ଗହ୍ବାଟୀ ୧୯|୭: ଚୀନର ହୋୟାହୋଂ ପରି ଆସାମବାସୀଙ୍କ ପାଇଁ ଅଭିଶାପ ପାଲଟିଛି ବ୍ରହ୍ମପୁତ୍ର ନଦୀ । ଉପର ମୁଣ୍ଡରେ ବର୍ଷା ହେବା କାରଣରୁ ଭୟଙ୍କର ରୂପ ଧାରଣ କରିଛି ବ୍ରହ୍ମପୁତ୍ର । ବନ୍ୟା ବିତ୍ପାତ ପାଇଁ ବାସଶୂନ୍ୟ ହୋଇଛନ୍ତି ଆସାମର ଲକ୍ଷ ଲକ୍ଷ ଲୋକ । ସେହିପରି ବିଶ୍ବ ଐତିହ୍ୟ ମାନତ୍ୟ ପାଇଥିବା କାଜିରଙ୍ଗା ଜାତୀୟ ଉଦ୍ୟନରେ ଜୀବନ ହୋଇ ପଡ଼ିଛି ଦୁର୍ବିସହ । ମୃତ୍ୟୁ ସହ ସଂଘର୍ଷ କରୁଛନ୍ତି ହଜାର ହଜାର ବିଲୁପ୍ତ ପ୍ରଜାତିର ଜୀବଜନ୍ତୁ ।

{"id":135284}

ଚାରିଆଡ଼େ ପାଣି ଆଉ ପାଣି, ପାଦ ଥାପିବାକୁ ଜାଗା ନାହିଁ। ସତେ ଯେମିତି ମୃତ୍ୟୁ ଅପେକ୍ଷାରେ ଅଛନ୍ତି ଜୀବଜନ୍ତୁ ଆଉ ମଣିଷ । ନଦୀ ପାଲଟିଛି କାଜିରଙ୍ଗା ଜାତୀୟ ପାର୍କ । କାଜିରଙ୍ଗାର ୪୦୦ ବର୍ଗ କିଲୋମିଟରରୁ ଅଧିକ ଅଞ୍ଚଳକୁ ବ୍ୟାପିଛି ବନ୍ୟାପାଣି । ଜଙ୍ଗଲରେ ଲହଡ଼ି ଭାଙ୍ଗୁଛି ୧୫ ଫୁଟ ଉଚ୍ଚର ପାଣି । ଆଉ ଏ ଦୃଶ୍ୟକୁ ଦେଖନ୍ତୁ ଜୀବନ ବଞ୍ଚାଇବା ପାଇଁ କେମିତି ପ୍ରାଣ ମୁଚ୍ଛା ପହଁରୁଛନ୍ତି ହରିଣ ପହ୍ଲ, ବ୍ରହ୍ମପୁତ୍ର ସହ ଲଢ଼େଇ କରୁଛି ଗଣ୍ଡା । ଯେଉଁଠି ଟିକିଏ ଉଚ୍ଚସ୍ଥାନ ମିଳୁଛି ସେଠି ଆଶ୍ରୟ ନେଉଛନ୍ତି ଉଭୟ ଖାଦ୍ୟ ଓ ଖାଦକ । କାରଣ ଉଭୟଙ୍କର ଏବେ ସମଦଶା ।

{"id":135285}

କେବଳ ହରିଣ କିମ୍ବା ଗଣ୍ଡା ନୁହଁନ୍ତି କାଜିରଙ୍ଗାରେ ରହୁଥିବା ସମସ୍ତ ଜୀବଜନ୍ତୁଙ୍କ ସ୍ଥିତି ସମାନ ।  ସଭିଏଁ ଯେମିତି ଅପେକ୍ଷା କରିଛନ୍ତି କେବେ ସରିବ ଏ ଜଳ ପ୍ରଳୟ । ଯେଉଁ ବିଲୁପ୍ତ ଜୀବଜନ୍ତୁଙ୍କ ପାଇଁ କାଜିରଙ୍ଗା ବିଶ୍ବ ଐତିହ୍ୟର ମାନ୍ୟତା ପାଇଛି । ସେହି ଜୀବଜନ୍ତୁ ଏବେ ବିପଦସଂକୁଳ ଅବସ୍ଥାରେ ।

{"id":135286}

 ବ୍ରହ୍ମପୁତ୍ର ପାଣିରେ କାଜିରଙ୍ଗାର ପ୍ରାୟ ୯୦ ପ୍ରତିଶତ ବୁଡ଼ିଯାଇଛି । ଯେଉଁଥି ପାଇଁ ଏ ପର୍ଯ୍ୟନ୍ତ ୫୦ରୁ ଅଧିକ ଜୀବଜନ୍ତୁଙ୍କ ମୃତ୍ୟୁ ହୋଇଥିବା ଜଣାପଡ଼ିଛି ।ବନ୍ୟା ପରିସ୍ଥିତିକୁ ଦୃଷ୍ଟିରେ ରଖି ବେଶ ତତତ୍ପର ହୋଇଛି ଆସାମ ବନ ବିଭାଗ । ଜୀବଜନ୍ତୁଙ୍କ ସୁରକ୍ଷାକୁ ବେଶ ଗୁରୁତ୍ବ ଦିଆଯାଇଛି । ସେହିପରି ଜୀବଜନ୍ତୁ ଶିକାର ହେବାର ମଧ୍ୟ ସମ୍ଭାବନା ରହିଛି ।ତେଣୁ କାଜିରଙ୍ଗା ନିକଟ ଦେଇ ଯାଇଥିବା ୩୭ ନମ୍ବର ଜାତୀୟ ରାଜପଥ ଉପରେ କଡ଼ା ନଜର ରଖାଯାଇଛି । ଆସାମର କରିମଗଞ୍ଜ ନିକଟ ସୂତାରକାଣ୍ଡି ଠାରୁ ମଣିପୁରର ଭାଲି ପର୍ଯ୍ୟନ୍ତ ସୁରକ୍ଷାକୁ କଡ଼ାକଡ଼ି କରାଯାଇଛି । ଉପଯୁକ୍ତ ପାସ୍‌ ସହିତ ଗାଡ଼ି ଗୁଡ଼ିକୁ ଛାଡୁଛି ବନବିଭାଗ।

