Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହରିୟାଣାର ସ୍ୱାସ୍ଥ୍ୟ ମନ୍ତ୍ରୀ କୋରୋନା ପଜିଟିଭ୍‌ ଚିହ୍ନଟ, ‘କୋଭାକ୍ସିନ୍‌’ର ପରୀକ୍ଷାମୂଳକ ଟିକା ନେଇଥିଲେ ଅନିଲ ଭିଜ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୬୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୦୯ କରୋନା ସଂକ୍ରମିତ, ୩୨୦୮୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଯାଜପୁର : ରାସ୍ତା ନିର୍ମାଣକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ, ୭ ଆହତ
  • ||
  • ବୁର୍ଲା ଭୀମସାରରେ ଅଘଟଣ, ବିଦ୍ୟୁତ ତାର ଛିଣ୍ଡି ପୋଡିଗଲା ରକ୍ତ ଭଣ୍ଡାର ଓ ପ୍ଲାଜମା ବ୍ୟାଙ୍କର ୫ଟି ଫ୍ରିଜର
  • ||

ଏସବିଆଇ ଏବଂ ବ୍ୟାଙ୍କ ଅଫ ବରୋଦା ଗ୍ରାହକଙ୍କ ବଡ ସୂଚନା : ଖାତାରେ ସର୍ବନିମ୍ନ ରାଶି ନ ରଖିଲେ ପଡିବ ଜୋରିମାନା, ଜାଣନ୍ତୁ କେତେ

13/04/2019 at 5:45 PM

ନୂଆଦିଲ୍ଲୀ ୧୩/୪ : ବ୍ୟାଙ୍କର ଶେଭିଂ ଆକାଉଣ୍ଟରେ ସର୍ବ ନିମ୍ନ ବାଲାନ୍ସ ରଖିବା ବାଧ୍ୟତାମୂଳକ କରିଦେଇଛି ବ୍ୟାଙ୍କ | ସାଧାରଣତଃ ବ୍ୟାଙ୍କ ଖାତାରେ ସର୍ବନିମ୍ନ ବାଲାନ୍ସ ନ ରଖିଲେ ବ୍ୟାଙ୍କ ଜୋରିମାନା ପକାଇଥାଏ | ତେବେ ପ୍ରତ୍ୟେକ ବ୍ୟାଙ୍କର ଜୋରିମାନା ରାଶି ଅଲଗା ଅଲଗା ରହିଥାଏ | ଏହି ସର୍ବନିମ୍ନ ବାଲାନ୍ସ ଏବଂ ଜୋରିମାନା ବ୍ୟାଙ୍କ ଖାତା ଉପରେ ନିର୍ଭର କରେ | ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ଏବଂ ବ୍ୟାଙ୍କ ଅଫ ବରୋଦା ସର୍ବନିମ୍ନ ରାଶି ପାଇଁ ନୂଆ ନିୟମ ଜାରି କରିଛନ୍ତି | ଆସନ୍ତୁ ଜାଣିବା ଏସବିଆଇ ଏବଂ ବ୍ୟାଙ୍କ ଅଫ ବରୋଦାର ସର୍ବନିମ୍ନ ରାଶି କେତେ ଏବଂ ଜୋରିମାନା କେତେ :


