Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

ସେଦିନର କରୋଡପତି ଆଜି ଏସ୍‌ପି: କେବିସି ଜୁନିଅରରେ ଜିତିଥିଲେ ୧ କୋଟି ଟଙ୍କା, ଏବେ ଆଇପିଏସ୍

31/05/2020 at 4:17 PM

ପୋରବନ୍ଦର, ୩୧|୦୫:  ସେ ୨୦୦୧ରେ କୌନ ବନେଗା କରୋଡପତି ବା କେବିସି ଜୁନିଅରରେ ସର୍ବାଧିକ ଅର୍ଥ ଜିତିଥିଲେ । ଅତି ଚମତ୍କାର ଭାବେ ସମସ୍ତ ପ୍ରଶ୍ନର ଉତ୍ତର ରଖିଥିଲେ । ଏହି ପ୍ରୟାସ ତାଙ୍କୁ ଦେଇଥିଲା ୧ କୋଟି ଚଙ୍କା ଉପହାର । ଏବେ ସେହି ଛୋଟ ପିଲାଜଣଙ୍କ ଭାରତୀୟ ପୋଲିସ ସେବାର ଜଣେ ଅଫିସର ଭାବେ ଦେଶର ସେବା କରୁଛନ୍ତି । ସେତେବେଳର ଏହି ଛୋଟ ଶିଶୁ ହେଉଛନ୍ତି ଡାକ୍ତର ରବି ମୋହନ ସାଇନୀ । ସେ ଏବେ ଗୁଜୁରାଟ ପୋରବନ୍ଦରର ଏସପି ଭାବେ କାର୍ଯ୍ୟରତ ।

ରବି ମୋହନ ସାଇନୀ ୨୦୦୧ କୌନ ବନେଗା କରୋଡପତିରେ ୧ କୋଟି ଟଙ୍କା ଜିତିଥିଲେ । ପରେ ସେ ବଡ ହୋଇଥିଲେ । ମନରେ ଆଶା ଜନ୍ମିଥିଲା । ଆଇପିଏସ ଅଫିସର ହେବାର ନିଶା ଘାରିଥିଲା । ଏହାପରେ ସେ କଠୋର ତପସ୍ୟା କରିଥିଲେ । ପରିଶ୍ରମ କରିଥିଲେ । ଯାହାର ଫଳସ୍ୱରୂପ ସେ ୨୦୧୪ରେ ୟୁପିଏସସିରେ ୪୬୧ ରାଙ୍କ୍ ପାଇ ଆଇପିଏସ ଅଫିସର ହୋଇଥିଲେ ।

ଏବେ ରବି ୩୩ ବର୍ଷରେ ପାଦ ଦେଇଛନ୍ତି । ସେ ଗୁଜୁରାଟ ପୋରବନ୍ଦରର ଏସପି ଭାବେ କାର୍ଯ୍ୟ ତୁଲାଉଛନ୍ତି । ତାଙ୍କୁ ୧୪ ବର୍ଷ ବୟସ ହୋଇଥିଲା ଓ ସେ ଦଶମ ଶ୍ରେଣୀରେ ପଢୁଥିଲେ । ସେହି ସମୟରେ ହିଁ ସେ କୌନ ବନେଗା କରୋଡପତିରେ ପ୍ରତିଯୋଗୀ ଭାବେ ଭାଗ ନେଇଥିଲେ । ସେ ୧ କୋଟି ଚଙ୍କା ଜିତିଥିଲେ ମଧ୍ୟ ଟ୍ୟାକ୍ସ କଟି ୬୯ ଲକ୍ଷ ଟଙ୍କା ପାଇଥିଲେ ।

   Related Posts