Monday, September 23, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଫିଲ୍ମ ନିର୍ଦ୍ଦେଶକ କରନ ଯୋହରଙ୍କ ସମ୍ପତ୍ତି କେତେ ଜାଣନ୍ତୁ

ମୁମ୍ୱାଇ୧୫|୩: ବଲିଉଡର ଚର୍ଚ୍ଚିତ ଓ ପ୍ରତିଷ୍ଠିତ ନିର୍ମାତା, ନିର୍ଦ୍ଦେଶକ କରନ ଯୋହର କିଛି ଦିନ ପୂର୍ବରୁ ନିଜ ପୁଅ ଓ ଝିଅଙ୍କ ଜନ୍ମଦିନ ପାଳନ କରିଥିଲେ। ଏହି ବର୍ଥଡେ ପାର୍ଟିର ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି। ୧୯୭୨ ମସିହା ମେ ମାସ ୨୫ ତୀରିଖରେ ବଲିଉଡ ନିର୍ମାତା ୟଶ ଯୋହାରଙ୍କ ଘରେ କରନଙ୍କ ଜନ୍ମ ହୋଇଥିଲା। କରନଙ୍କର ପ୍ରଡକଶନ ହାଉସ ଧର୍ମା ପ୍ରଡକଶନର ଫିଲ୍ମ ରାଜି ଓ ଶିମ୍ୱା ଫିଲ୍ମ ୨୦୦ କୋଟି ଟଙ୍କାରୁ ଅଧିକ ଆୟ କରିଥିଲା।   
ଏକ ସାକ୍ଷାତକାରରେ କରନ କହିଥିଲେ ଯେ, ସେ ୧୭୦ କୋଟି ଟଙ୍କା ସମ୍ପତ୍ତିର ମାଲିକ। ଫିଲ୍ମ ସହ କରନ ଟିଭି ଓ ରେଡିଓ ସୋରେ ମଧ୍ୟ ହୋଷ୍ଟ କରନ୍ତି। ୧୯୯୫ ମସିହାରେ ରିଲିଜ ହୋଇଥିବା ଦିଲୱାଲେ ଦୁଲହନିଆ ଲେ ଯାଏଙ୍ଗେ ଚଳଚ୍ଚିତ୍ରରୁ କରନ ତାଙ୍କ ଫିଲ୍ମି କ୍ୟାରିଅର ଆରମ୍ଭ କରିଥିଲେ। ଏହି ଫିଲ୍ମରେ କରନ ସହଯୋଗୀ ନିର୍ଦ୍ଦେଶକ ଭାବେ କାମ କରିଥିଲେ।
ଏହା ପରେ ରିଲିଜ ହୋଇଥିବା କୁଛ କୁଛ ହୋତା ହୈ ଫିଲ୍ମର ନିର୍ଦ୍ଦେଶକ କରନ ଥିଲେ। କରନ ଯୋହାରଙ୍କ ଅଧିକାଂଶ ଫିଲ୍ମରେ ଶାହରୁଖ ଖାନ ମୁଖ୍ୟ ଭୂମିକାରେ ଅଭିନୟ କରିଛନ୍ତି। ୯୦ ଦଶକରୁ ଆରମ୍ଭ କରି ଆଜି ମଧ୍ୟରେ କରନ ଜଣେ ସଫଳ ନିର୍ଦ୍ଦେଶକ ଭାବେ ଖ୍ୟାତି ଅର୍ଜ୍ଜନ କରିଛନ୍ତି । କରନ ଯୋହର ବିବାହ କରିନାହାନ୍ତି।
୨୦୧୭ ମସିହାରେ ସରୋଗେସୀ ଦ୍ୱାରା ୨ଶିଶୁଙ୍କର ବାପା ହୋଇଛନ୍ତି। ତାଙ୍କ ପୁଅଙ୍କ ନାଁ ୟଶ ଓ ଝିଅଙ୍କ ନାଁ ରୂହି। କରନ ଯୋହର ଫିଲ୍ମରେ ଅଭିନୟ କରିବା ପାଇଁ ଚାହୁଁଥିଲେ କିନ୍ତୁ ଏହି କ୍ଷେତ୍ରରେ ସେ ଅସଫଳ ହୋଇଥିଲେ।  ଏହି ବିଷୟରେ କରନ ନିଜେ ତାଙ୍କ ସୋ କଫି ୱିଥ କରନରେ ପ୍ରକାଶ କରିଥିଲେ।    

441 Views

   ସମ୍ବନ୍ଧିତ ଖବର