Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ବୁଲିବା ପାଇଁ ଶବ ପାଲଟିଲେ ଯୁବକ : ପୋଲିସ କଫିନ ଉଠାଇ ଦେଖିବାରୁ ଉଠି ବସିଲେ ନକଲି ଶବ, ପଚାରିଲେ – ‘ଆମେ ପହଞ୍ଚିଗଲୁ ?’

22/04/2020 at 3:49 PM

କରାଚୀ ୨୨/୦୪ : କରୋନା ଯୋଗୁଁ ସାରା ଦୁନିଆ ଚିନ୍ତିତ | ଭାଇରସ ବିସ୍ତାର ରୋକିବା ପାଇଁ ଅନେକ ଦେଶ ଲକଡାଉନ ରହିଛି | ବିନା କାମରେ ବାହାରକୁ ଯିବା ପାଇଁ ସରକାର ଜନତାଙ୍କୁ ମନା କରିଛନ୍ତି | ସାମାଜିକ ଦୂରତା ପାଳନ କରିବାକୁ ମଧ୍ୟ ବାରମ୍ବାର ଅପିଲ କରାଯାଉଛି | ତେବେ ଏଭଳି ସ୍ଥିତିରେ ବାହାରକୁ ଯିବା ପାଇଁ ଲୋକେ ନାନା ବାହାନା ଖୋଜୁଛନ୍ତି |

ପାକିସ୍ତାନର ଏକ ଅଜବ ଘଟଣା ସାମ୍ନାକୁ ଆସିଛି | ବାହାରକୁ ଯିବା ପାଇଁ ଜୀବନ୍ତ ବ୍ୟକ୍ତିକୁ ମୃତ କରି ଆମ୍ବୁଲାନ୍ସରେ ଶୁଆଇ ଦେଇଥିଲେ ତାଙ୍କ ବନ୍ଧୁ | କିନ୍ତୁ ପୋଲିସ ହାତରେ ଧରା ପଡ଼ିଥିଲେ | ପୋଲିସ ଆମ୍ବୁଲାନ୍ସ ଅଟକାଇ ଯାଞ୍ଚ କରିବା ପାଇଁ କଫିନ ଉଠାଇବାରୁ ମୃତ ପାଲଟିଥିବା ବ୍ୟକ୍ତି ଜଣକ ଉଠି ବସି ପଡିଥିଲେ | ହଠାତ ତାଙ୍କ ପାଟିରୁ ବାହାରି ଯାଇଥିଲା, “ଆମେ ପହଞ୍ଚିଗଲୁ କି ?”

ପାକିସ୍ତାନର କରାଚୀ ସହରରେ ଘଟିଛି ଏହି ଘଟଣା | ଏଠାରେ କିଛି ଲୋକ ଲକଡାଉନ ନିୟମ ଭାଙ୍ଗି ଯାତ୍ରା କରିବା ପାଇଁ ଜଣେ ମୃତ ବ୍ୟକ୍ତିଙ୍କୁ ମୃତ କରିଦେଇଥିଲେ | ଲକଡାଉନ ସମୟରେ ଆମ୍ବୁଲାନ୍ସର ଯିବା ଆସିବା ଉପରେ କୌଣସି କଟକଣା ନାହିଁ | ଆମ୍ବୁଲାନ୍ସକୁ କେଉଁଠାରେ ରୋକା ଯାଉନାହିଁ | ଏହାର ଫାଇଦା ଉଠାଇ କିଛି ଲୋକ ନକଲି ଶବ ନେଇ ଯିବା ବାହାନାରେ ଆମ୍ବୁଲାନ୍ସରେ ଯାତ୍ରା କରିବା ପାଇଁ ବାହାରି ପଡିଲେ |

