Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହରଭଜନ ସିଂହ କରୋନା ଆକ୍ରାନ୍ତ, ନିଜକୁ କଲେ ଆଇସୋଲେଟ୍‌
  • ||
  • ଚୋରା ବାଲି କାରବାରରୁ ହତ୍ୟା, ଶ୍ରମିକଙ୍କ ଉପରେ ଚଢାଇଦେଲେ ଟ୍ରାକ୍ଟର !
  • ||
  • ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୯୮୩୩ କୋଭିଡ୍ ପଜିଟିଭ୍, ୧୧୮୭୨୯୫ରେ ପହଞ୍ଚିଲା ସଂଖ୍ୟା
  • ||
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

ଶରତର ଧଳା ମେଘ ଭର୍ତ୍ତି ଆକାଶ ତଳେ କାଶତଣ୍ଡୀର ସମ୍ଭାର: ପାର୍ବଣ ଆଗମନର ଦେଲାଣି ସୂଚନା…

14/09/2019 at 4:18 PM

ବାଲେଶ୍ବର( ବ୍ରହ୍ମ ରଥ)୧୪|୯: ପବନରେ ଦୋଳି ଖେଳୁଛି କାଶତଣ୍ଡୀ  । ପାଖରୁ ଦେଖିଲେ  ଯେ କେହି ଆନମନା ହୋଇଯିବ । ଆଉ ଦୂରରୁ ଦେଖିଲେ ଲାଗୁଛି ଯେମିତି ଧରଣୀ ରାଣୀ ଉପରେ ଢାଙ୍କି ହୋଇ ପଡିଛି ଧଳା ଚାଦରଟିଏ ।

ବାସ ହୀନ କାଶତଣ୍ଡୀ ।ଦେବ ପୂଜାରେ ବି ଲାଗେନାହିଁ ।  ହେଲେ ଶରତରେ  ଧରା ପୃଷ୍ଠର ସୌନ୍ଦର୍ଯ୍ୟକୁ  କରୁଛି ଶତଗୁଣିତ । କାଶ ତଣ୍ଡୀ ଫୁଟିବା  ପାଇଁ ଲୋଡ଼ା ନଥାଏ କୌଣସି ଉଦ୍ୟାନ  କି ମାଳିର ଯତ୍ନ । ନଈ ପଠା , ରାସ୍ତା ପାର୍ଶ୍ବ, ବିଲ ପାଖ ଯେଉଁଠି ପାରୁଛି ସେଇଠି ଫୁଟୁଛି ଆଉ  ବଢ଼ାଉଛି ଧରଣୀ ରାଣୀର ସୌନ୍ଦର୍ଯ୍ୟ  ।ଭାବୁକକୁ ଭାବ ବିହ୍ବର କରୁଛି  କାଶତଣ୍ଡୀ ।

କବିଙ୍କ ଭାଷାରେ-

ଶରତ ଆସୁଛି ମରତକୁ ବୁଲି

କହିଦେଇହଲା ବରଷା ରାଣୀ

ପହିଲି ଅଶିଣ, ପହିଲି ଛୁଆଁରେ

ଶିହିରି ଉଠୁଛି ସତେ ଧରଣୀ

ଶରତକୁ ତୁମ ସୁଷମାରେ ଆଜି

ଛୁଟେ ସେଫାଳୀର ବାସ

ତୁମ ଆଗମନେ ମା ପାଇଁ ପରା

କାଶତଣ୍ଡୀ ଓଠେ ହସ…

ସେହିଭଳି କବି ଅଶୋକ ମହାପାତ୍ରଙ୍କ କବିତାର ଘୋଟିଏ ପଙ୍କ୍ତି ହେଲା-

କେମିତି ସେ ଦୃଶ୍ୟ ସ୍ମିତହାସ୍ୟ ବୋଳା

ପାଉଁଜିର ରୁଣୁଝୁଣୁ ସଜଦାଣ୍ଡ ଓଳା

ଗଙ୍ଗଶିଉଳି ପଞ୍ଝାରେ ବାଡିପଟ ଚଉତାରା

ନଈପଠା ଓଠଧାରେ କାଶତଣ୍ଡୀ ପଦ୍ମତୋଳା…

କାଶତଣ୍ଡୀ ଫୁଟିଲେ ସୂଚାଇଦିଏ ମା  ଧରା ପୃଷ୍ଠକୁ ଓହ୍ଲାଇବେ ବୋଲି । ଲାଗେ ସତେ ଯେମିତି ଧରଣୀ ରାଣୀ ଶୁଭ୍ର ଶାଢ଼ୀ ପିନ୍ଧି ମାଙ୍କ ସ୍ବାଗତ ପାଇଁ ଅନାଇ ବସିଛି  । କାଶତଣ୍ଡୀ ପବନରେ ଯେତିକି ଜୋରେ ହସି ଦୋଳି ଖେଳୁଛି, ଖରାରେ ସେତିକି ଚକ୍ ଚକ୍ କରୁଛି  ।

ସେଥିପାଇଁ ତ କବି, ଲେଖକ ଟିକିଏ ଅଧିକ ଭାବୁକ ହୋଇପଡିଛନ୍ତି । କାଶତଣ୍ଡୀ ଏମାନଙ୍କ କଲମ ମୁନକୁ ଅଧିକ  ଚଳଚଞ୍ଚଳ କରାଇଦେଉଛି ।ପାର୍ବଣ ଆସିଛି ବୋଲି ସୂଚାଇ ଦେଉଛି କାଶତଣ୍ଡୀ । ଏବେ କେବଳ ମହିଷା ମର୍ଦ୍ଦିନୀଙ୍କ ଆଗମନକୁ ଅପେକ୍ଷା…

   Related Posts