Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଶ୍ଚିମବଙ୍ଗ ନିର୍ବାଚନରେ କରୋନା ନିୟମର ଖୁଲମ୍‌ଖୁଲା ଉଲଙ୍ଘନ, ଏପ୍ରିଲ୍‌ ୧୬ରେ ସର୍ବଦଳୀୟ ବୈଠକ ଡକାଇଲେ ନିର୍ବାଚନ ଆୟୋଗ
  • ||
  • ଭୁବନେଶ୍ବର : ପିପିଲି କଂଗ୍ରେସ ପ୍ରାର୍ଥୀ ଅଜିତ୍ ମଙ୍ଗରାଜଙ୍କ ପରଲୋକ
  • ||
  • ଭୁବନେଶ୍ବର : ରାଜ୍ୟରେ ପରୀକ୍ଷା ହେବ କି ନାହିଁ ସେନେଇ ଚିନ୍ତା କରିବୁ – ଗଣଶିକ୍ଷା ମନ୍ତ୍ରୀ
  • ||
  • ଯାଜପୁର : ଏକ ତରଫା ପ୍ରେମରୁ ଯୁବକଙ୍କ ଉନ୍ମତକାଣ୍ଡ, ବାହା ହେବାକୁ ରାଜି ନହେବାରୁ ସମ୍ପର୍କୀୟ ଭଉଣୀଙ୍କୁ ଚେଙ୍କ ଦେଲା ଭାଇ
  • ||
  • ବାଲେଶ୍ବର : ସମୁଦ୍ରରେ ମାଛ ଧରା ବନ୍ଦ, ଆଜିଠୁ ଜୁନ୍ ୧୫ ଯାଏଁ ବଳବତ୍ତର ରହିବ କଟକଣା
  • ||
  • ଭୁବନେଶ୍ବର : କୋଭିଡ୍ ନିୟମ ଉଲଂଘନକାରୀଙ୍କଠୁ ୨ କୋଟି ୧୭ ଲକ୍ଷ ଟଙ୍କା ଫାଇନ୍ ଆଦାୟ
  • ||
  • ଭୁବନେଶ୍ବର : ୟେଲୋ ଜୋନ୍‌କୁ ଗଲା ୫ ଜିଲ୍ଲା, ପୂର୍ବରୁ ୨ ଜିଲ୍ଲା ରହିଛି ରେଡ୍ ଜୋନ୍‌ରେ
  • ||
  • ଝାରସୁଗୁଡା : କୋଇଲା ଖଣି ମ୍ୟାନେଜର ଅଫିସରୁ ମହିଳା କର୍ମଚାରୀଙ୍କ ଝୁଲନ୍ତା ମୃତଦେହ ଉଦ୍ଧାର, କାରଣ ଅସ୍ପଷ୍ଟ
  • ||
  • ମାଲକାନଗିରି : ମାଲକାନଗିରିରୁ ଛତିଶଗଡକୁ ସଂଯୋଗ ସମସ୍ତ ରାସ୍ତା ସିଲ୍, ଅପ୍ରେଲ ୩୦ଯାଏଁ ବସ୍ ଚଳାଚଳ ଠପ୍
  • ||
  • CBSE ଦଶମ ଶ୍ରେଣୀ ବୋର୍ଡ ପରୀକ୍ଷା ବାତିଲ, ଛାତ୍ରଛାତ୍ରୀଙ୍କ ମାର୍କ ସ୍ଥିର କରିବ ବୋର୍ଡ
  • ||

