ନୂଆଦିଲ୍ଲୀ ୦୩।୦୮ : ପୂର୍ବତନ ଅର୍ଥମନ୍ତ୍ରୀ ପି ଚିଦାମ୍ବରମ୍ଙ୍କ ପୁଅ କାର୍ତ୍ତି ଚିଦାମ୍ବରମ କରୋନା ସଂକ୍ରମିତ ହୋଇଛନ୍ତି । କରୋନାରେ ସଂକ୍ରମିତ ନେଇ କାର୍ତ୍ତି ନିଜେ ଟ୍ୱିଟ୍ କରି ସୂଚନା ଦେଇଛନ୍ତି । କରୋନା ରିପୋର୍ଟ ପଜିଟିଭ୍ ଆସିବା ପରେ ସେ ହୋମ୍ କ୍ୱାରେଣ୍ଟାଇନ୍ ରହିଛନ୍ତି ।
କଂଗ୍ରେସ ସାସଂଦ କାର୍ତ୍ତି ଚିଦାମ୍ବରମ ଟ୍ୱିଟ୍ କରି ଲେଖିଛନ୍ତି ଯେ, ମୁଁ ଏବେ କରୋନା ସଂକ୍ରମିତ ହୋଇଛି । ମୋ ଠାରେ କରୋନାର ସାମାନ୍ୟ ଲକ୍ଷଣ ଦେଖାଦେଇଥିଲା। ଏହାପରେ ମୁଁ କୋଭିଡ଼ ଟେଷ୍ଟ କରିଥିଲି । ଟେଷ୍ଟ ରିପୋର୍ଟ ପଜିଟିଭ୍ ଆସିବା ପରେ ମୁଁ ହୋମ୍ କ୍ୱାରେଣ୍ଟାଇନ୍ ରହିଛି । ମେଡିକାଲ ପକ୍ଷରୁ ଜାରି କରାଯାଇଥିବା ସମସ୍ତ ପ୍ରୋଟୋକୋଲ୍ ପାଳନ କରୁଛି । ତେବେ କାର୍ତ୍ତିଙ୍କ ସଂସ୍ପର୍ଶରେ ଆସିଥିବା ସମସ୍ତ ଲୋକଙ୍କୁ କ୍ୱାରଣ୍ଟାଇନ୍ କିମ୍ବା ଡାକ୍ତରଙ୍କ ସହିତ ଯୋଗାଯୋଗ କରିବାକୁ ଅନୁରୋଧ କରିଛନ୍ତି ।
wp:html/wp:htmlI have just tested positive for #Covid. My symptoms are mild and as per medical advice I am under home quarantine. I would urge all those who have recently been in contact with me to follow medical protocol.
— Karti P Chidambaram (@KartiPC) August 3, 2020
ତେବେ ଏହାପୂର୍ବରୁ ରବିବାର ଦିନ କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହା , କର୍ଣ୍ଣାଟକ ମୁଖ୍ୟମନ୍ତ୍ରୀ ବି.ଏସ୍ ୟେଦୁରପ୍ପା କରୋନା ସଂକ୍ରମିତ ହୋଇଛନ୍ତି । ଯେଉଁମାନଙ୍କ ରିପୋର୍ଟ ପଜିଟିଭ୍ ଆସିବା ପରେ, ସମସ୍ତଙ୍କୁ ମେଡିକାଲରେ ଭର୍ତ୍ତି କରାଯାଇଛି । କରୋନା ପଜିଟିଭ୍ ଚିହ୍ନଟ ହୋଇଥିବା ଅମିତ ଶାହା ପ୍ରଥମ କେନ୍ଦ୍ରୀୟ ମନ୍ତ୍ରୀ ।
ସେହିପରି ରବିବାର ଦିନ ଉତ୍ତରପ୍ରଦେଶ ମନ୍ତ୍ରୀ କମଳ ରାଣୀ ବରୁଣ କରୋନା ସଂକ୍ରମିତ ହୋଇ ପ୍ରାଣ ହରାଇଛନ୍ତି । ଏହାବ୍ୟତୀତ ଉତ୍ତରପ୍ରଦେଶ ବିଜେପି ପ୍ରମୁଖ ସ୍ୱତନ୍ତ୍ର ଦେବ ସିଂହ ମଧ୍ୟ କରୋନା ସଂକ୍ରମିତ ହୋଇଛନ୍ତି ।