ ୬ ମାସ ଚଳାଇ ରଖନ୍ତୁ ବୋଲି କେଜରିୱାଲ ପ୍ରଧାନମନ୍ତ୍ରୀଙ୍କୁ ନିବେଦନ କରିଥିବା ବେଳେ ଦିଲ୍ଲୀ ସରକାର ଯୋଜନାକୁ ଆଉ ୬ ମାସ ସମ୍ପ୍ରସାରିତ କରିଥିବା ଘୋଷଣା କରିଛନ୍ତି। ତେବେ ଦିନକ ପୂର୍ବରୁ କେନ୍ଦ୍ର ଖାଦ୍ୟ ସଚିବ ସୁଧାଂଶୁ ପାଣ୍ଡେୟ ଦେଶରେ କୋଭିଡ କାରଣରୁ ଚଳାଯାଇଥିବା ନିଶୁଳ୍କ ରାସନ ଯୋଜନା ୩୦ ନଭେମ୍ବରରୁ ଆଗକୁ ଚଳାଯିବାର କୌଣସି ପ୍ରସ୍ତାବ ନାହିଁ ବୋଲି କହିଥିଲେ।

କେନ୍ଦ୍ର ଖାଦ୍ୟ ସଚିବଙ୍କ ବୟାନର ଗଣମାଧ୍ୟମ କ୍ଲିପିଂ ସଂଯୁକ୍ତ କରି କେଜରିୱାଲ ଶନିବାର ତାଙ୍କ ଟ୍ୱିଟ୍‌ରେ ଯୋଜନାର ସମ୍ପ୍ରସାରଣ ଘୋଷଣା କରିଛନ୍ତି। ଦିଲ୍ଲୀ ସରକାର ଜାତୀୟ ଖାଦ୍ୟ ସୁରକ୍ଷା ଆଇନ ୨୦୧୩ ଓ ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନାରେ ରାଜ୍ୟର ହିତାଧିକାରୀଙ୍କୁ ଏପର୍ଯ୍ୟନ୍ତ ନିଶୁଳ୍କ ରାସନ ଉପଲବ୍ଧ କରିଆସୁଛନ୍ତି। ଜାତୀୟ ରାଜଧାନୀରେ ୨ ହଜାରରୁ ଅଧିକ ସୁଲଭ ଦୋକାନ ଥିବା ବେଳେ ଏହି ସବୁ ଦୋକାନଙ୍କ ମାଧ୍ୟମରେ ୧୭.୭୭ ଲକ୍ଷ ରାସନକାର୍ଡ ଧାରୀ ଓ ୭୨,୭୮ ଲକ୍ଷ ହିତାଧିକାରୀଙ୍କୁ ଉପକୃତ କରିଆସୁଛନ୍ତି।

   Related Posts