କରୋନାକୁ କୋକୁଆ ଭୟ: ଭାରତରେ କାୟା ବିସ୍ତାର କରି ଚାଲିଛି କରୋନା

5/03/2020 at 7:14 PM

ନୂଆଦିଲ୍ଲୀ୫/୩: କରୋନାକୁ ନେଇ କୋକୁଆ ଭୟ। ଭାରତରେ କାୟା ବିସ୍ତାର କରି ଚାଲିଛି କରୋନା ଭାଇରସ୍। ଆକ୍ରାନ୍ତଙ୍କ ସଂଖ୍ୟା ୩୦ ଛୁଇଁଛି । ଆଜି ଉତ୍ତର ପ୍ରଦେଶ ଗାଜିଆବାଦରେ ଜଣେ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ସେ ଇରାନରୁ ଫେରିଥିଲେ । ଏଯାଏ ୩ ହଜାର ୫୪୨ କରୋନା ସନ୍ଦିଗ୍ଧଙ୍କ ସାମ୍ପୁଲ ପରୀକ୍ଷଣ ସରିଲାଣି । ଏଥିରୁ ୩୦ ଜଣଙ୍କ ଠାରେ ପଜିଟିଭ୍ ବାହାରିଛି । ୯୧ ରିପୋର୍ଟକୁ ଅପେକ୍ଷା କରାଯାଇଛି । ୨୮ ହଜାର ୫୨୯ କରୋନା ସନ୍ଦିଗ୍ଧଙ୍କ ଉପରେ ନଜର ରଖାଯାଇଥିବା କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ  ଡକ୍ଟର ହର୍ଷବର୍ଦ୍ଧନ କହିଛନ୍ତି । ବିମାନବନ୍ଦରରେ ୫ ଲକ୍ଷ ୮୯ ହଜାର ଏବଂ ସୀମାରେ ୧୦ ଲକ୍ଷରୁ ଅଧିକ ଲୋକଙ୍କ ସ୍କ୍ରିନିଂ ସରିଥିବା ମନ୍ତ୍ରୀ ରାଜ୍ୟସଭାରେ ସୂଚନା ଦେଇଛନ୍ତି ।

ଦେଶରେ କରୋନା ଭୟାବହତା ବଢୁଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ଥିତି ସମୀକ୍ଷା କରିଛନ୍ତି । ଦେଶର ସମସ୍ତ ଜିଲ୍ଲାରେ କରୋନା ମୁକାବିଲା ପାଇଁ ଆବଶ୍ୟକ ପ୍ରସ୍ତୁତି କରିବାକୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ସ୍ବାସ୍ଥ୍ୟ ମନ୍ତ୍ରାଳୟକୁ ନିର୍ଦ୍ଦେଶ ଦିଆଯାଇଛି । ଦିଲ୍ଳୀରେ ୩୧ ମାର୍ଚ୍ଚ ଯାଏ ୫ମ ଶ୍ରେଶୀ ପର୍ଯ୍ୟନ୍ତ ସବୁ ସରକାରୀ ଏବଂ ବେସରକାରୀ ସ୍କୁଲକୁ ଛୁଟି ଘୋଷଣା କରାଯାଇଛି । ବାୟୋମେଟ୍ରିକ ବନ୍ଦ କରିଛନ୍ତି ଦିଲ୍ଳୀ ସରକାର । କରୋନା ପାଇଁ ଦେଶର ୨୧ଟି ବିମାନ ବନ୍ଦରରେ ୩୦୦ ଜଣ ଡାକ୍ତରଙ୍କୁ ଆଲର୍ଟ କରାଯାଇଛି । ବିଦେଶରୁ ଆସୁଥିବା ଯାତ୍ରୀଙ୍କ ଥର୍ମାଲ ସ୍କ୍ରିନିଂ କରାଯାଉଛି।

