Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗତ ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୨୦୧୦ ସଂକ୍ରମିତ
  • ||
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||

ଅକ୍ଷୟ କୁମାରଙ୍କ ପରେ ସାହାଯ୍ୟର ହାତ ବଢାଇଲେ କାର୍ତ୍ତିକ ଆର୍ୟନ, ପ୍ରଧାନମନ୍ତ୍ରୀ ରିଲିଫ ଫଣ୍ଡକୁ ଦେଲେ ଏତିକି କୋଟି

30/03/2020 at 3:57 PM

ନୂଆଦିଲ୍ଲୀ ୩୦/୦୩ : କରୋନା ବିରୋଧ ଲଢ଼େଇରେ ସମଗ୍ର ଦେଶ ଏକଜୁଟ ହୋଇଛି । ଯିଏ ଯେତିକି ପାରୁଛନ୍ତି ଗରିବ ଲୋକ ଏବଂ ପୀଡିତଙ୍କୁ ସାହାଯ୍ୟ କରୁଛନ୍ତି | କିଏ ଆର୍ଥିକ ସହାୟତା ପ୍ରଦାନ କରୁଛନ୍ତି ତ କିଏ ଗରିବଙ୍କୁ ଖାଦ୍ୟ ଯୋଗାଉଛନ୍ତି | ବଲିଉଡର ଅନେକ କଳାକାର ଏହି ସଙ୍କଟ ପରିସ୍ଥିତିରେ ଆଗକୁ ଆସି ଲୋକଙ୍କୁ ସାହାଯ୍ୟ କରୁଛନ୍ତି | ସାଧାରଣ ଲୋକମାନେ ଗରିବ ଲୋକଙ୍କୁ ଖାଦ୍ୟ ବଣ୍ଟନ କରୁଥିବାବେଳେ ସେଲିବ୍ରେଟମାନେ ଆର୍ଥିକ ସାହାଯ୍ୟ କରୁଛନ୍ତି। ପ୍ରାରମ୍ଭରେ, ସେଲିବ୍ରେଟମାନେ ସାହାଯ୍ୟ ଦୃଷ୍ଟିରୁ ଟିକେ ନୀରବ ଦେଖାଯାଉଥିଲେ, କିନ୍ତୁ ବର୍ତ୍ତମାନ ସେମାନେ ନିଜ ନିଜ ଅନୁସାରେ ସାହାଯ୍ୟ କରୁଛନ୍ତି |

ନିକଟରେ କପିଲ ଶର୍ମା, ଅକ୍ଷୟ କୁମାର, ବରୁଣ ଧୱନ, ଭୂଷଣ କୁମାର, ରଣଦୀପ ହୁଡା ଆର୍ଥିକ ସହାୟତା ପ୍ରଦାନ କରିଛନ୍ତି । ବର୍ତ୍ତମାନ ଏହି ଧାରାରେ କାର୍ତ୍ତିକ ଆର୍ୟନଙ୍କ ନାମ ମଧ୍ୟ ଯୋଡା ଯାଇଛି | କାର୍ତ୍ତିକ ପ୍ରଧାନମନ୍ତ୍ରୀଙ୍କ ରିଲିଫ ପାଣ୍ଠି ଅର୍ଥାତ୍ PM ରିଲିଫ୍ ପାଣ୍ଠିକୁ ଏକ କୋଟି ଟଙ୍କା ଦାନ କରିଛନ୍ତି। କାର୍ତ୍ତିକ ଇନଷ୍ଟାଗ୍ରାମରେ ଏନେଇ ସୂଚନା ଦେଇଛନ୍ତି |

