Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆରମ୍ଭ ହେଲା କେବିସି-୧୨ ର ସୁଟିଂ, ସେଟର ଫଟୋ ସେୟାର କଲେ ବିଗ୍ ବି

24/08/2020 at 3:26 PM

ମୁମ୍ବାଇ ୨୪/୦୮ : ମହାନାୟକ ଅମିତାଭ ବଚ୍ଚନ କିଛି ଦିନ ପୂର୍ବରୁ କରୋନାକୁ ମାତ ଦେଇ ସୁସ୍ଥ ହୋଇ ଘରକୁ ଫେରି ଥିଲେ | ହସ୍ପିଟାଲରେ ଥିବା ସମୟରେ ମଧ୍ୟ ସେ ସୋସିଆଲ ମିଡ଼ିଆ ରେ ଆକ୍ଟିଭ ରହୁଥିଲେ | କିଛି ଦିନ ପୂର୍ବରୁ ସେ ସୂଚନା ଦେଇଥିଲେ ଯେ ଖୁବ ଶୀଘ୍ର କେବିସି-୧୨ (KBC-12) ସୁଟିଂ ଆରମ୍ଭ କରିବାକୁ ଯାଉଛନ୍ତି | ବର୍ତମାନ କେବିଶି ୧୨ ର ସୁଟିଂ ଆରମ୍ଭ ହୋଇଥିବା ସେ ସୂଚନା ଦେଇଛନ୍ତି | ଅମିତାଭ ବଚ୍ଚନ ନିଜ ଇନ୍ସଟାଗ୍ରାମ ଆକାଉଣ୍ଟରେ ସୁଟିଂ ସେଟର ଏକ ଫଟୋ ସେୟାର କରିଛନ୍ତି | ସେଟରେ ସମସ୍ତେ ପିପିଇ କିଟ ପିନ୍ଧିଥିବା ଫଟୋରେ ଦେଖିବାକୁ ମିଳିଛି | ଏହାସହ ପୁରା ସେଟକୁ ନୀଳ ରଙ୍ଗର ସୁରକ୍ଷା କଭର ଢଙ୍କା ଯାଇଛି | ସେଟରେ କ୍ୟାମେରାମ୍ୟାନ ସମେତ ଅନ୍ୟ ସମସ୍ତ ସଦସ୍ୟ ପିପିଇ କିଟ, ଗ୍ଲୋଭସ୍ ଓ ମାସ୍କ ପିନ୍ଧିଛନ୍ତି | 

ଫଟୋ ସେୟାର କରି ଅମିତାଭ ଲେଖିଛନ୍ତି, “କାମକୁ ଫେରିଯାଇଛୁ…ପିପିଇର ନୀଳ ସମୁଦ୍ରରେ…କେବିସି ୧୨…୨୦୦୦ ରେ ଆରମ୍ଭ କରାଯାଇଥିଲା ଏବଂ ଆଜି ୨୦୨୦ ମସିହା…୨୦ ବର୍ଷ ! ଆଶ୍ଚର୍ଯ୍ୟ…ଏହା ସାରା ଜୀବନର ସମୟ” ବିଗ ବିଙ୍କ ଏହି ପୋଷ୍ଟରେ ଲୋକେ ଖୁବ ପ୍ରତିକ୍ରିୟା ଦେଇଛନ୍ତି | ଲୋକେ ତାଙ୍କୁ ଶୁଭକାମନା ଜଣାଇଛନ୍ତି |

ବିଗ ବି ସୋସିଆଲ ମିଡ଼ିଆରେ ବହୁତ ଆକ୍ଟିଭ ରୁହନ୍ତି | ସେ ଅଧିକାଂଶ ସମୟରେ ସୋସିଆଲ ମିଡ଼ିଆରେ ନିଜ ପ୍ରଶଂସକଙ୍କ ସହିତ ରୋମାଞ୍ଚକ ପୋଷ୍ଟ ସେୟାର କରିଥାନ୍ତି | ପ୍ରଶଂସକ ମଧ୍ୟ ତାଙ୍କ ପୋଷ୍ଟକୁ ଖୁବ ପସନ୍ଦ କରିଥାନ୍ତି |

   Related Posts