{"id":135287,"width":575,"height":322}

 ଗତ ୨୪ ଘଣ୍ଟା ମଧ୍ୟରେ ଜୀବଜନ୍ତୁଙ୍କ ମୃତ୍ୟୁ ସଂଖ୍ୟା ୩୦ରୁ ୫୧ରେ ପହଁଞ୍ଚିଛି। ଏପର୍ଯ୍ୟନ୍ତ ମୋଟ ୫ଟିଗଣ୍ଡାର ମୃତ୍ୟୁ ହୋଇଥିବା ବେଳେ ସେମାନଙ୍କ ଭିତରୁ ୪ଟିର ପାଣିରେ ବୁଡ଼ିବା ଯୋଗୁଁ ମୃତ୍ୟୁ ହୋଇଛି । ସେହିପରି ପାଣିରେ ବୁଡ଼ିଯିବାରୁ ଏକାଧିକ ହରିଣ, ସମ୍ବର ଓ ବାରହାଙ୍କର ମୃତ୍ୟୁ ହୋଇଥିବା ଜଣାପଡ଼ିଛି । ତେବେ ୫୭ଟି ବିଭିନ୍ନ ପ୍ରାଣୀଙ୍କୁ ଉଦ୍ଧାର କରି ଚିକିତ୍ସା କରୁଛି ବନବିଭାଗ । ଏବେ ସୁଦ୍ଧା ବନବିଭାଗ ପକ୍ଷରୁ ନିର୍ମାଣ କରାଯାଇଥିବା ୧୯୯ ବାତ୍ୟା ଆଶ୍ରୟସ୍ଥଳ ମଧ୍ୟରୁ ୧୬୯ଟି ସୁରକ୍ଷିତ ଥିବା କୁହାଯାଇଛି ।

{"id":135288}

ସେହିପରି କାଜିରଙ୍ଗା ମଧ୍ୟରେ  ବିଭିନ୍ନ ପାହାଡ଼ ଉପରେ ନିର୍ମାଣ କରାଯାଇଥିବା ଉଚ୍ଚସ୍ଥାନ ଗୁଡ଼ିକରେ ବହୁ ପରିମାଣରେ ହାତୀ ଗଣ୍ଡା ଓ ହରିଣ ଆଶ୍ରୟ ନେଇଛନ୍ତି । କାଜିରଙ୍ଗା ଅଧିକାରୀଙ୍କ ସହ ବନ ବିଭାଗ ମଧ୍ୟ ସଜାଗ ଥିବା କହିଛନ୍ତି ସେଠାକାର ଜଙ୍ଗଲ ମନ୍ତ୍ରୀ । ତେବେ ୨୦୧୭ ବନ୍ୟାରେ ୩୧ ଗଣ୍ଡାଙ୍କ ସମେତ ୪ ଶହରୁ ଅଧିକ ଜୀବଜନ୍ତୁଙ୍କ ମୃତ୍ୟୁ ହେବାରୁ ବନ୍ୟା ସମୟରେ ଜୀବଜନ୍ତୁ ସୁରକ୍ଷିତ ରଖିବା ପାଇଁ ଏପରି ଉଚ୍ଚ ଆଶ୍ରୟସ୍ଥଳ ନିର୍ମାଣ କରାଯାଇଛି ।

{"id":135289}

କାଜିରଙ୍ଗାରେ ଆସୁଥିବା ବନ୍ୟାକୁ ଅଟକାଇ ହେବ ନାହିଁ । କାରଣ ଉପର ମୁଣ୍ଡରେ ବନ୍ୟା ଆସିବା ନିଶ୍ଚିତ । କିନ୍ତୁ ଜୀବଜନ୍ତୁଙ୍କ ପ୍ରତି ସରକାର  ସଜାଗ ନହେଲେ । ପ୍ରତିବର୍ଷ ବନ୍ୟାରେ ଅନେକ ଜୀବଜନ୍ତୁ ତଥା ବିରଳ ଗଣ୍ଡାଙ୍କର ମୃତ୍ୟୁ ହେବ । ସାରା ବିଶ୍ବରେ ଥିବା ମୋଟ ଗଣ୍ଡା ସଂଖ୍ୟାର ଦୁଇ ତୃତୀୟାଶଂ କାଜିରଙ୍ଗାରେ ରୁହନ୍ତି । କିନ୍ତୁ ଏପରି ଗଣ୍ଡା ମୃତ୍ୟୁ ଜାରି ରହିଲେ ଦିନେ କାଜିରଙ୍ଗାଯେ ଗଣ୍ଡା ଶୂନ୍ୟ ନହେବ କିଏ କହିବ ।