କାର୍ତ୍ତିକ ନିଜ ଇନଷ୍ଟାଗ୍ରାମ ପେଜରେ ଲେଖିଛନ୍ତି ଯେ “ମୁଁ ଆଜି ଯାହା ବି ହେଇଚି, ଯେଉଁ ନାଁ କରିଛି ତାହା କେବଳ ଦେଶବାସୀଙ୍କ ପାଇଁ ସମ୍ଭବ ହୋଇଛି । କରୋନା ସହ ଲଢ଼ିବାକୁ ମୁଁ ପ୍ରଧାନମନ୍ତ୍ରୀଙ୍କ ରିଲିଫ ପାଣ୍ଠିକୁ ୧ କୋଟି ଟଙ୍କା ଦାନ କରୁଛି। ମୁଁ ମଧ୍ୟ ଲୋକଙ୍କୁ ଅନୁରୋଧ କରୁଛି ଯେ ଆପଣମାନେ ମଧ୍ୟ ଯଥା ସମ୍ଭବ ସାହାଯ୍ୟ କରନ୍ତୁ |”

ନିକଟରେ ବଲିଉଡ ଅଭିନେତା ଅକ୍ଷୟ କୁମାର “ପ୍ରଧାନମନ୍ତ୍ରୀ ନରେନ୍ଦ୍ର ନାଗରିକ ସହାୟତା ଏବଂ ଜରୁରୀକାଳୀନ ସହାୟତା ପାଣ୍ଠି’ କୁ ୨୫ କୋଟି ଟଙ୍କା ଦାନ କରିଛନ୍ତି। ଅକ୍ଷୟଙ୍କ ପଦକ୍ଷେପକୁ ସାରା ଦେଶରେ ପ୍ରଶଂସା କରାଯାଉଛି। କେବଳ ସାଧାରଣ ଲୋକ ନୁହଁନ୍ତି ସେଲିବ୍ରିଟିମାନେ ମଧ୍ୟ ତାଙ୍କୁ ହିରୋ ବୋଲି କହୁଛନ୍ତି। ଅକ୍ଷୟ ତାଙ୍କ ଟ୍ୱିଟର ଆକାଉଣ୍ଟରେ ଲେଖିଛନ୍ତି, ‘ବର୍ତ୍ତମାନ ସମସ୍ତଙ୍କ ଜୀବନ ମହତ୍ଵପୁର୍ଣ। ଜୀବନ ବଞ୍ଚାଇବା ପାଇଁ ଯେତିକି ପାରିବା ଲୋକଙ୍କୁ ସାହାଯ୍ୟ କରିବା | ମୁଁ ମୋର ସଞ୍ଚୟରୁ ପିଏମ ରିଲିଫ ପାଣ୍ଠିକୁ ୨୫ କୋଟି ଟଙ୍କା ଦେବାକୁ ପ୍ରତିଶୃତି ଦେଉଛି । ଆସନ୍ତୁ ସମସ୍ତେ ମିଳିମିଶି ଜୀବନ ରକ୍ଷା କରିବା | ଯଦି ଜୀବନ ଅଛି ତାହେଲେ ଜଗତ ଅଛି |”

ବଲିଉଡ ଅଭିନେତା ରଣଦୀପ ହୁଡା ମଧ୍ୟ ପ୍ରଧାନମନ୍ତ୍ରୀଙ୍କ ନାଗରିକ ସହାୟତା ଏବଂ ଜରୁରୀକାଳୀନ ପରିସ୍ଥିତି ସହାୟତା ପାଇଁ ଏକ କୋଟି ଟଙ୍କା ଦାନ କରିଛନ୍ତି (PM CARES Fund)। ଏମାନଙ୍କ ବ୍ୟତୀତ ଚଳଚ୍ଚିତ୍ର ନିର୍ମାତା ଭୂଷଣ କୁମାର ୧୧ କୋଟି, ବରୁଣ ଧାୱନ ୫୫ ଲକ୍ଷ ଏବଂ କପିଲ ଶର୍ମା ୫୦ ଲକ୍ଷ ଟଙ୍କା ଦାନ କରିଛନ୍ତି।

   Related Posts