ସାରା ବିଶ୍ବରେ  କରୋନା ମୃତ୍ୟୁ ସଂଖ୍ୟା ୩ ହଜାର ୩ ଶହ ଟପିଛି । କେବଳ ଚୀନରେ ୩ ହଜାର ଟପିଲାଣି ମୃତ୍ୟୁ ସଂଖ୍ୟା । ୮୬ଟି ଦେଶରେ କରୋନା ପହଞ୍ଚିସାରିଲାଣି । ବିଶ୍ବରେ ଆକ୍ରାନ୍ତଙ୍କ ସଂଖ୍ୟା ୯୬ ହଜାର ଟପିଛି । ଇଟାଲୀରେ ୧୦୭ ଜଣଙ୍କ ମୃତ୍ୟୁ ହୋଇଥିବା ବେଳେ ୩ହଜାରରୁ ଅଧିକ ଆକ୍ରାନ୍ତ ହୋଇଛନ୍ତି । ସ୍ଥିତକୁ ଦେଖି ଇଟାଲୀରେ ସ୍କୁଲ ଏବଂ କଲେଜ ବନ୍ଦ କରି ଦିଆଯାଇଛି । ଦକ୍ଷିଣ କୋରିଆରେ ୩୨, ଇରାନରେ ୯୨  ଏବଂ ଆମେରିକାରେ ୧୧ଜଣଙ୍କ ମୃତ୍ୟୁ ହେଲାଣି । ସାଂଘାତିକ କଥା ହେଲା ମଣିଷଠାରୁ ଏବେ ପଶୁଙ୍କୁ ଏହି ଭୂତାକୁ ଆକ୍ରାନ୍ତ କଲାଣି । ହଂକଂରେ ଜଣେ ମହିଳାଙ୍କ ପୋଷା କୁକୁର ଏହି ଭୂତାଣୁରେ ସଂକ୍ରମିତ ହୋଇଥିବା ଜଣାପଡିଛି।

କରୋନା ଭୁତାଣୁରୁ ରକ୍ଷା ପାଇବାକୁ ଲୋକେ ମାସ୍କ ଏବଂ ସାନିଟାଇଜର୍ ର ବ୍ୟବହାର କରୁଛନ୍ତି । ରାଜଧାନୀ ଦିଲ୍ଲୀ ସମେତ ଅନକ ସ୍ଥାନରେ ତ ମାସ୍କ୍ ଏବଂ ସାନିଟାଇଜର୍ ର ଚାହିଦା ବଢିବା କାରଣରୁ ଦର ଚଢା ହୋଇଛି । ସାନିଟାଇଜରରେ ଆଲକହଲର ମାତ୍ରା ଥିବାରୁ ଏହାକୁ ବ୍ୟବହାର କରିବା ପାଇଁ ଆଡଭାଇଜରି ଜାରି କରାଯାଇଛି । ବାରମ୍ବାର ହାତ ଧୋଇବା , ସଫାସୁତୁରା ରହିବାକୁ କୁହାଯାଛି । ଲୋକଙ୍କୁ ସଚେତନ କରିବାକୁ ଆଜି ମୁହଁରେ ମାକ୍ସ ବାନ୍ଧି ସାଂସଦ ନଭନୀତ କୌର ସଂସଦରେ ପହଞ୍ଚିଥିଲେ ।

ସେହିପରି କଂଗ୍ରେସ ନେତା ଗୁଲାମ ନବୀ ଆଜାଦ୍, ଜୟରାମ ରମେଶ ଏକଂ ଅନ୍ୟ କିଛି ନେତା ହ୍ୟାଣ୍ଡ ସାନିଟାଇଜର ବ୍ୟବହାର କରିବା ସହ ହାତ ମିଳାଇବା ବଦଳରେ ପରସ୍ପରକୁ ହାତ ଯୋଡି ନମସ୍କାର ହୋଇଥିଲେ । ଇସ୍ରାଏଲରେ ନାଗରିକମାନଙ୍କୁ ହ୍ୟାଣ୍ଡସେକ୍‌ କରିବା ବଦଳରେ ଭାରତୀୟଙ୍କ ପରି ‘ନମସ୍ତେ’ ଢାଞ୍ଚା ଗ୍ରହଣ କରିବାକୁ ପ୍ରଧାନମନ୍ତ୍ରୀ ବେଞ୍ଜାମିନ ନେତନ୍ୟାହୁ ପରାମର୍ଶ ଦେଇଛନ୍ତି ।

   Related Posts