Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଏବେ ତୃତୀୟ ଲହର ଚାଲିଛି, ତଥାପି ଭୟଭୀତ ହେବାର ଆବଶ୍ୟକତା ନାହିଁ: ମୁଖ୍ୟ ସଚିବ
  • ||
  • ପୁରୀ: ପୋଲିସ କବଜାରେ ୩ ଧଳାଜହର ବେପାରୀ, ୧୭୨ ବ୍ରାଉନ ସୁଗାର ଜବତ
  • ||
  • କ୍ୟାପଟେନ୍ ପଦ ଛାଡିବା ପରେ କୋହଲିଙ୍କ ଟେଷ୍ଟ ରାଙ୍କିଙ୍ଗ୍ରେ ସୁଧାର, ଟପ୍-୧୦କୁ ଫେରିଲେ ବୁମରା
  • ||
  • କଳାହାଣ୍ଡି; ଗୋଲାମୁଣ୍ଡା ଗାଁ ପୋଖରୀରେ ବୁଡି ଜାଆଁଳା ଭାଇ ମୃତ
  • ||
  • ବିଜେପିରେ ମିଶି ପାରନ୍ତି କଂଗ୍ରେସର ପୋଷ୍ଟର ଗର୍ଲ ପ୍ରିୟଙ୍କା ମୌର୍ଯ୍ୟ, କହିଲେ- ପାର୍ଟି ମୋର ଫାଇଦା ଉଠାଇଲା
  • ||
  • ଭାରତର ଷ୍ଟାର ଟେନିସ୍ ଖେଳାଳି ସାନିଆ ମିର୍ଜାଙ୍କ ଅବସର ଘୋଷଣା, ୨୦୨୨ ହେବ ଶେଷ ସିଜିନ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୮୨ ହଜାରରୁ ଅଧିକ କରୋନା ପଜିଟିଭ୍, ୪୪୧ ମୃତ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୯୪କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୬୦୭ କୋଭିଡ୍ ପଜିଟିଭ୍, ୧୧୬୭୦୯୪ରେ ପହଞ୍ଚିଲା ସଂଖ୍ୟା
  • ||
  • ଗ୍ଲୋବାଲ ମେୟର୍ସ ଚ୍ୟାଲେଞ୍ଜ-୨୦୨୧: ବିଶ୍ୱର ଶ୍ରେଷ୍ଠ ୧୫ ସହରରେ ରାଉରକେଲା, ଟ୍ୱିଟ୍‌ କରି ପ୍ରଶଂସା କଲେ ମୁଖ୍ୟମନ୍ତ୍ରୀ
  • ||

ବଦଳିଲା ତାରିଖ : ଏପ୍ରିଲ ୨୯ରେ ଖୋଲିବ କେଦାରନାଥ ଓ ମେ ୧୫ ତାରିଖରେ ଖୋଲିବ ବଦ୍ରୀନାଥ କବାଟ

22/04/2020 at 12:34 PM

ଡେରାଡୁନ ୨୨/୦୪ : କେଦାରନାଥ ଓ ବଦ୍ରୀନାଥ କବାଟ ଖୋଲିବା ନେଇ ବିବାଦ ବଢି ଚାଲିଛି | ପ୍ରଥମଥର ପାଇଁ ମନ୍ଦିର କବାଟ ଖୋଲିବା ତାରିଖ ତୃତୀୟ ଥର ପାଇଁ ପରିବର୍ତ୍ତନ ହୋଇଛି | କେଦାରନାଥ କବାଟ ବର୍ତ୍ତମାନ ଏପ୍ରିଲ ୨୯ ତାରିଖରେ ଖୋଲିବା ପାଇଁ ନିଷ୍ପତ୍ତି ହୋଇଛି | ଏପଟେ ବଦ୍ରୀନାଥ ଧାମ ମେ ୧୫ ତାରିଖରେ ଖୋଲିବ |

ପାରମ୍ପରିକ ତରିକା ଅନୁସାରେ ଏପ୍ରିଲ ୨୯ ତାରିଖ କେଦାରନାଥ କବାଟ ଖୋଲାଯିବା ନେଇ ଶିବରାତ୍ରିରେ ନିଷ୍ପତ୍ତି ନିଆଯାଇଥିଲା | କିନ୍ତୁ କେଦାରନାଥ ମନ୍ଦିର ରାୱଲ ଲକଡାଉନ ଯୋଗୁଁ ମହାରାଷ୍ଟ୍ରରେ ଫସି ରହିଛନ୍ତି | ଲକଡାଉନ ଯୋଗୁ ଉତ୍ତରଖଣ୍ଡରେ ପହଞ୍ଚିବା ତାଙ୍କ ପାଇଁ ସମ୍ଭବ ହୋଇପାରିନାହିଁ | ସେ ନ ଆସିବା ଯାଏଁ ମନ୍ଦିର କବାଟ ଖୋଲା ଯାଇପାରିବ ନାହିଁ | କାରଣ ବାବା କେଦାରନାଥଙ୍କ ମୁକୁଟ ରାୱଲଙ୍କ ନିକଟରେ ଅଛି | ମୁକୁଟ ବିନା ପୂଜା ହୋଇ ପାରିବନାହିଁ |

