Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାଲିପାରିଲାନି ବିଧାନସଭା, ସୋମାବାର ପର୍ଯ୍ୟନ୍ତ ମୁଲତବୀ ଘୋଷଣା କଲେ ବାଚସ୍ପତି
  • ||
  • ଭୁବନେଶ୍ବର : ଚଉଷଠୀ ଯୋଗିନୀ ମା’ ନାରାୟଣୀଙ୍କ ମନ୍ଦିରରୁ ଚୋରି, ମା’ଙ୍କ ମୂର୍ତ୍ତିରୁ ସୁନା ଅଳଙ୍କାର ତାଡି ନେଲେ ଦୁର୍ବୃତ୍ତ
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହୋଇଛନ୍ତି ୬୯୭୦ଜଣ ଭିକାରୀ, ୪୧୨୮ ପୁରୁଷ ଓ ୨୮୪୨ ମହିଳା
  • ||
  • ଭୁବନେଶ୍ବର : ବର୍ତ୍ତମାନ ସୁଦ୍ଧା ରାଜ୍ୟରେ ଓମିକ୍ରନ୍ ଚିହ୍ନଟ ହୋଇନାହିଁ : DMET
  • ||
  • ଭୁବନେଶ୍ବର : ଗୃହରେ ବିରୋଧୀଙ୍କ ପ୍ରତିବାଦ ପ୍ରସଙ୍ଗ, ବିଧାୟିକା ସ୍ନେହାଙ୍ଗୀନି ଛୁରିଆ କହିଲେ- ‘ଏହା ଗଣତନ୍ତ୍ର ପ୍ରତି ସୁସ୍ଥ ବାତାବରଣ ନୁହଁ’
  • ||
  • ଭୁବନେଶ୍ବର : ଦୁର୍ବଳ ହେବାରେ ଲାଗିଛି ବାତ୍ୟା : ରାଜସ୍ବ ମନ୍ତ୍ରୀ
  • ||
  • ଭୁବନେଶ୍ବର : ମମିତା ଝଡ ଧୀରେ ଧୀରେ ମହାବାତ୍ୟା ଆଡକୁ ମୁହାଁଇବ : ବିଷ୍ଣୁ ସେଠୀ
  • ||
  • ପୁରୀ : ପୁରୀ ବେଳାଭୂମିରେ ଲାଗିଲା ରେଡ୍ ଫ୍ଲାଗ୍, ଜନସାଧାରଣଙ୍କୁ ଯିବା ଲାଗି ବାରଣ
  • ||
  • ପଦାର୍ଥ ବିଜ୍ଞାନୀ ପଦ୍ମଭୂଷଣ ତ୍ରିଲୋଚନ ପ୍ରଧାନଙ୍କ ପରଲୋକ
  • ||
  • କୋରାପୁଟ : ମାଲବାହୀ ଟ୍ରେନ୍‌ ଇଞ୍ଜିନ୍ ଲାଇନ୍‌ଚ୍ୟୁତ, ନୂଆ ଟ୍ରାକ୍‌ରୁ ପୁରୁଣା ଟ୍ରାକ୍‌କୁ ପାସ୍ ବେଳେ ଦୁର୍ଘଟଣା
  • ||

ଅକ୍ଷୟ କୁମାରଙ୍କ ଫିଲ୍ମ ‘ପୃଥ୍ଵୀରାଜ’କୁ ନେଇ ବିବାଦ : କର୍ଣ୍ଣି ସେନାର ଧମକ, ଇତିହାସର ତଥ୍ୟକୁ ଏପଟ ସେପଟ କଲେ ରିଲିଜ ବନ୍ଦ

17/03/2020 at 4:58 PM

ମୁମ୍ବାଇ ୧୭/୦୩ : ସଞ୍ଜୟ ଲୀଳା ଭନସାଲିଙ୍କ ଫିଲ୍ମ ‘ପଦ୍ମାବତ’ ବିରୋଧରେ ହୋଇଥିବା ବିରୋଧ ପ୍ରଦର୍ଶନ ଆପଣମାନଙ୍କର ନିଶ୍ଚୟ ମନେଥିବ | ବହୁତ ଝଡଝଞ୍ଜା ପରେ ଫିଲ୍ମଟି ରିଲିଜ ହୋଇଥିଲା | କର୍ଣ୍ଣି ସେନା ଟାର୍ଗେଟରେ ବର୍ତ୍ତମାନ ଅକ୍ଷୟ କୁମାରଙ୍କ ଫିଲ୍ମ ‘ପୃଥ୍ଵୀରାଜ’ | କିଛିଦିନ ପୂର୍ବରୁ ରାଜସ୍ଥାନ ଜୟପୁରରେ ଏହି ଫିଲ୍ମର ସୁଟିଙ୍ଗ ଚାଲିଥିଲା | କିନ୍ତୁ ଫିଲ୍ମର ସୁଟିଙ୍ଗ ଅଟକେଇ ଦିଆଯାଇଥିଲା | ଫିଲ୍ମ ‘ପୃଥ୍ଵୀରାଜ’ର ନିର୍ମାତା ଇତିହାସର ବିପରୀତ ଗତି ଦେଖାଇବାକୁ ଚେଷ୍ଟା କରୁଛନ୍ତି ବୋଲି କର୍ଣ୍ଣି ସେନା ଅଭିଯୋଗ କରିଥିଲା | ଏହି ମାମଲାରେ ଫିଲ୍ମ ନିର୍ମାତାଙ୍କ ତରଫରୁ କୌଣସି ବୟାନ ଜାରି କରାଯାଇନାହିଁ | କର୍ଣ୍ଣି ସେନା ଅଧ୍ୟକ୍ଷ ମହୀପାଳ ସିଂହ ଫେସବୁକ ଲାଇଭ କରି ଫିଲ୍ମ ପ୍ରତି ଆପତ୍ତି ଦର୍ଶାଇଛନ୍ତି |

