ମୁମ୍ବାଇ ୨୯/୧୧: ତେଲୁଗୁ ସିନେମାର ଭେଟେରାନ କୋରିଓଗ୍ରାଫର ଶିବା ଶଙ୍କରଙ୍କ ଦେହାନ୍ତ ହୋଇଛି। ରବିବାର ଏକ ଘରୋଇ ହସ୍ପିଟାଲରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। ୭୨ ବର୍ଷୀୟ ଶିବା ଶଙ୍କର କରୋନାରେ ସଂକ୍ରମିତ ହୋଇଥିଲେ। ଯାହା ପରେ ତାଙ୍କ ଅବସ୍ଥା ଗୁରୁତର ରହିଥିଲା । କିଛି ଦିନ ପୂର୍ବରୁ ସୋସିଆଲ ମିଡିଆରେ ଶିବ ଶଙ୍କରଙ୍କ ବିଷୟରେ ଖବର ଆସିଥିଲା ଯେ ଆର୍ଥିକ ସମସ୍ୟା ହେତୁ ତାଙ୍କ ପରିବାର ତାଙ୍କର ଭଲ ଚିକିତ୍ସା କରାଇପାରୁ ନାହାଁନ୍ତି। ଯାହା ପରେ ସୋନୁ ସୁଦ ଏବଂ ତାମିଲ ଅଭିନେତା ଧନୁଷଙ୍କ ସମେତ ସୁପରଷ୍ଟାର ଚିରଞ୍ଜୀବୀ ତାଙ୍କ ପରିବାରକୁ ସାହାଯ୍ୟ କରିଥିଲେ।
wp:html/wp:htmlHeartbroken to hear about the demise of Shiv Shankar masterji. Tried our best to save him but God had different plans. Will always miss you masterji.
— sonu sood (@SonuSood) November 28, 2021
May almighty give strength to the family to bear this loss.
Cinema will always miss u sir ? pic.twitter.com/YIIIEtcpvK
ଶିବା ଶଙ୍କରଙ୍କ ମୃତ୍ୟୁରେ ସୋନୁ ସୁଦ ଭାଙ୍ଗିପଡିଛନ୍ତି। ସେ ଟୁଇଟରେ ଦୁଃଖ ପ୍ରକାଶ କରି ଲେଖିଛନ୍ତି- 'ଶିବା ଶଙ୍କର ମାଷ୍ଟରଜୀଙ୍କ ଦେହାନ୍ତ ଖବର ଶୁଣି ବହୁତ ଦୁଃଖିତ। ତାଙ୍କୁ ବଞ୍ଚାଇବା ପାଇଁ ଆମେ ଯଥାସମ୍ଭବ ଚେଷ୍ଟା କରିଥିଲୁ କିନ୍ତୁ ଭଗବାନ ଅନ୍ୟ କିଛି ସ୍ଥିର କରିଥିଲେ। ଆମେ ସବୁବେଳେ ମାଷ୍ଟରଜୀଙ୍କୁ ମନେ ପକାଇବୁ। ଭଗବାନ ଏହି କ୍ଷତି ସହିବାକୁ ପରିବାରକୁ ଶକ୍ତି ଦିଅନ୍ତୁ। ସିନେମା ସବୁବେଳେ ଆପଣଙ୍କୁ ମନେ ପକାଇବ।’
ଶିବା ଶଙ୍କର ଦକ୍ଷିଣ ଭାରତୀୟ ସିନେମାର ଜଣେ ଜଣାଶୁଣା କୋରିଓଗ୍ରାଫର ଥିଲେ। ୨୦୦୮ ରେ, ସେ 'ମଗଧିରା' ଫିଲ୍ମର 'ଧିରା ଧିରା' ଗୀତର କୋରିଓଗ୍ରାଫି ପାଇଁ ଜାତୀୟ ଫିଲ୍ମ ପୁରସ୍କାର ଗ୍ରହଣ କରିଥିଲେ । ଏହି ଫିଲ୍ମରେ ରାମ ଚରଣ ଏବଂ କାଜଲ ଅଗ୍ରୱାଲ ମୁଖ୍ୟ ଭୂମିକାରେ ଅଭିନୟ କରିଥିଲେ।