ମଙ୍ଗଳବାର ଦିନ ଉଖିମଠରେ କେଦାରନାଥ ମନ୍ଦିର ସମିତି ଅଧିକାରୀ, ବେଦପାଠୀ, ପଞ୍ଚ ଗ୍ରାମବାସୀଙ୍କ ବୈଠକରେ ମନ୍ଦିର କବାଟ ଏପ୍ରିଲ ୨୯ ତାରିଖରେ ଖୋଲିବା ପାଇଁ ନିଷ୍ପତ୍ତି ନିଆଯାଇଥିଲା | ଏହି ବୈଠକରେ ଉଖିମଠ ରାୱଲ ଉପସ୍ଥିତ ନଥିଲେ | ସେ ବର୍ତ୍ତମାନ କ୍ଵାରେଣ୍ଟାଇନରେ ଅଛନ୍ତି | ବୈଠକ ପରେ ଲିଖିତ ଆକାରରେ ସନ୍ଦେଶ ପଠାଇ ତାଙ୍କୁ ସହମତି ମଗାଯାଇଥିଲା | ପ୍ରଶାସନ ରାୱଲଙ୍କୁ କ୍ଵାରେଣ୍ଟାଇନରେ ରହିବାକୁ କହିଥିଲେ | ସେ ଯେକୌଣସି ପ୍ରକାରେ ମନ୍ଦିର କବାଟ ଖୋଲା ପୂଜାରେ ସାମିଲ ହେବେ | ତେବେ ସେ କେମିତି ପହଞ୍ଚିବେ ତାର ବ୍ୟବସ୍ଥା ପ୍ରଶାସନ କରିବ | ୧୯ ଏପ୍ରିଲ ତାରିଖରେ ରାୱଲ ଉଖିମଠକୁ ଆସିଥିଲେ | ତାଙ୍କୁ କ୍ଵାରେଣ୍ଟାଇନରେ ରହିବାକୁ କୁହାଯାଇଛି | ତାଙ୍କର ୧୪ ଦିନିଆ କ୍ଵାରେଣ୍ଟାଇନ ଅବଧି ମେ ୩ ତାରିଖରେ ଶେଷ ହେବ |    

ରାୱଲଙ୍କ କରୋନା ଯାଞ୍ଚ କରାଯାଇଛି | ରିପୋର୍ଟ ୩ ଦିନ ପରେ ଆସିବ | ସେ ମହାରାଷ୍ଟ୍ର ନାନ୍ଦେଡରୁ ଆସିଥିଲେ | ନାନ୍ଦେଡ କରୋନାର ସବୁଜ ଜୋନ ଅନ୍ତର୍ଭୁକ୍ତ | ବଦ୍ରୀନାଥ ଧାମର ରାୱଲ ୨୦ ତାରିଖରେ ଉତ୍ତରାଖଣ୍ଡରେ ପହଞ୍ଚିଛନ୍ତି | ସେ ମଧ୍ୟ କରୋନା ସବୁଜ ଜୋନ ଘୋଷିତ କେରଳର କନ୍ନୁରରୁ ଆସିଛନ୍ତି | ବଦ୍ରୀନାଥ କବାଟ ଖୋଲାକୁ ନେଇ ଟିହରୀ ମହାରାଜା ସୋମବାର ଦିନ ତାରିଖ ବଦଳାଇବା ପାଇଁ ନିଷ୍ପତ୍ତି ନେଇଥିଲେ | ପୂର୍ବରୁ ଏପ୍ରିଲ ୩୦ ତାରିଖରେ କବାଟ ଖୋଲିବା ନେଇ ନିଷ୍ପତ୍ତି ନିଆଯାଇଥିଲା | କିନ୍ତୁ ସୋମବାର ଦିନ ଏହି ତାରିଖ ବଦଳାଇ ମେ ୧୫ କରାଯାଇଛି | ବଦ୍ରୀନାଥ କବାଟ କେବେ ଖୋଲାଯିବ ତାହା ରାୱଲ ଓ ମନ୍ଦିର ସମିତି ନିଷ୍ପତ୍ତି ନେବେ ବୋଲି ମହାରାଜ କହିଥିଲେ |

ବଦିନାଥ ମନ୍ଦିର ଖୋଲା ତାରିଖ ୧୫ ତାରିଖ ଯାଏଁ ସ୍ଥଗିତ ରଖାଯାଇଛି କାରଣ ସେଠାରେ ଗାଡ଼ୁ ଘଡା ପରମ୍ପରା ନିର୍ବାହ କରାଯାଏ | ଏହି ପରମ୍ପରା ୩୦ ରୁ ୪୦ ଜଣ ମହିଳା ମିଶି କରିଥାନ୍ତି | କିନ୍ତୁ ସାମାଜିକ ଦୂରତାରେ ଏହି ପରମ୍ପରା ପାଳନ କରିବା ସମ୍ଭବ ନୁହେଁ | ସେଥିପାଇଁ ବଦ୍ରୀନାଥ କବାଟ ଲକଡାଉନ ପରେ ଖୋଲା ହେବ ବୋଲି ନିଷ୍ପତ୍ତି ନିଆଯାଇଛି |

   Related Posts