ଏସବିଆଇ : ଏସବିଆଇ ଗ୍ରାହକଙ୍କ ପାଇଁ ଶେଭିଂ ଆକାଉଣ୍ଟରେ ସର୍ବନିମ୍ନ ରାଶି ରଖିବା ଅନିବାର୍ଯ୍ୟ | ତେବେ ବ୍ୟାଙ୍କର ବେଶିକ ଶେଭିଂ ବ୍ୟାଙ୍କ ଡିପୋଜିଟ ଆକାଉଣ୍ଟ ପାଇଁ ଏହି ନିୟମ ଲାଗୁ କରାଯାଇ ନାହିଁ | ଏସବିଆଇରେ ଶାଖା ଅନୁଯାୟୀ ସର୍ବନିମ୍ନ ରାଶି ଅଲଗା ଅଲଗା | ମେଟ୍ରୋ ତଥା ବଡ ସହର ଶାଖାର ଗ୍ରାହକଙ୍କ ପାଇଁ ଖାତାରେ ୩୦୦୦ ଟଙ୍କା ରଖିବା ଜରୁରୀ | ଛୋଟ ସହର ପାଇଁ ଖାତାରେ ୨୦୦୦ ଟଙ୍କା ସର୍ବନିମ୍ନ ରାଶି ରଖିବା ଜରୁରୀ | ଗ୍ରାମୀଣ ଅଂଚଳରେ ୧୦୦୦ ଟଙ୍କା ସର୍ବନିମ୍ନ ରାଶି ରଖିବା ଜରୁରୀ | ମେଟ୍ରୋ କିମ୍ବା ବଡ ସହର ଖାତାଧାରୀ ଗ୍ରାହକ ଆକାଉଣ୍ଟରେ ଯଦି ୧୫୦୦ ରୁ କମ ରଖିଥାନ୍ତି ତାହେଲେ ୧୦ ଟଙ୍କା ପ୍ରତି ମାସକୁ ଜିଏସଟି ଲାଗିବ | ସର୍ବନିମ୍ନ ରାଶି ୫୦ ରୁ ୭୫ ପ୍ରତିଶତରୁ କମ ଥିଲେ ୧୨ ଟଙ୍କା ଜୋରିମାନା ଲାଗିବ | ଯଦି ବାଲାନ୍ସ ୩୦୦୦ ଟଙ୍କାର ୭୫ ପ୍ରତିଶତରୁ କମ ଥାଏ ତାହେଲେ ୧୫ ଟଙ୍କା ଜୋରିମାନା ଲାଗିବ | ଏହାସହ ଜିଏସଟି ମଧ୍ୟ ଦେବାକୁ ପଡିବ |


ବ୍ୟାଙ୍କ ଅଫ ବରୋଦା : ବ୍ୟାଙ୍କ ଅଫ ବରୋଦା ଶେଭିଂ ଆକାଉଣ୍ଟର ସର୍ବନିମ୍ନ ରାଶି ବଢ଼ାଇ ଦେଇଛି | ନୂଆ ନିୟମ ୨୦୧୯ ଫେବୃଆରୀ ୧ ତାରିଖରୁ ଲାଗୁ ହୋଇଛି | ସହରୀ ଗ୍ରାହକଙ୍କ ପାଇଁ ସର୍ବନିମ୍ନ ବାଲାନ୍ସ ୧୦୦୦ ଟଙ୍କାରୁ ବଢ଼ାଇ ୨୦୦୦ ଟଙ୍କା କରାଯାଇଛି | ଛୋଟ ସହର ଶାଖା ପାଇଁ ସର୍ବ ନିମ୍ନ ରାଶି ୫୦୦ ଟଙ୍କାରୁ ବଢ଼ାଇ ୧୦୦୦ ଟଙ୍କା କରାଯାଇଛି | ଗ୍ରାହକ ନିୟମିତ ସର୍ବନିମ୍ନ ରାଶି ନ ରଖିଲେ ଜୋରିମାନା ଦେବାକୁ ହେବ | ବ୍ୟାଙ୍କ ତରଫରୁ ଦିଆଯାଇଥିବା ସୂଚନା ଅନୁଯାୟୀ, ଯଦି ବଡ ସହର ଏବଂ ମେଟ୍ରୋ ସହର ଗ୍ରାହକ ସର୍ବନିମ୍ନ ରାଶି ନ ରଖନ୍ତି ତାହେଲେ ୨୦୦ ଟଙ୍କା ଜୋରିମାନା ଦେବାକୁ ପଡିବ | ଛୋଟ ସହର ଖାତାଧାରୀ ସର୍ବନିମ୍ନ ରାଶି ନ ରଖିଲେ ୧୦୦ ଟଙ୍କା ଜୋରିମାନା ଦେବାକୁ ହେବ |

   Related Posts