ମହୀପାଳ ସିଂହ ଏବଂ କର୍ଣ୍ଣି ସେନାର ଅନେକ ସଦସ୍ୟ ଜମବାରମଗଢ଼ରେ ଚାଲୁଥିବା ଅକ୍ଷୟ କୁମାରଙ୍କ ଫିଲ୍ମ ସୁଟିଙ୍ଗ ସମୟରେ ସେଠାରେ ପହଞ୍ଚିଥିଲେ | ଇତିହାସର ବିପରୀତ କୌଣସି କାହାଣୀ ଫିଲ୍ମରେ ଦର୍ଶାଉଥିବା ସ୍ପଷ୍ଟ ନ କରିବା ଯାଏଁ ସେ ଫିଲ୍ମ ସୁଟିଙ୍ଗ ହେବାକୁ ଦେବେ ନାହିଁ ବୋଲି କହିଥିଲେ | ଫିଲ୍ମ ନିର୍ଦେଶକ ଚନ୍ଦ୍ର ପ୍ରକାଶ ଦ୍ବିବେଦୀ ଭରସା ଦେଇ କହିଥିଲେ ଯେ, କୌଣସି ଐତିହାସିକ ତଥ୍ୟକୁ ଏପଟସେପଟ କରାଯାଇନାହିଁ | ଏହାପରେ କର୍ଣ୍ଣି ସେନା ଶାନ୍ତ ହୋଇଥିଲେ | କିନ୍ତୁ ସେ ଲିଖିତ ଆକାରରେ ଏହି ବୟାନ ଦାବି କରିଛନ୍ତି |

ସୂଚନାଯୋଗ୍ୟ ଯେ, ଯେତେବେଳେ ଫିଲ୍ମର ସୁଟିଙ୍ଗ ବନ୍ଦ କରିଦିଆଯାଇଥିଲା ସେତେବେଳେ ଅକ୍ଷୟ କୁମାର ସେଠାରେ ଉପସ୍ଥିତ ନଥିଲେ | ମହୀପାଳ ସିଂହ ଫେସବୁକ ଲାଇଭରେ ଫିଲ୍ମ ନିର୍ଦେଶକଙ୍କ ସହ ହୋଇଥିବା ବୁଝାମଣା ସମ୍ପର୍କରେ ମଧ୍ୟ କହିଥିଲେ | ସେ କହିଥିଲେ ଯେ, ପଦ୍ମାବତ ସମୟରେ କର୍ଣ୍ଣି ସେନା ଯେଭଳି ରାସ୍ତାକୁ ଓହ୍ଲାଇଥିଲା ଏବେ ସେହିଭଳି ପରିସ୍ଥିତି ସୃଷ୍ଟି କରିବାକୁ ଚାହୁଁନାହାନ୍ତି | ଐତିହାସିକ ତଥ୍ୟ ସହ କୌଣସି ଭୁଲ ତଥ୍ୟ ପ୍ରତିପାଦିତ ନ କରିବାକୁ ଫିଲ୍ମ ନିର୍ଦେଶକଙ୍କୁ ସେ ଚେତାବନୀ ଦେଇଛନ୍ତି ବୋଲି କହିଥିଲେ |

ତେବେ ଘଟଣାକୁ ନେଇ ଫିଲ୍ମ ନିର୍ଦେଶକ ଓ ଅକ୍ଷୟ କୁମାରଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ | ଫିଲ୍ମରେ ପୃଥ୍ଵୀରାଜଙ୍କ ଚରିତ୍ରରେ ଅକ୍ଷୟ କୁମାର ଅଭିନୟ କରୁଛନ୍ତି | ଅକ୍ଷୟଙ୍କ ବିପକ୍ଷରେ ପୂର୍ବତ୍ତନ ମିସ ୟୁନିଭର୍ସ ମାନୁଷୀ ଚିଲ୍ଲର ଅଭିନୟ କରୁଛନ୍ତି | ବଲିଉଡରେ ଏହା ମାନୁଷୀଙ୍କ ଡେବ୍ୟୁ | 

   Related Posts