ମିଡ଼ିଆ ରିପୋର୍ଟ ଅନୁଯାୟୀ, କିଛି ଲୋକ ମିଶି ଏକ ଆମ୍ବୁଲାନ୍ସ ବୁକ କରିଥିଲେ | ଖେବରପଖ୍ତୁନୱା ଯିବା ପାଇଁ ନିଷ୍ପତ୍ତି ହେଲା | ଆମ୍ବୁଲାନ୍ସ ଭଡା ମଧ୍ୟ ଠିକ ହେଲା | ଭଡା ୫୨ ହଜାର ଦେବେ ବୋଲି ନିଷ୍ପତ୍ତି ହେଲା | ଡ୍ରାଇଭର ମଧ୍ୟ ରାଜି ହୋଇଗଲା | ଏହାପରେ ନିଷ୍ପତ୍ତି ନିଆଗଲା କାହାକୁ ନକଲି ଶବ କରାଯିବ ଯେପରିକି ପୋଲିସ ଚେକ ପୋଷ୍ଟରେ ଯାଞ୍ଚ ନ ହେବ ଏବଂ ସେମାନେ ଆରାମରେ ଖସିଯିବେ | ସେମାନେ ୧୦ ଜଣ ଥିଲେ | ୧୦ ଜଣଙ୍କ ମଧ୍ୟରୁ ଜଣକୁ ନକଲି ଶବ କରି ଶୁଆଇ ଦିଆଗଲା ଏବଂ ଉପରେ ଏକ କଫିନ ଘୋଡାଇ ଦିଆଗଲା | କିନ୍ତୁ ଏମାନଙ୍କ ପାଖରେ କାହାର ମୃତ୍ୟୁ ପ୍ରମାଣ ପତ୍ର ନଥିଲା | ଆମ୍ବୁଲାନ୍ସ କେତେଗୁଡ଼ାଏ ଚେକପୋଷ୍ଟ ଦେଇ ଆଗେଇ ଚାଲିଲା | ଖେବରପଖ୍ତୁନୱା ରାସ୍ତାରେ ଏକ ସୁପର ହାଇୱେ ପଡେ | ଏଠାରେ ପହଞ୍ଚିବା ପରେ ଡ୍ୟୁଟିରେ ଥିବା ପୋଲିସକର୍ମୀ ଆମ୍ବୁଲାନ୍ସକୁ ଅଟକାଇଥିଲେ | ଆମ୍ବୁଲାନ୍ସରେ ଥିବା ଲୋକଙ୍କୁ ଦେଖି ସନ୍ଦେହ କରିଥିଲେ କାରଣ ଆମ୍ବୁଲାନ୍ସରେ ୧୦ ଜଣ ଥିଲେ | ପୋଲିସ ପଚାରିବାରୁ ସେ କହିଥିଲେ ଯେ ତାଙ୍କର ଜଣେ ସମ୍ପର୍କୀୟଙ୍କ ମୃତ୍ୟୁ ହୋଇଛି | ମୃତଦେହ ନେଇ ସେମାନେ ତାଙ୍କର ପୈତୃକ ଗାଁ ଯାଉଛନ୍ତି | ପୋଲିସଠୁ ବଞ୍ଚିବା ପାଇଁ ତାଙ୍କ ପାଖରେ ଥିବା ଏକ ପୁରୁଣା ମୃତ୍ୟୁ ପ୍ରମାଣପତ୍ର ଦେଖାଇଥିଲେ | କିନ୍ତୁ ପୋଲିସକୁ ବିଶ୍ୱାସ ହୋଇନଥିଲା | ସେ ଯାଞ୍ଚ କରିବା ପାଇଁ ମୃତ ବ୍ୟକ୍ତି ଉପରୁ କଫିନ ଉଠାଇବା କ୍ଷଣି ନକଲି ଶବ ଉଠି ପଚାରିଥିଲେ ଆମେ ପହଞ୍ଚିଗଲୁ କି ?

ଯାଞ୍ଚ ପରେ ସତ ସାମ୍ନାକୁ ଆସିବାରୁ ପୋଲିସ ସମସ୍ତ ୧୦ ଜଣଙ୍କୁ ହେପାଜତକୁ ନେଇଥିଲା | କିଛି ସମୟ ହେପାଜତରେ ରଖିବା ପରେ ସେମାନଙ୍କୁ ଛାଡି ଦିଆଯାଇଥିଲା | ଆମ୍ବୁଲାନ୍ସକୁ ଜବତ କରି ଆମ୍ବୁଲାନ୍ସ ଡ୍ରାଇଭରକୁ ପୋଲିସ ଗିରଫ କରିଛି | 

   Related Posts